စိတ်ဝင်စားရင် စမ်းသပ်ကြည့်ပါ

ဆက်ဖတ်ရန်

ဝါကျွတ်ကာလ မင်္ဂလာမောင်နှံများအတွက် နိဂုံးမရှိ ထာဝရ လက်ထပ်လက်စွပ်

ဝါကျွတ်ကာလတွင် ထိမ်းမြားလက်ထပ် မင်္ဂလာ ဆောင်နှင်းကြမည့် မောင်နှံများအတွက် "နိဂုံးမရှိ ထာဝရ လက်ထပ်လက်စွပ်" အမည်ရှိ လက်စွပ်အစုံများ ဈေးကွက်ထဲတွင် ရရှိနိုင်ပြီ ဟု ပြည်တွင်း ရတနာဈေးကွက်မှ ကြားသိရသည်။

အဆိုပါ လက်စွပ်များ အစုံကို မိုးကုတ်ဦးသန်းမောင် ကျောက်မျက်ရတနာ အဆောင်ကုမ္ပဏီမှ တီထွင်ပြုလုပ် ရောင်းချလျက် ရှိပြီး ထူးခြားချက် အနေဖြင့် နာမည်နှင့် လိုက်အောင် အစနှင့်အဆုံး ဟူ၍ ဂဟေဆက်ရာ လုံးဝမပါဝင်ဘဲ မိုဖြင့် ပုံဖော်ထားခြင်း ဖြစ်ကြောင်း ၊ ဘေးပတ်လည်တွင် စိန်နှင့် မေတ္တာရှင်ကျောက်များကို စီချယ်ထားသော်လည်း အစနှင့်အဆုံး မကွဲပြားအောင် သေချာ ပြုလုပ်ထားကြောင်း၊ လက်စွပ် နှစ်ကွင်းစလုံး ပေါ်တွင် ဆက်ရာ ဟူ၍ လုံးဝမပါရှိဘဲ နိဂုံးမရှိ ရာသက်ပန် ခိုင်ခိုင်မြဲမြဲ ပေါင်းဖက်နိုင်စေရန် အတိတ်ကောင်း နိမိတ်ကောင်းဖြင့် ပြုလုပ်ထားကြောင်း သိရသည်။


မေတ္တာရှင်ကျောက် (အ၀ါ) ၏ပုံ

လက်စွပ်တစ်စုံ၏ တန်ဖိုးသည် ရွှေဈေး အတက်အကျကို လိုက်၍ ကျပ် ၄သိန်းခွဲမှ ၅ သိန်း ၀န်းကျင်ခန့် ရှိကြောင်း၊ ပလက်တီနမ်ဖြင့် ပြုလုပ်လိုလျှင်လည်း မှာယူနိုင်ကြောင်း၊ ပြုလုပ်ပြီးသားများ ရောင်းချခြင်း မဟုတ်ဘဲ မင်္ဂလာ မောင်နှံနှစ်ဦး၏ မွေးသက္ကရာဇ်ကို ပေး၍ တစ်ပတ်ခန့် ကြိုတင်မှာယူရကြောင်း၊ ထိုလက်စွပ်များကို ပြုလုပ်ရာတွင် မင်္ဂလာမောင်နှံ၏ နေ့နံနှင့် ဇာတာကို လိုက်၍ ကောင်းသော နက္ခတ် အချိန်တွင် သေချာပြုလုပ်ပေးကြောင်း သတင်းရရှိသည့် အတွက် မိမိတို့၏ မင်္ဂလာပွဲတွင် တစ်သက်တာ ထာဝရ အမှတ်တရ လက်ထပ်လက်စွပ် ဆန်းဆန်းလေးမှ ပြုလုပ်ချင်သူများအတွက် ဖော်ပြပေးလိုက်ရပါသည်။

ဆက်ဖတ်ရန်

အင်တာနက်ကနေ ချစ်သူရခဲ့ပေမယ့် သူ့မှာ ချစ်သူ ရှိပြီးသား ဖြစ်နေလို့. နယ်ကျွံခဲ့ပြီးတဲ့ ကျွန်မ တော်တော်လေး စိတ်ဆင်းရဲနေရပါတယ်။

