သီတင်းကျွတ်လပြည့်နေ့ အကြောင်းတစ်စိတ် တစ်ဒေသ ..

သီတင်းကျွတ်လပြည့်……..

သီတင်းကျွတ်လတွင် ကြာမျိုးငါးပါးတို့ ပွင့်လန်းလေ့ရှိသည်…….
သီတင်းကျွတ်လပြည့်နေ့၏ ထူးခြားသော ၀ိသေသတစ်ရပ်မှာ
ပ၀ါရဏာပွဲ ဆင်ယင်ကျင်းပခြင်းဖြစ်သည်။ ပ၀ါရဏာ ဟူသောပါဠိ အဓိပ္ပာယ်မှာ ဖိတ်ကြားခြင်း
တောင်းပန်တိုက်တွန်းခြင်း မည်ပါသည်။

မြတ်စွာဘုရားရှင်သည် သာဝတ္တိပြည် ဇေတ၀န်ကျောင်းတွင် သီတင်းသုံးတော်မူစဉ်
ကောသလတိုင်း၊ ဇနပုဒ်တွင် ၀ါဆိုတော်မူကြသည့် ရဟန်းများသည် အချင်းချင်းစကားမပြောကြစတမ်းဟု
ကတိက၀တ်ထား၍နေခြင်းကို ပြေပျောက်ရန်၊ အကျင့်သိက္ခာနှင့် စပ်လျဉ်း၍ သံဃာအချင်းချင်း
သံသယဖြစ်နေလျှင် မြုံမထားဘဲ တစ်ပါးနှင့်တစ်ပါးဖောထုတ်၍ ပွင့်ပွင့်လင်းလင်း
ဝန်ခံပြီး အပြစ်ထင်ရှားရှိလျှင် အပြစ်ရှိသူက ၀န်ခံလျက် ပြုပြင်နေပါမည်ဟု ကတိပေးရန်အတွက် ပ၀ါရဏာ
ပြုခြင်းကို ပညတ်တော်မူခဲ့ခြင်းလည်းဖြစ်သည်။

သံဃာတော်များ အချင်းချင်းအပြန်အလှန် ဖိတ်ကြားတိုက်တွန်းခြင်း ပြုလုပ်သောပွဲကို
ပ၀ါရဏာပွဲ ဟုခေါ်သည်။ မြတ်စွာဘုရားမိန့်ကြားပညတ်တော်
မူခဲ့သည့်အချိန်မှစ၍
ယခုအထိ ရဟန်းသံဃာတော်တို့သည် သီတင်းကျွတ်လပြည့်နေ့သို့ရောက်တိုင်း
ပ၀ါရဏာ ပွဲတော်ကိုကျင်းပခဲ့ကြသည်။ ဗုဒ္ဒဘာသာဝင်သူတော်စင်တို့ကလဲ
သိမ်ဆင်းလောင်းခြင်း၊ ဆွမ်းကပ်စာရေးတံမဲနှင့် သံဃာ့ဒါနဆွမ်းကြီးလောင်းလှူပွဲများကို
ပြုလုပ်ကြသည်။

သီတင်းကျွတ်လပြည့်နေ့သည် အဘိဓမ္မာအခါတော်နေ့ဖြစ်သည်။ ယနေ့မှစတင်ရေတွက်ခဲ့သည်
ရှိသောလွန်ခဲ့သော နှစ်ပေါင်း ၂၅၀၀ကျော်ခန့်ကဖြစ်သည်။

မြတ်စွာဘုရားရှင်သည် သာဝတ္တိပြည်တွင် တန်ခိုးပြာဋိဟာပြတော်မူပြီးနောက် မယ်တော်မိနတ်သားအား
အဘိဓမ္မာတရားဟောကြားရန် ခြေလှမ်းနှစ်လှမ်းတည်းဖြင့် တာဝတိသာနတ်ပြည်သို့တတ်ရောက်
သောအခါ မယ်တော်သန္တုဿိတနတ်သားအမှူးပြုသော စကြ၀ဋ္ဌာတိုက်တစ်သောင်းမှ နတ်ဗြဟ္မာအပေါင်း
ခညောင်းရောက်ရှိလာကြကုန်၏။ ရှင်တော်ဘုရားသည် အဘိဓမ္မာတရားတော်ကို ခုနှစ်ဝါမြောက် ၀ါဆို
လပြည့်မှ ၀ါတွင်းသုံးလပတ်လုံး နေ့ညမစဲဟောကြားတော်မူခဲ့သည်။

