နည်းပညာဟာ ထုတ်လုပ်ရေးပိုင်းမှာ တိုးတက်လာသလို တုပခြင်းအပိုင်းမှာလဲ အစစ်နဲ့ ခွဲခြားရခက်လောက်အောင် ထုတ်နိုင်တဲ့ အထိ တိုးတက်လာပါတယ်။ အခုတလော ဒါကြောင့် အခုတလော ကြားနေရတဲ့ အတုကိစ္စ အချို့ကို သတိပြုဖွယ် တင်ပြပေးလိုက်ပါတယ်။
အီလက်ထရွန်းနစ် ပစ္စည်းတွေ ဈေးကွက်မှာ အာမခံကတ်ပြားတွေကို အတုလုပ်ပြီး ပေးနေကြသတဲ့။ ဒီပစ္စည်းမျိုးတွေ ဆိုတာက နိုင်ငံတကာ အီလက်ထရွန်းနစ် ကုမ္ပဏီကြီးတွေက ပြည်တွင်းကုမ္ပဏီ တစ်ခုကို တရားဝင်ကိုယ်စားလှယ် (သို့) တစ်ဦးတည်း ကိုယ်စားလှယ် အနေနဲ့ ထားပြီး တင်သွင်းရောင်းချတာ ဖြစ်ပါတယ်။ ဒီကုမ္ပဏီတွေက အရောင်းပြခန်းတွေမှာ လာဝယ်တဲ့သူတွေကို အာမခံကတ်ပြား ပေးပြီး ရောင်းတာ စာဖတ်သူတို့ သိပြီးသားပါ။ အစစ်နဲ့ အတုက ဒီအနေအထားနဲ့ ခွဲခြားသိနိုင်ပြီး ဈေးကွက်ထဲမှာလည်း အာမခံပေးတဲ့ အစစ်ထက် အာမခံမပါတဲ့ အတုက ဈေးအနည်းငယ် နိမ့်တယ် ဆိုတဲ့ အချက်နဲ့ ခွဲနိုင်ပါတယ်။
ဆိုင်တွေကိုက ဒါကတော့ အတုပါ။ ဒါက အစစ်ပါဆိုပြီး ဈေးပြောရောင်းကြတာမို့ ပြဿနာ မရှိခဲ့ပါဘူး။ အခုကျတော့ ဘယ်လိုတွေ ဖြစ်ကုန်သလဲဆိုတော့ အတုတွေကလည်း အစစ်ဈေးနဲ့ တူတူ လိုက်ရောင်းနေကြသလို အာမခံကပ်တွေပါ ပေးနေကြပါသတဲ့။ ဒီပစ္စည်းတွေက ဘယ်ကနေ ၀င်လာသလဲ ဆိုတော့ နယ်စပ်တရားမ၀င် လမ်းကြောင်းတွေကနေ အများဆုံးလို့ ဆိုပါတယ်။
ဒီကိစ္စနဲ့ ပတ်သက်လို့ ရန်ကုန်မြို့ မဟာဗန္ဓုလ ပန်းခြံလမ်း (ဘားလမ်း) က ၀ါရင့် အီလက်ထရောနစ် ဆိုင်ပိုင်ရှင် တစ်ဦးက အောက်ပါအတိုင်း ရှင်းပြခဲ့ပါတယ်။
“ဒီလိုမျိုး ဈေးကွက်ထဲမှာ ရောင်းနေကြတာက ကြာပါပြီ။ တရုတ်က ၀င်တဲ့ ×××တံဆိပ် အဲကွန်းကို မူရင်းတံဆိပ်ဖြုတ် Panasonic တံဆိပ်တပ်ပြီး ရောင်းတယ်။ အရည်အသွေး နည်းနည်းနိမ့်တဲ့ ယိုးဒယားက လာတဲ့ တီဗွီကို တံဆိပ်တူ မော်ဒယ်တူ ကိုရီးယားက လာတဲ့ ဈေးကြီးပစ္စည်းနေရာမှာ ထည့်ရောင်းတယ်။ အခုတော့ အာမခံကတ်ပါ အတုပေးပြီး ဈေးတူ လိုက်ရောင်း နေကြတယ်လို့ ကြားတယ်။ အာမခံကတ်မှာ ပါတဲ့ ကာလအတွင်း ပျက်ခဲ့ရင် ရောင်းတဲ့ဆိုင်က တကယ်ပြင်ပေးပါတယ်။ ဒါပေမယ့် သုံးစွဲသူဖက်က တကယ့် brand ပစ္စည်းအစစ်ကို မသုံးရတာ၊ ဒီ brand ကို မူပိုင်ခွင့် မှတ်ပုံတင်ပြီး တရားဝင်သွင်းတဲ့ ကုမ္ပဏီတွေဘက်က ဈေးကွက်လျော့တာ စတဲ့ နစ်နာမှုတွေ ရှိတာပေါ့။ စီးပွားရှာတာတော့ ရှာတာပဲလေ။ ဒါတွေက စီးပွားရေး ကျင့်ဝတ်အရ မလုပ်သင့်တဲ့ အရာတွေပါ။