ကျွန်မဟာ အင်တာနက် ကနေတဆင့် အမျိုးသား တစ်ယောက်နဲ့ တွေ့ဆုံခဲ့ပြီး ချစ်ခင် ရင်းနှီး ခဲ့ကြပါတယ်။ ဒါပေမယ့် ဒီအမျိုးသားမှာ ချစ်ရသူ မိန်းကလေး ရှိပြီးသား ဖြစ်နေပါတယ်။ သူလည်းဘဲ ကျွန်မလိုဘဲ ခံစား နေရမယ်လို့ နားလည် ပါတယ်။ ကျွန်မရဲ့ လုပ်ရပ်က အသိဥာဏ်မရှိတဲ့ လူတစ်ယောက်လို ဖြစ်နေမှာကို လည်း စိုးရိမ် နေမိပါတယ်။

ကျွန်မက အသက် ၂၅နှစ် ရှိသူဖြစ်ပြီး ချစ်ကြိုက်မိသူ အွန်လိုင်းက အမျိုးသားက ၂၈နှစ်ရှိပါပြီ။ ကျွန်မတို့ နှစ်ယောက်စလုံး တစ်မြို့ တည်းက ဖြစ်ပါတယ်။ လွန်ခဲ့တဲ့ နှစ်ပတ်လောက်က နှစ်ယောက်အတူ ချိန်းတွေ့ခဲ့ကြပြီး သူနေထိုင်ရာ အိမ်ခန်းမှာ နာရီအနည်းငယ်ကြာ စကားပြောဆို ခဲ့ကြပါတယ်။ တွေ့ဆုံခဲ့ချိန် တစ်လျောက်မှာ ကျွန်မကို သိုင်းဖက်ပြီး နမ်းရှုံ့ခြင်း တို့ ပြုလုပ်ခဲ့သလို ကျွန်မကလည်း ကျေနပ်စွာနဲ့ ပြန်လည် တုန့်ပြန်ခဲ့ပါတယ်။ ကာမစပ်ယှုက်ခြင်း ကိစ္စကိုပါ ကျေကျေနပ်နပ် ဆောင်ရွက်ခဲ့ပါတယ်။

အဲ့ဒီကနေ အစပြုပြီး တယ်လီဖုန်းနဲ့ အဆက်အသွယ် မပြတ်ခဲ့ကြသလို နေ့စဉ်နေ့တိုင်း မက်ဆေ့ခ်ျ တွေလဲ မှန်မှန်ပို့ဖြစ် ခဲ့ကြပါတယ်။ ကျွန်မတို့ နှစ်ယောက်ဟာ အရူးအမူးကို ချစ်ခင် စွဲလန်း နေခဲ့ကြပါတယ်။ ကျွန်မတို့ နှစ်ယောက် အတွက် အလွန်ကောင်းမွန်တဲ့ လက်တွေ့အချိန်တွေကို ဖြတ်သန်း နေခဲ့ရပေမယ့် တစ်ဖက်မှာ ရှိတဲ့ သူ့ရဲ့ ချစ်သူ ကောင်မလေး အတွက်ကတော့ အခြေအနေ မကောင်းလှပါဘူး။

ဒါပေမယ့် ကျွန်မ မရပ်တန့် နိုင်ခဲ့ပါဘူး။ ဘာဖြစ်လို့လဲ ဆိုတော့ ကျွန်မဟာ လူလွတ် တစ်ယောက် ဖြစ်ပြီး ဘယ်သူ့ကိုမှ ထိခိုက်ခြင်းလည်း မရှိဘူးလို့ ထင်လို့ပါ။ သူက သူ့ကောင်မလေး အကြောင်းကို ပထမဦးဆုံး စတွေ့ကလည်းက ပြောပြခဲ့ဖူးပါတယ်။ ဒါပေမယ့် မိုင် ၃၀ အကွာ အဝေးမှာ ရှိနေတဲ့ သူ့ကောင်မလေးဟာ သူ့ဆီကို လာရောက် လည်ပတ် နိုင်ခြင်း မရှိဘူးလို့လဲ သူက ပြောပြခဲ့ပါတယ်။