သီတင်းကျွတ်လပြည့်နေ့တွင် အဘိဓမ္မာခုနှစ်ကျမ်း အမြိုက်တရားဟောကြားတော်မူခြင်း ပြီးဆုံးသည်။
သို့ဖြစ်၍ ထိုနေ့အခါသမယကို အဘိဓမ္မာနေ့မြတ်အဖြစ်အစဉ်အလာပူဇော်ကျင်းပခဲ့ကြသည်။

ထိုသုံးလမျှအတွင်း မြတ်စွာဘုရားသည်နေ့စဉ်နေ့တိုင်း အနောဒတ္တအိုင်တွင် ရေသန့်စင်ခြင်းပြုတော်မူသည်။
ထိုစဉ်အဘိဓမ္မာတရားတော်တို့ကို လက်ယာတော်ရံ အရှင်သာရိပုတ္တရာမထေရ်အား ဟောကြားပေးတော်မူသည်။
အရှင်သာရိပုတ္တရာမထေရ်ကလည်း မိမိ၏တပည့်ရဟန်းငါးရာတို့အား တဖန်ပြန်လည်ဟောကြားတော်မူခဲ့သည်။
ဤသို့ဖြင့် တာဝတိသာနတ်ပြည်တွင် မြတ်စွာဘုရားဟောကြားသောဓမ္မဒေသနာများသည် လူ့ပြည်တွင်လည်း
အရှင်သာရိပုတ္တရာမထေရ်နှင့် တပည့်ရဟန်းငါးရာတို့ကို အကြောင်းပြု၍ စည်ပင်ပြန့်ပွားလာခဲ့သည်။

ထိုသို့လူ့ပြည်-နတ်ပြည် နှစ်ဌာနလုံးတွင် ဟောကြားခဲ့သော အဘိဓမ္မာတရားတော်ကြီးသည်
သီတင်းကျွတ်လပြည့်နေ့တွင် ဆုံးခန်းတိုင်အောင်ပြီးဆုံးခဲ့၍ ထိုနေ့တွင်မြတ်စွာဘုရားသည်
နတ်၊ ဗြဟ္မာတို့ခြံရံလျက် နတ်ပြည်မှ နတ်၊ဗြဟ္မာတို့ဖန်ဆင်းပေးသော ရွှေစောင်းတန်း၊ ငွေစောင်းတန်း
ပတ္တမြားစောင်းတန်းတို့ဖြင့် ဆင်းသက်တော်မူခဲ့သည်။ လူတို့သည် ဆီမီး၊ နံ့သာ၊ ပန်း၊ ပေါက်ပေါက်တို့ဖြင့်
မြတ်စွာဘုရားကိုဝမ်းမြောက်ဝမ်းသာ ကြိုဆိုပူဇော်ကန်တော့ကြရာမှ သီတင်းကျွတ်မီးထွန်းပွဲတော်လည်း
ဖြစ်ပေါ်လာရခြင်းဖြစ်ပါတော့သည်။

အောင်မြင့်မြတ်(ပြည်ရွှေဘို)

သီတင်းကျွတ် လပြည့် ပ၀ါရဏာနေ့

သီတင်းကျွတ်လသည် မြန်မာတို့ ၏ (၁၂) လရာသီတွင် သတ္တမမြောက်လဖြစ်ပြီး ၀ါတွင်းကာလ၏ နောက်ဆုံးလဖြစ်ပါသည် ။
ရာသီခွင်မှာ တူရာသီ ဖြစ်ပြီး အဿဝတီ ကြယ်နှင့် လမင်းတို့ စန်းယှဉ်ကာ
မွန်းတည့်ကြသည် ။ရာသီပန်းမှာ ကြာဖြူပန်း ( Nymphaea Lotus ) ဖြစ်ပါသည် ။ သီတင်းကျွတ်လကို ရှေးမြန်မာကျောက်စာများ၌ `သန္တူလ´ ဟုရေးထိုးကြသည် ကိုတွေ့ရပါသည်။ ချိန်ခွင်ပုံ ကြယ်တာရာ နက္ခတ်တို့  စုဝေးသော မိုးကာလဟု လည်းကောင်း ၊ တောင်သူလယ်သမားတို့ စိုက်ပျိုးထားသောစပါးပင်များ သန်စွမ်းစွာထောင်မတ်သောလဟု လည်းကောင်း ပညာရှိများ ဖွင့်ဆိုကြပါသည်။

