လွန်ခဲ့သော တစ်လကျော်ခန့်မှ စတင်၍ ပြည်တွင်း ငွေကြေးဈေးကွက်တွင် နိုင်ငံခြားငွေ လဲလှယ်နှုန်းတွင် အကျပိုင်း ပြောင်းလဲမှုများ ဖြစ်ပေါ်ခဲ့ရခြင်းမှာ ပုဂ္ဂလိက ဘဏ်သစ်များ ဖွင့်လှစ်ရန် ပြင်ဆင်ကြခြင်းကြောင့် ဖြစ်သည်ဟု ပြည်တွင်း စီးပွားရေး ပညာရှင် အချို့နှင့် ကုန်သည်ကြီး အချို့က ဝေဖန်သုံးသပ် ပြောဆို ကြသည်။
နိုင်ငံတော်မှ ပုဂ္ဂလိက ဘဏ်များ ဖွင့်ခွင့် စတင်ချပေးခဲ့ပြီးနောက် ပြီးခဲ့သော ရက်ပိုင်းများက စတင်၍ ပြည်တွင်း စီးပွားရေး လုပ်ငန်းရှင်ကြီးများ၏ ဧရာဝတီဘဏ်၊ ယူနိုက်တက်အမရာဘဏ်၊ မြန်မာ့ရှေ့ဆောင်ဘဏ် နှင့် အာရှစိမ်းလန်းမှု ဖွံ့ဖြိုးရေးဘဏ် ဟူသော ဘဏ်ကြီးလေးခု စတင်ဖွင့်လှစ်ခဲ့ပြီး ဘဏ်ခွဲများကိုပါ တစ်ဆက်တည်း ဖွင့်လှစ်ခဲ့ကြသည်။
ထိုသို့ ဘဏ်လုပ်ငန်းတစ်ခု တည်ထောင်ရန် ငွေကျပ် သန်းတစ်သောင်းကို နိုင်ငံတော် ဗဟိုဘဏ်သို့ တင်ပြနိုင်ရမည် ဖြစ်ရာ အဆိုပါ လုပ်ငန်းများသည် မြန်မာကျပ်ငွေကို အမေရိကန် ဒေါ်လာနှင့် ပမာဏ များစွာ လဲလှယ်ခဲ့ခြင်းကြောင့် ၀ယ်လိုအား-ရောင်းလိုအား မျှခြေသဘောတရားအရ ပြည်တွင်းငွေလဲလှယ်မှု ဈေးကွက်တွင် ဒေါ်လာတန်ဖိုး ကျဆင်းကာ မြန်မာငွေတန်ဖိုး တက်ခဲ့ရခြင်း ဖြစ်ကြောင်း ပြည်တွင်း ကုန်သည်များ အသိုင်းအ၀ိုင်းက ဆိုသည်။
ဆက်လက်၍ ဘဏ်များ၏ ငွေလည်ပတ်စီးဆင်းမှု ကြီးမားလာသည်နှင့် အမျှ ဗဟိုဘဏ်သို့ တင်ပြငွေ တိုးမြှင့် တင်ပြရမည် ဖြစ်သောကြောင့် ကာလအတိုင်းအတာ တစ်ခု အထိ ဒေါ်လာဈေးနှုန်း ပြန်တက်လာဖွယ် မရှိဟု ထင်မြင်မိကြောင်း ပြည်တွင်းပြည်ပသို့ စားသောက်ကုန်များ ဖြန့်ဖြူးရောင်းချနေသော ပုဇွန်တောင်မြို့နယ်နေ ကုန်သည်တစ်ဦးက mmDailyNews သို့ သူ၏အမြင်ကို ဝေဖန်သုံးသပ် ပြောကြားသည်။