လွန်ခဲ့တဲ့ တစ်ပတ်က ကျွန်မတို့ နှစ်ယောက်ရဲ့ ဆက်ဆံရေးကို ရှေ့ဆက်နိုင်စွမ်း မရှိတော့ကြောင်း သူက ဖွင့်ပြော လာခဲ့ပါတယ်။ ပြောနေတဲ့ သူကလည်း လုံးဝ ပျော်ရွှင်ပုံ မရှိပါဘူး။ သူ့ရဲ့ ကောင်မလေးကို အပတ်စဉ် သွားရောက်တွေ့ဆုံနေရပြီး ကျွန်မဆီကို အီးမေးလ်ပို့ဖို့ အတွက်တောင် အချိန်ရှားပါး လှပါတယ်လို့ ဆိုပါတယ်။ နောက်ပြီး သူ့ရဲ့ မက်ဆေ့ခ်ျ တွေမှာလည်း "ငါ့အနေနဲ့ မင်းကို တွေ့ဆုံခွင့်ရတာ အရမ်းကံကောင်းပြီး မင်းဟာ လူလွတ်တစ်ယောက် ဖြစ်နေတယ် ဆိုတာလဲ ကံကောင်းတဲ့ အချက်တစ်ချက် ဖြစ်ပါတယ်။ တကယ်လို့ မင်းဆန္ဒရှိမယ် ဆိုရင် အခြားတစ်စုံ တစ်ယောက်ကို ပြောင်းပြီး ရွေးချယ်ဖို့ စဉ်းစား နိုင်ပါတယ်။" လို့ရေး သားခဲ့ပါတယ်။

နေ့တစ်နေ့ ကုန်ဆုံးသွားတဲ့ အချိန်တိုင်း သူ့ကို တွေ့လိုတဲ့ ကျွန်မရဲ့ စိတ်ဆန္ဒတွေက ထိန်းမရသလို သူ့ရဲ့ ချစ်သူ တစ်ယောက် အဖြစ်နဲ့ ရပ်တည်ချင်တဲ့ တောင့်တချက်တွေ ကလည်း အတော မသတ်နိုင် သေးပါဘူး။ အကယ်၍များ ဖြစ်နိုင်မယ် ဆိုရင် သူ့ရဲ့ ချစ်သူကို ကျွန်မအတွက် စွန့်လွှတ် ပေးစေချင်ပါတယ်။ ဒါဟာ မှန်ကန်တဲ့ အတွေးအခေါ် ဟုတ်ပါရဲ့လား။.....

ပြန်လည် ဖြေကြားပေးခြင်း။

အခြေအနေ အရပ်ရပ် အားလုံးကို သုံးသပ်ရမယ် ဆိုရင်တော့ မဆိုးလှပါဘူး။ အမျိုးသားက ခင်ဗျားကို သူ့ရဲ့ ချစ်သူအကြောင်း ပြောပြပြီးသားဘဲ။ တကယ်လို့များ သူ့ရဲ့ ကောင်မလေးနဲ့ မပျော်ရွှင်ဘူးဆိုရင် ခင်ဗျားဆီ အချိန်မရွေး ပြန်ရောက် လာပါလိမ့်မယ်။ ဒါပေမယ့် မပြတ်သားတဲ့ အဲ့ဒီ အမျိုးသားက တစ်ဖက်ကိုလည်း အဆုံးမသတ်၊ ခင်ဗျားကိုလည်း ဘာ့ကြောင့် ချိတ်ဆက်ဖို့ ဆက်ကြိုးစား နေရတာလဲ။ အဖြစ်အပျက်တွေ အားလုံးကတော့ မြန်ဆန် လွန်းလှတာလဲ တစ်ကြောင်း ဖြစ်နိုင်သလို ဒီအမျိုးသားအနေနဲ့ အခြေအနေတွေကို မှန်မှန်ကန်ကန် သုံးသပ်ဖို့ နှေးကွေး တုန့်ဆိုင်း လွန်းတာလဲ တစ်ကြောင်း ဖြစ်နိုင်ပါတယ်။

အားလုံးရဲ့ ပြဿနာတွေကို ရှုပ်ထွေးစေတာကတော့ အမျိုးသားဆီကဘဲ ဖြစ်ပြီး သူ့အနေနဲ့ ပြတ်သားပြီ ဆိုရင် ခင်ဗျားကို ဘာမှ ဆက်သွယ်စရာ အကြောင်း ရှိမနေပါဘူး။ အဓိက ကတော့ သူ့အတွက် လိုအပ်ချက် ကွက်လပ်ကို ဖြည့်ဆည်းပေးဖို့ ခင်ဗျားကို အချိန်ပိုင်း ချစ်သူအဖြစ် အလွယ်တကူ လက်ခံလိုက်ပုံရပါတယ်။

