ယုန်နှစ်ဆိုတဲ့ တရုတ်နှစ်သစ် ဒီနေ့ စပါပြီ။ တရုတ်တွေ အ၀င်အထွက် များတဲ့ကျောင်း ဖြစ်တာကြောင့် တရုတ်နှစ်သစ်ကူးနေ့ကို ထူးထူးခြားခြား သတိထားမိပါတယ်။ တရုတ်ဗုဒ္ဓဘာသာတွေ ဖြစ်ပေမယ့် တရုတ်ရိုးရားဗုဒ္ဓဘာသာတွေ မဟုတ်ကြပါဘူး။ ထေရ၀ါဒဗုဒ္ဓဘာသာတွေ ဖြစ်ကြပါတယ်။ သူတို့ရိုးရာ နှစ်သစ်ကူးပွဲကို ဘယ်လိုကျင်းပသလဲ မသိပါဘူး။ ကျောင်းထဲမှာတော့ Luna New Year, Chinese New Year, Happy New Yearဆိုတဲ့ အသုံးအနှုံးတွေကလွဲလို့ ကျန်တာတွေကတော့ ထေရ၀ါဒဗုဒ္ဓဘာသာ လုပ်ထုံးလုပ်နည်းတွေပဲ ဖြစ်ပါတယ်။ ပထမဆုံး နှစ်ဟောင်းကုန်ချိန်-နှစ်သစ်ကူးချိန် ည(၁၂)နာရီမှာ Midnight Service ဆိုတဲ့ နာမည်နဲ့ မဟာသမယသုတ် ရွတ်ဖတ်ပူဇော်ကြပါတယ်။ နှစ်သက်ကူးနေ့ရောက်တော့ သက်သတ်လွတ်ဒံပေါက် စတုဒိသာကျွေးပါတယ်။ ဘုရားရှိခိုးကြပါတယ်။ ဘုရားရှိခိုးတာကို သူတို့ကတော့ chanting ဒါမှမဟုတ် puja (ပူဇာ၊ ပူဂျာ)လို့ ခေါ်ပါတယ်။ သရဏဂုံနဲ့ ငါးပါးသီလ ဆောက်တည်ရုံပဲ၊ ရှစ်ပါးသီလတော့ မယူကြပါဘူး။ ဘုန်းကြီးတွေက ပရိတ်ရွတ်ရင်းနဲ့ ဒကာဒကာမတွေကို ပရိတ်ရေ ဖျန်းပေးတယ်။ ဒါကိုတော့ သူတို့က blessingလုပ်တယ်တဲ့။ နောက်ပြီး လက်ကောက်ဝတ်မှာ ပရိတ်ကြိုးချည်ပေးတယ်။ ဒါပါပဲ။ တရုတ်နှစ်သစ်ကူးကာလမှာ တစ်ခု ထူးခြားတာက လိမ္မော်သီး။
နှစ်မကူးခင်း တစ်ပတ် (၁၀)ရက်လောက် အလိုကတည်းက ဗဟိုဘုရားခန်းမဆောင်ရှေ့မှာ လိမ္မော်ပင်နှစ် ရောက်လာပါတယ်။
ဗောဓိပင်အောက်က ကျောက်ဆင်းတု စေတီကြီးကိုလည်း လိမ္မော်ပင် လိမ္မော်သီးတွေနဲ့ ပူဇော်ပါတယ်။
ဆရာတော်တွေရဲ့ စာကြည့်စာပွဲနဲ့ ကွန်ပျူတာစားပွဲတွေမှာလည်း လိမ္မော်သီးတွေ ရောက်လာပါတယ်။
လာရောက်ကြတဲ့ ဒကာဒကာမတွေကိုလည်း ကျောင်းက လိမ္မော်သီးနဲ့ ဧည့်ခံပါတယ်။ ဘုရားခန်းထဲမှာ ရှိတဲ့ လိမ္မော်သီးတွေကို ကိုယ်တိုင် ယူစားနိုင်ပါတယ်။ ကုန်သလောက် ထပ်ဖြည့်ပေးပါတယ်။
ဒန်ပေါက်စား။ လိမ္မော်သီးစား။ ဘုရားရှိခိုး။ ပရိတ်ရေ အဖျန်းခံ။ ဆရာတော် တစ်ပါးပါးက ပရိတ်ရေ ဖျန်းပေးတာကို ရိုရိုသေသေ ခံယူကြပါတယ်။ လူလတ်တန်းစား များတဲ့နိုင်ငံမှာ လူလတ်တန်းစားတွေ ကားစီးနိုင်ကြတော့ မိသားစုလိုက် ကားနဲ့လာကြတာ များပါတယ်။ မိသားစုတွေ မိသားစုတွေတိုင်း ကျိုးကျိုးနွံနွံ ရှိနေကြပုံကြည့်ရတာ စင်္ကာပူတရုတ်တွေမှ ဟုတ်ရဲ့လားလို့တောင် ထင်ချင်စရာ ကောင်းပါတယ်။
လိမ္မော်သီးတွေ ထင်းရှားလွန်းလို့ တရုတ်နှစ်သစ်ကူး နဲ့ လိမ္မော်သီး ဘယ်လိုဆက်စပ်သလဲ မေးကြည့်မိပါတယ်။ တရုတ်လို လိမ္မော်သီးကို အင်္ဂလိပ်စကားမှာကျတော့ Thank You လို့ အဓိပ္ပာယ်ရတယ် တဲ့။ လိမ္မော်သီးပေးတာဟာ ကျေးဇူးတင်တယ်လို့ ပြောတာပါတဲ့။ တရုတ်စကား နားမလည်တော့ ရှင်းပြတဲ့အတိုင်းပဲ မှတ်ထားလိုက်ပါတယ်။
တစ်ချို့က တွေ့တွေ့ချင်း Happy New Year လို့ ပါးစပ်က ပြောရင်း လိမ္မော်သီးနှစ်လုံး ပေးလိုက်ကြတယ်။ ကျောင်းက ဧည့်ခံတဲ့ လိမ္မော်သီးကို ယူတဲ့အခါကျတော့လည်း နှစ်လုံးယူကြတယ်။ အဲဒါကတော့ နှစ်ဆပွားဖို့ ရည်ရွယ်ချက်တဲ့။ စည်းစိမ်ဥစ္စာ နှစ်ဆပွားစေ။ ဆထက်ထမ်းပိုး ပျော်စေရွှင်စေ၊ အောင်စေပိုင်စေ ဆိုတဲ့ အဓိပ္ပာယ် တဲ့။ ကတ်သီးကတ်သတ် အတွေးပေါက်ပြီး ကိုယ့်ဟာကိုယ် ပြုံးမိပါသေးတယ်။ ဖွင့်ပြောလိုက်လို့တော့ ဘယ်ဖြစ်မလဲ။ “ဆင်းရဲဒုက္ခတွေ၊ ပြဿနာတွေ၊ အခက်အခဲတွေ နှစ်ဆပွားကုန်ရင် ဘယ်လိုလုပ်မလဲ။” လွှဲပါစေ။ ဖယ်ပါစေ။
Happy New Year! :)