တရားဝင် မူပိုင်သွင်းတဲ့ ကုမ္ပဏီတွေ ဖက်က ဆိုရင် showroom ကို နေရာကောင်းကောင်းမှာ သားသားနားနား ဖွင့်ရတယ်၊ ပြည်တွင်းဈေးကွက်အတွက် ကိုယ့်စားရိတ်နဲ့ကိုယ် ကြေငြာရတာ များတယ်၊ အခမဲ့ ပြုပြင်ပေးရတယ်၊ အခါအားလျော်စွာ discount ပွဲတွေ လုပ်ပေးရတယ်။ ဒီတော့ ဈေးက နည်းနည်းများနိုင်တာပေါ့။ အခုတော့ ဒါမျိုးတွေ ဖြစ်လာတော့ မူပိုင်သွင်းတဲ့ ကုမ္ပဏီဘက်ကလည်း တခြား ကုမ္ပဏီတွေ များများမသွင်းနိုင်အောင် ပင်ရင်းကုမ္ပဏီကို အကြောင်းကြားပြီး လိုင်းပိတ်တာမျိုးတွေ၊ အရည်အသွေးတူ မော်ဒယ်လ်တူ ပစ္စည်းကိုပဲ အာမခံ ပေးတာတစ်ဈေး မပေးတာ တစ်ဈေး ခွဲရောင်းတာမျိုး လုပ်လာကြပါတယ်။
အတုကို အစစ်လို ရောင်းတယ် ဆိုတာကလဲ အီလက်ထရောနစ် ပစ္စည်း ရောင်းဝယ်ရေး လောကနဲ့ မစိမ်းသူဆိုရင် ခွဲတတ်ပါတယ်။ နားလည်တဲ့သူ မပါမှသာ ဒါမျိုးတွေ ဖြစ်လေ့ရှိတာပါ။ ဒါကြောင့် ၀ယ်သုံးမယ့် သူတွေကို သတိပေးချင်တာက ပစ္စည်းဝယ်ရင် တတ်နိုင်သမျှ မူရင်းကိုယ်စားလှယ်ဆိုင်မှာပဲ ၀ယ်ပါ၊ ရန်ကုန်မှာ ၀ယ်ဝယ် နယ်မှာဝယ်ဝယ် နားလည်တတ်ကျွမ်းသူ တစ်ယောက် ပါမှ ၀ယ်ပါလို့ သတိပေးပါရစေ”
ဒါကတော့ လက်ရှိ ပြည်တွင်း အီလက်ထရောနစ် ဈေးကွက်မှာ အာမခံကတ်ပြား အတုတွေ ပေါ်နေတဲ့ ကိစ္စအပေါ် ၀ါရင့် အီလက်ထရောနစ် လောကသား တစ်ဦးမှ ဝေဖန်သုံးသပ် ပေးသွားတာ ဖြစ်ပါတယ်။
နောက်ထပ် ကြားရတဲ့ သတင်းတစ်ခုက ရှိုးပွဲလက်မှတ် အတုတွေ ပေါ်တာ အရမ်းများလာတယ် ဆိုတဲ့ သတင်းပါ။ ရှိုးပွဲ လက်မှတ် အတုတွေ ပေါ်တာ ကြာပြီ ဆိုပေမယ့် အစကာ လက်မှတ် အစစ်ရဲ့ ငါးပုံတစ်ပုံလောက်ပဲ အတုထွက်တာ ဖြစ်ပြီး အခုလက်ရှိမှာ နာမည်ကြီးအဆိုတော်တွေ ပါဝင်တဲ့ ရှိုးပွဲလက်မှတ် တွေဆိုရင် အတုက အစစ်ရဲ့ ထက်ဝက်လောက်တောင် ထွက်တာမို့ ပြည်တွင်း ဂီတလောကအတွက် ပြဿနာ တစ်ခုအနေအထား ကောင်းကောင်း ဖြစ်လာနေတယ်လို့ ဆိုပါတယ်။