ဥပမာ တစ်ခုအနေနဲ့ ဆိုရင် လက်ထဲမှာ အလွယ်တကူ ရောက်လာတဲ့ ကိတ်မုန့်ကို လွယ်လွယ် စားသုံး ပစ်လိုက်တဲ့ လုပ်ရပ် သက်သက်သာ ဖြစ်ပါတယ်။ သူ့ချစ်သူ မိန်းကလေးနဲ့ ခင်ဗျား တို့ နှစ်ယောက်ကို ရွေးချယ်မယ် ဆိုတဲ့ အကြောင်းပြချက် သူ့မှာ မယ်မယ်ရရ လုံးဝ မရှိဘူးဆိုတာတော့ သူ့လုပ်ရပ်တွေကနေ ခင်ဗျား နားလည် သင့်ပါတယ်။

ဆက်ဖတ်ရန်

အင်္ဂလိပ်သီချင်းလေးတွေ

ဆက်ဖတ်ရန်

အဆိုတော် သရုပ်ဆောင် နန်းဆုရတီစိုး ချစ်သူနှင့် ခိုးရာလိုက်ပြေးသည် ဆိုသောကိစ္စ

မကြာသေးမီ လပိုင်းကမှ “မိုးမမြင် လေမမြင်” တစ်ကိုယ်တော် တေးစီးရီးနဲ့ ပရိသတ်အသိအမှတ်ပြုခြင်း ခံခဲ့ရပြီး ပြည်တွင်း ရုပ်သံ အစီအစဉ်တွေ၊ ဗီဒီယို ဇာတ်ကားတွေ မနားတမ်း ရိုက်ကူးနေတဲ့ သရုပ်ဆောင် နန်းဆုရတီစိုး တစ်ယောက် ပျောက်နေတယ်၊ ချစ်သူနဲ့ ခိုးရာလိုက်ပြေးသွားတာ ဖြစ်မယ် ဆိုတဲ့ သတင်းစကားတွေက ပြီးခဲ့တဲ့ ရက်ပိုင်းက ပျံ့နှံ့ခဲ့ပါတယ်။

ပရိသတ်တွေကြားမှာ ပျံ့ရုံတင် မကဘဲ အင်တာနက်ခေတ်ဖြစ်လို့ အွန်လိုင်းပေါ်က ချက်တင်တွေမှာ forward လုပ်ကြတဲ့ စကားစု အနေနဲ့ပါ ပျံ့နှံ့ခဲ့တဲ့ ကိစ္စနဲ့ ပတ်သက်ပြီး သူမကို ပြည်တွင်းနာမည်ကြီး အနုပညာ ဂျာနယ်တစ်စောင်က ဆက်သွယ် မေးမြန်းကြည့်တဲ့အခါမှာ သူမက အောက်ပါအတိုင်း ဖြေခဲ့ပါတယ်တဲ့။



“၈-၁၀-၁၀ ရက်နေ့က နန်းဆု ပျောက်သွားတယ် ဆိုတာ ချစ်သူနောက် လိုက်ပြေးတာ မဟုတ်ပါဘူး။ နန်းဆုလည်း စဉ်းစား ဆင်ခြင်တတ်တဲ့ အရွယ်ရောက်နေပါပြီ။ တကယ်အိမ်ထောင်ပြုမယ် ဆိုရင်လည်း အနုပညာရှင် တစ်ယောက်အနေနဲ့ ဒီလို လုပ်မှာ မဟုတ်ပါဘူး။ သင့်လဲ မသင့်တော်ပါဘူး။ အဲနေ့က ရှုတင်တစ်ခုက အပြန် အမေနဲ့ စိတ်ကောက်လို့ အဒေါ့်အိမ် သွားနေနေတာပါ။ အမေဖုန်းဆက်ရင် မလာဘူးလို့ ပြောဖို့ အဒေါ့်ကို မှာထားလိုက်တယ်။ ဒါကြောင့် အမေလဲ စိတ်ပူပြီး သက်ဆိုင်ရာကို အကြောင်းကြားလိုက်လို့ အခုလို ကောလဟာလ ထွက်ခဲ့တာပါ။ အခုတော့ အားလုံး အဆင်ပြေသွားပါပြီ။ မိဘနဲ့ သားသမီးကြား အခုလို ဖြစ်တတ်ပါတယ်။ စိတ်ဆိုးလဲ ခဏပဲပေါ့။ ဒါကို တစ်ချို့လူတွေက နာမည်ကြီးချင်လို့ ထွင်တယ်လို့ ပြောကြသေးတယ်။ အမှန်ကတော့ စိတ်နဲ့ကိုယ်နဲ့ လွတ်သွားတဲ့ အချိန် မတော်တဆ ဖြစ်သွားခဲ့တာပါ” လို့ ပြောကြားခဲ့ပါတယ်။