မြန်မာတို့ သည့် စိတ်ရင်းရိုးသား တည်ကြည်ကြသူများ ဖြစ်သည်နှင့်အညီ
စစ်မှန်သော ထေရ၀ါဒ ဗုဒ္ဓသာသနာတော်ကို
ပုဂံခေတ် အနော်ရထာမင်းတရား နှင့်ရှင်အရဟံ မထေရ်မြတ်တို့၏ ကျေးဇူးတရားကြောင့် ဆည်းကပ်ကိုးကွယ်ခွင့် ရကြပြန်သောအခါ
ဗုဒ္ဓမြတ်စွာ၏ အဆုံးအမ တရားတော်များနှင့်
လိုက်လျောညီထွေစွာ အေးချမ်းပျော်ရွှင်ဖွယ် ကောင်းသော လူနေမှုဘ၀များဖြင့် လောကဓံတရားများကို ရင်ဆိုင်ကျော်လွှားနိုင်သော ၊
ရောင့်ရဲတင်းတိမ်တတ်သော စိတ်နှလုံးကိုခေတ်အဆက်ဆက် ပိုင်ဆိုင်ခဲ့ကြသူများ ဖြစ်ကြပါသည် ။ ဤစိတ်ဓာတ်များ အရင်းခံဖြင့် (၁၂) လရာသီရှိသည့်အနက် အခါကြီး၊ ရက်ကြီးနေ့များတွင် ရတနာသုံးပါးအား ရည်စူး၍ ကောင်းမှုကုသိုလ်များ ပြုလုပ်လေ့ရှိကြပါသည် ။

သီတင်းကျွတ် မီးထွန်းပွဲတော်သည် မြန်မာတို့၏ (၁၂) လရာသီ ပွဲတော်များတွင် ထင်ရှားသောပွဲတော် တစ်ခုဖြစ်ပြီး ပွဲတော်စတင်ကျင်းပခဲ့သည့် အစဉ်အလာမှာ
ဘုရားရှင် သက်တော်ထင်ရှား ရှိခဲ့စဉ်အခါကပင် ဖြစ်ပါသည် ။
ဗုဒ္ဓမြတ်စွာဘုရားရှင်သည် သတ္တမမြောက်ဝါကို တာဝတိံသာ နတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသော
သန္တုဿီတနတ်သားအားအမှုးပြု၍ စကြ၀ဠာနေရာ အနှံ့ မှ နတ်ဗြဟ္မာ အပေါင်းတို့ အား အဘိဓမ္မာတရားတော်မြတ်ကို ဟောကြားတော်မူသည် ။
သီတင်းကျွတ်လပြည့်နေ့  ရောက်သောအခါ ဘုရားရှင်သည် နတ်ဗြဟ္မာ အပေါင်းခြံရံကာ ရွှေစောင်းတန်း ၊ ငွေစောင်းတန်း ၊ပတ္တမြားစောင်းတန်းများဖြင့် စီခြယ်အပ်သော ရတနာစောင်းတန်းဖြင့် လူ့ ပြည်ဖြစ်သော သင်္ကဿနဂိုရ်ပြည်သို့ ပြန်လည်ဆင်းသက်ကြွမြန်းတော်မူသည် ။
ထိုအခါ သမယတွင် ပြည်သူပြည်သားအပေါင်းတို့က မီးရှူးမီးတိုင်များ ၊မီးပန်းများ၊ ဆီမီးများ ပန်း၊ ရေချမ်းများဖြင့် ကပ်လှူပူဇော်ကြသည် ။
တာဝတိံသာနတ်ပြည်ရှိ စူဠာမဏိစေတီတော် ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့ လွှတ်တင် ပူဇော်ကြသည် ။ထိုကဲ့သို့ ပူဇော်ကြသည်ကို အကြောင်းပြုကာ ယနေ့ ခေတ်အခါတိုင်အောင်
မြန်မာတစ်နိုင်ငံလုံး၌ နှစ်စဉ်ကျင်းပ ပြုလုပ်မြဲ ဖြစ်သည် ။