ခိုးကူးခွေတွေလို အတုကို ဈေးလျှော့ရောင်းချစရာ မလိုဘဲ အစစ်ဈေးနှုန်းအတိုင်း ရောင်းချနိုင်တာကြောင့် ရှိုးပွဲလက်မှတ် အတုလုပ်တဲ့ လုပ်ငန်းကို စီးပွားဖြစ် လုပ်ကိုင်လာကြတာ ဖြစ်တယ်လို့ ကြားသိရပါတယ်။ ရှိုးပွဲ တစ်ပွဲနှင့် တစ်ပွဲရဲ့ လက်မှတ်ဒီဇိုင်းတွေဟာ စီစဉ်သူ တူရင်တောင် အမျိုးမျိုး ကွာခြားကြပြီး လက်မှတ်ကို ပြုလုပ်ထားတဲ့ ပစ္စည်းများ မတူကြပေမယ့် အတုလုပ်သူတွေက ရအောင် အတူလိုက်လုပ်နိုင်ကြတယ်လို့ သိရပါတယ်။
ဒီလို ဖြစ်ရတာတွေဟာ ခေတ်မီနည်းပညာမြင့် သေသပ်လွန်းတဲ့ ပုံနှိပ်စက်တွေ ပေါ်လာခြင်းကို မကောင်းတဲ့ဘက်မှာ သုံးတဲ့ လူတွေကြောင့် ပေါ်လာတဲ့ ဆိုးကျိုးတွေထဲက တစ်ခုလို့ Micasa ဟိုတယ်ရဲ့ ၀န်ထမ်းတစ်ဦး ဖြစ်သူ ရန်ကုန်မြို့ခံ အီလက်ထရောနစ်ပညာရှင် လူငယ်တစ်ဦးက သုံးသပ်ပါတယ်။ (နည်းပညာကတော့ အပြစ်ကင်းပါတယ်လေ.......)
Hologram ဟိုလိုဂရမ် ခေါ် မူပိုင်ရောင်ပြန်စတစ်ကာတွေ ပေါ်လာပေမယ့်လည်း ဒီလို ဟိုလိုဂရမ် တွေကို စက်တွေနဲ့ အနီးစပ်ဆုံး ခွဲရခက်အောင် လိုက်ထုတ်နိုင်လာလို့ ရှိုးပွဲလက်မှတ် အတုတွေ ပေါ်နေခြင်းကို တားဆီးရခက်နေပါတယ်လို့ ကြားသိရပါတယ်။
နောက်ပြီး ထုတ်လုပ်ရေးတစ်ခုက စီစဉ်တဲ့ ပွဲရဲ့ လက်မှတ်မှာ ပါတဲ့ ဟိုလိုဂရမ်တွေကို အတုလုပ်တဲ့ သူတွေက မှတ်ပြီး နောက်တစ်ခါ ထုတ်တဲ့ ပွဲရဲ့ လက်မှတ်ပေါ်မှာ လိုက်ကပ်ကာ ရောင်းချပါတယ်။ ဟိုလိုဂရမ်ချင်း မတူပေမယ့် ၀ယ်သူတွေဘက်ကတော့ လိုက်တိုက်ကြည့်မနေနိုင်ဘဲ ရှိုးပွဲနေ့ရောက်တော့မှ သိရလို့ ၀င်မရတော့လို့ ရှိုးပွဲမကြည့်ရဘဲ ပြန်ခဲ့ရကြောင်း လပြည့်ဝန်းပလာဇာမှာ ရှိုးပွဲတစ်ခုရဲ့ လက်မှတ်လာဝယ်သူ အမျိုးသမီးငယ် နှစ်ဦးက ၄င်းတို့ရဲ့ အတွေ့အကြုံကို ပြောပြခဲ့ပါတယ်။
အခုလို အတုမထွက်အောင် စီစဉ်သူများ ဘက်ကနေပြီး ဟိုလိုဂရမ်များ ကပ်ခြင်းအပြင် Barcode များထည့်ပြီး စစ်ဆေးခြင်း၊ ခရမ်းလွန်ရောင်ခြည်သုံး ကိရိယာဖြင့် စစ်ဆေးခြင်းများကို ပြုလုပ်သွားမယ်လို့ ကြားသိရပြီး ၀ယ်ယူသူတွေ ဘက်ကလည်း လက်မှတ်အတုတွေ ၀ယ်မိလို့ နစ်နာမှုတွေ မကြုံရအောင် လက်မှတ်အရောင်းနေရာများလို့ ဘေဘုတ်ပေါ်မှာ ကြေငြာထားတဲ့ နေရာတွေကို အရောက် သွားဝယ်ယူသင့်ကြောင်း အနားကပ်မှ တွေ့ရာကြုံရာ လူဆီမှာ ၀ယ်ယူတာမျိုး မလုပ်သင့်ကြောင်း ရှိုးပွဲ စီစဉ်သူများက ပြောဆိုပါတယ်။