ဆက်လက်ပြီး သူမက စိတ်ပူစွာနဲ့ ဖုန်းဆက်မေးမြန်းခဲ့တဲ့ အနုပညာ မောင်နှမများ၊ ပရိသတ်များကိုလည်း အထူးကျေးဇူးတင်ကြောင်း ပြောကြားခဲ့ပါတယ်။ လက်ရှိမှာ သူမ ရှုတင်တွေ သွားရင် အနားကနေ လိုက်လံစောင့်ရှောက်ဖို့ အမျိုးသမီး ဘော်ဒီဂတ်တစ်ယောက် ခန့်ထားတယ်လို့ ကြားသိရပါတယ်။


ဆေးဝါးတက္ကသိုလ်ရဲ့ ကျောင်းသူတစ်ဦး ဖြစ်ပြီး လက်ရှိမှာ မိသားစုပိုင် ကုမ္ပဏီရဲ့ မန်နေးဂျင်းဒါရိုက်တာ တာဝန်ကို ယူထားကာ တစ်ဖက်ကလည်း အနုပညာ လုပ်ငန်းတွေကို လုပ်ဆောင်နေတဲ့ ပြည်သူချစ်သော အနုပညာရှင် နန်းဆုရတီစိုး တစ်ယောက် ပိုမိုမြင့်မားသော အောင်မြင်မှုများကို ရရှိပါစေလို့ ဆုမွန်ကောင်း တောင်းလိုက်ပါတယ်။

ဆက်ဖတ်ရန်

ကျွန်မရဲ့ အလုပ်ရှင်က ကျွန်မရဲ့ ကာမကို ရယူချင်နေပါတယ်။ သဘောမတူမိလို့ ကျွန်မ အလုပ်ပြုတ်မှာလည်း ကြောက်နေရပါတယ်။

ဒီဖြစ်စဉ်လေးက ဗြိတိန်သတင်းစာတစ်စောင်မှာဖော်ပြထားတာပါ။မြန်မာပြည်မှာလဲ ဒီလိုဖြစ်စဉ်လေးတွေ

ရှိမယ်ထင်လို့ဗဟုသုတအတွေ့အကြုံလေးရအောင်တင်ပြခြင်းဖြစ်ပါသည်။

 အလုပ်ရှင်က ကျွန်မရဲ့ ကာမကို ရယူဖို့ ကြိုးပန်းနေခြင်းနဲ့ ပတ်သက်ပြီး အကြောင်းအမျိုးမျိုးပြကာ ငြင်းဆန်ရှောင်တိမ်း နေရပါတယ်။ အခုလို ရှောင်တိမ်းနေလို့ အလုပ်ဖြုတ်ခံရမှာကိုလည်း ကျွန်မ စိုးရိမ်နေရပါတယ်။ ကျွန်မဟာ အသက် ၁၉ နှစ် ရှိပြီးတော့ လုပ်သက် တစ်နှစ် ရရှိထားတဲ့ ၀န်ထမ်းမလေး ဖြစ်ပါတယ်။ ကျွန်မရဲ့ ချစ်သူနဲ့ ကျွန်မတို့တွေဟာ အချိန်ကာလ တစ်ခုအထိ ငွေစုဆောင်းပြီးတာနဲ့ အတူတကွ အလုပ်လုပ်နိုင်တဲ့ အလုပ်ကလေး တစ်ခုကို ထူထောင်ကြတော့မှာ ဖြစ်ပါတယ်။

