Ettercap software ဖြင့် မိမိ Username နှင့် Password ခိုးယူမခံရအောင်

http://www.myanmaritmen.com မှ Article တစ်ပုဒ် ဖြစ်ပါတယ်။

---

Stealing Passwords with Ettercap and How to Prevent

Written by Ko Thurein

တစ်နေ့က youtube မှာ မွှေရင်းနဲ့ video တစ်ခု တွေ့လိုက်ပါတယ်။ ကြည့်ပြီးတော့ စမ်းသပ်လိုက်တာ လူတောင် မျက်လုံးပြူးသွားပါတယ်။ Ettercap ကို သူက သုံးပြသွားတာပါ။ Ettercap ဆိုတာက တကယ်တော့ Hacking Software လည်း မဟုတ်ပါဘူး။ Local Network Security Measurement Software တစ်ခုပါ။ ဒါပေမဲ့ သူက တခြားစက်က လူတစ်ယောက်က Website တစ်ခုကိုဖွင့်ပြီး Username နဲ့ Password ရိုက်တဲ့အခါ ကိုယ်က သွားမကြည့်ဘဲ သိနိုင်တယ်ဆိုရင် စာဖတ်သူ စိတ်များဝင်စားမလား မသိဘူး။
ဒီလိုပါ။

ဥပမာ အင်တာနက်ဆိုင်ဆိုပါစို့။ မောင်မောင်နဲ့ ကျော်ကျော် အင်တာနက်သုံးနေကြမယ်။ အဲဒီအချိန်မှာ မောင်မောင်က သူ့ ကွန်ပျူတာမှာ Ettercap Software တင်လိုက်မယ်။ ပြီးရင် စောင့်ကြည့်နေလိုက်ရုံပဲ။ ကျော်ကျော်က Website တွေကို ဖွင့်ပြီး Login ၀င်လိုက်တဲ့အချိန်မှာပဲ ချက်ချင်းဆိုသလို မောင်မောင်ဖွင့်ထားတဲ့ Ettercap Software မှာ ကျော်ကျော်သုံး သွားတဲ့ Username နဲ့ Password ပေါ်လာပါလိမ့်မယ်။ ကဲ ကျော်ကျော်တော့ သွားပြီ။
ဒီနည်းပညာကို Sniffing လို့ခေါ်ပါတယ်။ မြန်မာလိုဆိုရင် အနံ့ခံခြင်းပေါ့။ Sniffing ဘယ်လို အလုပ်လုပ်သွားတယ်ဆိုတာ ဒီပုံလေးကြည့်ရင် ရှင်းမယ်ထင်ပါတယ်။

အနီရောင်နဲ့လူကတော့ မသမာသူ မောင်မောင်ပါ။ မောင်မောင်သုံးနေတဲ့ Ettercap Software က ကျော်ကျော်အပြင် Network တစ်ခုလုံးမှာရှိနေတဲ့ ကွန်ပျူတာတွေမှာတပ်ထားတဲ့ Network ကြိုးတွေထဲမှာ စီးဆင်းသွားလာနေတဲ့ အချက်အလက်တွေကို အမြဲတမ်းစောင့်ကြည့်နေပါတယ်။ အဲဒီထဲကမှ username နဲ့ password ဆိုရင် သူက ကောက်ယူ လိုက်တာပါ။ တခြား Password တွေကိုတော့ မယူနိုင်ပါ။ ဒါပေမဲ့ Website ပေါ်မှာ ရိုက်ထည့်သမျှ Password (Gmail, Facebook, Twitter) တွေ အကုန်လုံးကို ရယူနိုင်စွမ်းရှိပါတယ်။
ဘယ်လိုကာကွယ်မလဲ
လက်တွေ့စမ်းသပ်ကြည့်ရသလောက် HTTP Secure Protocol သုံးတဲ့ Website တွေကလွဲလို့ တခြား Website တွေမှာ သုံးမိတဲ့ username နဲ့ password မှန်သမျှကို Ettercap က အသာလေး ရယူနိုင်ပါတယ်။ HTTP Secure Protocol သုံးတဲ့ site တွေကတော့ website လိပ်စာမှာ https:// ဆိုပြီး ပါတာတွေပေါ့။ Gmail သုံးရင်, Facebook သုံးရင် သတိထားမိကြမှာပါ။ အဲဒီလို https site တွေမှာသုံးတဲ့ username နဲ့ password တွေကိုတော့ ettercap က မယူနိုင်ပါဘူး။ ကျွန်တော်တို့တောင် Myanmar IT Men Website ကို https ပြောင်းလိုက်ပါပြီ။
ဒါပေမဲ့ Ettercap Software မှာ အဲဒီ https မှာသုံးတဲ့ password တွေကိုပါ ခိုးနိုင်တဲ့ Function ပါပါတယ်။ Certificate အတုထည့်ပြီး ခိုးတာပါ။ ဒါပေမဲ့ အဲဒါက သိသာပါတယ်။ စာဖတ်သူအနေနဲ့ Gmail, Facebook စသည်တို့ကို Log in ၀င်လိုက်တဲ့အခါ Box တစ်ခု ကျလာပါလိမ့်မယ်။ (အောက်ပါပုံကို ကြည့်ပါ)

အဲဒီ box မှာ ရေးထားမဲ့အကြောင်းအရာတွေကတော့ Certificate က Untrust ဖြစ်နေတယ်။ မင်း လက်ခံမှာလား ဘာလားဆိုပြီး မေးနေတာပါ။ ဒါဆိုရင် သေချာပြီပေါ့။ ကိုယ့် Network ထဲမှာ Ettercap ကြီး ရှိနေပြီ။ ဘာမှ ဆက်မလုပ်ပါနဲ့တော့။ ကွန်ပျူတာကိုသာ ပိတ်လိုက်ပါ။