မြန်မာကျပ်ငွေမှာ တန်ဖိုးအမြင့်ဆုံး ဖြစ်တဲ့ ငါးထောင်ကျပ်တန်တွေလည်း အတုတွေ ပေါ်နေတယ်လို့ ကြားသိရပါတယ်။ ဒါပေမယ့် စိုးရိမ်စရာတော့ မရှိကြောင်း၊ အတုနဲ့အစစ် အလွယ်တကူ ခွဲခြားနိုင်ပြီး ခွဲခြားနည်းတွေကို ပုဂ္ဂလိကဘဏ်နဲ့ အစိုးရဘဏ်တွေအားလုံးက ၀န်ထမ်းတွေကို ဗဟိုဘဏ်က ညွှန်ကြား ပြသပေးထားကြောင်း ရန်ကုန်မြို့ ပုဂ္ဂလိကဘဏ် တစ်ခုရဲ့ ငွေလက်ခံဌာန ၀န်ထမ်းတစ်ဦးက ပြောပြခဲ့ပါတယ်။
ဘဏ်များသို့ လာရောက်အပ်နှံတဲ့ ငွေထုပ်များမှာ ငါးထောင်တန် အတုများ ပါလာတတ်ကြောင်း၊ ၄င်းငွေစက္ကူ အတုများကို တွေ့ရှိပါက အလျားလိုက် နှစ်ပိုင်း ဖြဲလိုက်ပြီး တစ်ပိုင်းကို လာအပ်သူကို ပြန်ပေးကာ တစ်ပိုင်းကို သိမ်းဆည်းထားရကြောင်း၊ အပ်ငွေကိုတော့ ကျန်သော ငွေအရေအတွက်အတိုင်း စာရင်းလုပ်၍ သိမ်းရကြောင်း အဆိုပါဝန်ထမ်းက ဆက်လက် ရှင်းပြခဲ့ပါတယ်။
“ပိုက်ဆံ အတုနဲ့ အစစ် ခွဲနည်းက လွယ်ပါတယ်။ ထောင့်ဘက်က ၅၀၀၀ လို့ ဂဏန်းတွေနဲ့ ရေးထားတဲ့ နေရာကို စမ်းကြည့်ရင် အစစ်က စာလုံးအရာတွေပါတဲ့ အတွက် ကြမ်းပါတယ်။ အတုမှာတော့ ပုံနျိပ်ရုံ နှိပ်ထားတဲ့ အတွက် ဒါမျိုး မပါဘဲ ချောနေပါတယ်။ နောက်ပြီး အားလုံး သိကြတဲ့အတိုင်း ရေစာနဲ့ ခွဲလို့ရပါတယ်။ အဖြူရောင်ဘက်မှာ ပါတဲ့ ရေစာဟာ အစစ်မှာ ထင်ရှားပြတ်သားပြီး အတုကျတော့ ထင်ရှားပြတ်သားမှု မရှိပါဘူး” လို့ ငါးထောင်တန် အတုအစစ် ခွဲနည်းကို သူက ပြောပြပါတယ်။
လက်ရှိ ပြည်တွင်းမှာ ခေတ်စားနေတဲ့ အတုအမျိုးမျိုးအကြောင်း စုစည်းတင်ပြလိုက်ပါတယ်။ “အတုတို့မည်သည် အစစ်ကို ဘယ်တော့မှ အနိုင်မရ” လို့ ဆိုရိုးစကားရှိပေမယ့် နည်းပညာခေတ်မှာ အတုတွေဟာ ဖန်တီးတုပမှု ကောင်းကောင်းနဲ့ ဈေးကွက်ထဲမှာ နေရာယူ လာနေတာမို့ ပရိသတ်များ သတိထားသင့်ပါတယ်။
ကမ္ဘာကျော် အသံတိတ် ဟာသ သရုပ်ဆောင် ချာလီချက်ပလင်ဟာ သူနဲ့ ရုပ်တူပြိုင်ပွဲကို ကျင်းပစေတဲ့အခါမှာ ဘယ်သူ့ကိုမှ အသိမပေးဘဲ သူကိုယ်တိုင် တစ်နေရာ ၀င်ပြိုင်ပါတယ်။ အမှတ်တွေကို ကြော်ငြာတဲ့ အခါမှာ ချာလီချက်ပလင် အစစ်ဟာ တတိယဆုပဲ ရခဲ့ပါတယ်။ ဒါဟာ တကယ့် ဖြစ်ရပ်မှန်ပါ။ အော်……. အတု အတု…….။ ဖြစ်တတ်ပါတယ်……….။
ရဲဘုန်းမင်း စုစည်းရေးသား၍ သီဟသစ် ပံ့ပိုးသည်။