လုပ်ဆောင်ရန် အလုပ်များကို ဦးစားပေးအဆင့်အတန်း သတ်မှတ်ခြင်း
ခင်ဗျားရဲ့  လုပ်ဆောင်ရန် အလုပ်များစာရင်း ကိုကြည့်လိုက်ပါ။ တချို့  ဟာတွေက ခင်ဗျားဘ၀ အတွက် အရေးပါတယ်၊ တချို့ ဟာတွေက လုပ်လုပ်၊ မလုပ်လုပ် အရေးမပါဘူး။ ဒီတော့ ခင်ဗျားဘ၀ကို အရေးမပါတာတွေ လုပ်ရင်း အချိန်ကုန်မခံပါနဲ့ ။ မိမိရဲ့  ဘ၀ရည်မှန်းချက်တွေ အောင်မြင်ရေးသို့ ဦးတည်တဲ့ အလုပ်တွေကိုပဲ ဦးစားပေးပြီး လုပ်ပါ။ ဘယ်အလုပ်တွေက အရေးပါတယ်၊ ဦးစားပေးရမယ် ဆိုတာကို သုံးသပ်နိုင်တဲ့ နည်းလေးတွေကို ဖော်ပြပါမယ်။
(က) အချင်းချင်း နှိုင်းယှဉ်သုံးသပ်နည်း (Paired Comparison Analysis)
ဒါကတော့ ခင်ဗျားရဲ့  လုပ်ဆောင်ရန်အလုပ်များ ကို (၂)ခုချင်းစီ နှိုင်းယှဉ် သုံးသပ်နည်း ဖြစ်ပါတယ်။ နံပါတ်(၁) အလုပ်နဲ့  နံပါတ်(၂) အလုပ်ကို နှိုင်းယှဉ်ကြည့်ပါ။ ဘယ်ဟာက အရေးပိုကြီးလဲ။ ပြီးရင် (၁) နဲ့  (၃)နဲ့၊ ပြီးရင် (၁)နဲ့ (၄) နဲ့ စသည်ဖြင့် နှိုင်းယှဉ်သွားပါ။ နောက်တဆင့် (၂)နဲ့(၃)၊ (၂)နဲ့(၄)၊ နောက် (၃)နဲ့(၄) အစဉ်လိုက် နှိုင်းယှဉ်ကြည့်ပါ။ ဘယ်လုပ်တွေက အရေးအကြီးဆုံးလဲဆိုတာ ပေါ်လာပါလိမ့်မယ်။ မိမိရဲ့  အချိန် အများစုကို အဲဒီအလုပ်တွေလုပ်ဆောင်ရင်းကုန်လွန်ပါစေ။
(ခ) လုပ်အား-ရလဒ် အချိုးအစားဖြင့် သုံးသပ်ခြင်း (Action Priority Matrix)
အလုပ်တစ်ခုဟာ အားဘယ်လောက်စိုက်ထုတ်ပြီး လုပ်ကိုင်ရလဲ။ အကျိုးရလဒ်ကရော ဘယ်လောက်များလဲ ဆိုတဲ့ အချက်(၂)ခုနဲ့ နှိုင်းယှဉ်သုံးသပ်ကြည့်ပါ။
အကျိုးရလဒ်များ၊ အားစိုက်ရမှု များ = ကြီးမားသော လုပ်ငန်းကြီးဖြစ်သည်။
အကျိုးရလဒ်များ၊အားစိုက်ရမှုနည်း = ဒါဟာလုပ်သင့်တဲ့အလုပ်ဖြစ်ပါတယ်။
အကျိုးရလဒ်နည်း၊အားစိုက်ရမှုများ = လုံးဝမလုပ်သင့်တဲ့အလုပ်ပါ။
အကျိုးရလဒ်နည်း၊အားစိုက်ရမှုနည်း= ခင်ဗျားမှာအချိန်တွေပိုနေမှလုပ်ပါ။
အရေးကြီးတာပေါ်လာရင်မလုပ်နဲ့တော့။
(ဂ) အရေးကြီးမှု-အလျင်လိုမှု ဖြင့် သုံးသပ်ခြင်း (Urgent-Important Matrix)
အလုပ်တစ်ခုဟာ ချက်ခြင်းလုပ်ရမှာလား၊ အေးအေးဆေးဆေးလုပ်လို့ ရသလား။ ဘ၀အတွက်ရေးကြီးသလား၊ မကြီးဘူးလား ဆိုတဲ့ အချက်(၂) ချက်နဲ့ နှိုင်းယှဉ် သုံးသပ်နည်းပါ။
၁။ ချက်ခြင်းလုပ်ဖို့လိုသည်၊ အရေးကြီးသည် = ဒါကတော့ ခင်ဗျားလုပ်ကိုလုပ်မှရမယ်။
၂။ ချက်ခြင်းလုပ်ဖို့လိုသည်၊အရေးမကြီးပါ = ဒီဟာမျိုးတွေနဲ့ သိပ်အချိန်ကုန်မခံပါနဲ့။
၃။ အေးအေးဆေးဆေးလုပ်နိုင်၊အရေးကြီးသည်= ခင်ဗျားရဲ့  အချိန်အများစုကိုဒီမှာသုံးပါ။
၎။ အေးအေးဆေးဆေးလုပ်နိုင်၊အရေးမကြီးပါ = ဒီအလုပ်မျိုးတွေ လုပ်မနေပါနဲ့။
ခင်ဗျားရဲ့  အချိန်အများစုကို နံပါတ်(၃) မှာ သုံးခြင်းဖြင့် နံပါတ်(၁) လိုအခြေအနေမျိုးတွေ နည်းသွားမယ်။ နံပါတ်(၂) နဲ့ (၄) မှာ အချိန်သိပ် အကုန်မခံနဲ့။