သီတင်းကျွတ် လပြည့်နေ့တွင် ပုရိမ၀ါမှ ထမြောက်ကြသော သံဃာတော်အရှင်မြတ်များ သည် မိမိတို့အချင်းချင်း အပြစ်ကြီးငယ်ရှိပါက သည်းခံခွင့်လွတ်ရန်၊ လမ်းမှန်ကိုညွန်ပြရန်၊ သွန်သင်ဆုံးမရန် တောင်းပန်ကြပြီး ပ၀ါရဏာပြုကြပါသည်။
ထို့ကြောင်း သီတင်းကျွတ် လပြည့်နေ့ကို ပ၀ါရဏာနေ့ဟုလည်း ခေါ်ကြပါသည်။

ထို့အတူ မြတ်ဗုဒ္ဓ၏ အဆုံးအမ၌ တည်ကြသော မြန်မာလူမျိုးတို့သည်လည်း မိမိထက်အသက် ဂုဏ်ဝါကြီးသူ၊မြင့်မြတ်သူ၊ ရိုသေလေးစားထိုက်သူတို့အပေါ် အပြစ်ကြီးငယ်များရှိပါက သည်းခံခွင့်လွတ်ကြရန် ငယ်သူ ၊ နိမ့်ကျသူတို့က ပူဇော်ကန်တော့လေ့ ရှိကြသည်။

ထို့ပြင် ဤထူးမြတ်သော ၀ါကျွတ်သော အချိန် အခါသမယတွင် မိမိတို့တတ်နိုင်သမျှ ပူဇော် သက္ကာရတို့ ဖြင့် သက်ကြီးဝါကြီးများ ၊ မိဘဆရာများကို ပူဇော်ကန်တော့လေ့ရှိကြ၏ ။
ထို့ကြောင့် ၀ါကျွတ်ကာလသည် မြန်မာတို၏
တစ်ဦးကို တစ်ဦး ရိုသေလေးစားတတ်သော သဘော ၊
မာန်မာနကို နှိမ့်ချတတ်သော သဘော၊
အပြန်အလှန် မေတ္တာစေတနာ ထားတတ်သောသဘော စသည်ဖြင့် အမျိုးကောင်း သားသမီးတို့၏ ယဉ်ကျေးသိမ်မွေ့သော စိတ်နေစရိုက် ကိုဖော်ကျူး ပြသနေသော အမျိုးဂုဏ်ကို မြှင့်တင်ပေးနေသည့် အချိန်အခါ ဖြစ်ပါသည်၊၊
သို့ဖြစ်ရာ မြန်မာပြည်များအားလုံး
ကောင်းသောအကြံ ၊
မှန်သောအကျင့် ၊
သင့်သောအယူ ၊
ဖြူသောနှလုံး ၊
သူတော်ထုံး´ တို့ ဖြင့် သီတင်းကျွတ် မီးထွန်းပွဲတော်ကို ပျော်ရွှင်စွာ ပါဝင်ဆင်နွဲ နိုင်ကြပါစေ..ဟု ဆန္ဒပြုလိုက်ပါသည်။ ။
ဖော်ပြပါကဲ့သို့ သီတင်းကျွတ်ကာလ၏ ပျော်ရွှင် ချမ်းမြေ့.သာယာပုံကို ရှေးစာဆိုတစ်ဦး၏ ကဗျာတစ်ပုဒ်ဖြင့် နိဂုံးချုပ်လိုက်ရပါသည်။

ဆီမီးရယ်ထိန် ၊
အိုင်မင်းရေကြည်က .. ၊
ကြာငါးမည် ငုံအာစွင့်တယ်.. ၊
ဖူးပွင့်ချိန်ခါ .. ။
အဿဝဏီ ယှဉ်ကာချဉ်းပါလို့ .. ၊
လင်းလာတဲ့
ငွေတာရိန်ရယ်.. ၊
ပြာမှိန်လျက် မြူချေဆိုင်း .. ။
ဂါရဝေ ၊ သဒ္ဒါခြွေ ကန်တော့ပွဲကိုလ .. ၊
မစဲပေါင် ကုသိုလ်နှိုးကြတယ် .. ၊
မျိုးမြန်မာတိုင်း။ ။


်fbမှ