 လက်ရှိ လုပ်နေတဲ့ အလုပ်ကိုလည်း ကျွန်မ အလွန်နှစ်သက်သလို အလုပ်ရှင်ကလည်း အလုပ်သမားတွေအပေါ် ကောင်းမွန်စွာ ဆက်ဆံတတ်သူ ဖြစ်ပါတယ်။ အလုပ်ရှင်က ကြည့်ကောင်းတဲ့ အမျိုးသားတစ်ဦး ဖြစ်ပြီးတော့ အလုပ်ထဲက မိန်းကလေး တော်တော်များများကလည်း သူနဲ့အတူ ရင်းနှီုးကျွမ်းဝင် ကာမ စပ်ယှက်ချင်သူတွေ အများကြီး ရှိပါတယ်။ ဒါပေမယ့် အလုပ်ရှင်ရဲ့ အာရုံစိုက်မှုကတော့ ကျွန်မ တစ်ယောက်ထဲကိုဘဲ ဆန္ဒရှိနေခဲ့ပါတယ်။ နေ့တိုင်း အကြောင်း တစ်မျိုးမျိုးနဲ့ သူ့အနားကို ရောက်ရှိလာနေစေနိုင်တဲ့ ကော်ဖီယူခိုင်းတာမျိုး ရုံးခန်းထဲမှာ နှစ်ယောက်ထဲ အတူရှိနေတဲ့ အခြေအနေမျိုးဖြစ်အောင် မကြာခဏ ဖန်တီးပါတယ်။

 ကျွန်မရဲ့ ချစ်သူကို အလွန်ချစ်ပါတယ်။ သူ့ကို သစ္စာဖေါက်ဖို့ ဆိုတာ အိပ်မက်တောင် မမက်မိပါဘူး။ ကျွန်မရဲ့ အလုပ်ရှင်ကိုလည်း ကျွန်မချစ်သူကို ကျွန်မ ဘယ်လောက်ချစ်ကြောင်း နောက် ၂ နှစ်အကြာမှာ အတူတကွ လက်ထပ်ပြီး နေထိုင်တော့မှာ ဖြစ်ကြောင်း ပြောပြခဲ့ပါတယ်။ ဒီလိုပြောတဲ့ အခါ အလုပ်ရှင်က ရယ်မောရုံ သက်သက်နဲ့ ဘာမှ အသိအမှတ်မပြုခဲ့ပါဘူး။

 သူအရေးမစိုက်တာကိုတော့ ကျွန်မက ဂရုမစိုက်ပါဘူး။ ဒါပေမယ့် သူဆန္ဒကိုတော့ လိုက်လျောပေးဖို့ ဆိုတာ လုံးဝ မဖြစ်နိုင်ပါဘူး။ အကြိမ်တိုင်းမှာလည်း ကျွန်မ ပြတ်ပြတ်သားသား ငြင်းဆန်ခဲ့ပါတယ်။ ပထမတစ်ကြိမ်တုန်းက မလိုက်လျောနိုင်ကြောင်း ကျွန်မရဲ့ ငြင်းဆန်ချက်ကို သူက ရပါတယ် လို့ တုန့်ပြန်ခဲ့ပေမယ့် လွန်ခဲ့တဲ့ အပတ်က စပြီးတော့ သူ့ကို ကြည့်ရတာ ကျွန်မ ငြင်းဆန်မှုနဲ့ ပတ်သက်ပြီး အလွန်စိတ်ဆိုးလာတဲ့ပုံစံ ပေါ်လာပါတယ်။ ကျွန်မကို အလုပ်ထုတ်ပစ်ဖို့အတွက် အကြောင်းအရင်းတွေလဲ အပြစ်ရှာလာပါတယ်။ ကျွန်မ အလုပ်တည်မြဲရေး အတွက် သူ့အလိုကို လိုက်လျောရမလား၊ ဘာလုပ်ရမလဲ ဆိုတာကို မသိတော့ပါဘူး။ ကျွန်မဟာ အလုပ်ကို ကောင်းကောင်းမွန်မွန် လုပ်နိုင်သူ ဆိုတာ သေချာပါတယ်။

 ပြန်လည် ဖြေကြားခြင်း။  
 ခင်ဗျားရဲ့ အလုပ်ရှင်ဟာ အခုဆိုရင် သဘောပေါက် နားလည်ပြီး ရှက်ရမ်းရမ်းနေခြင်း သက်သက်သာ ဖြစ်ပြီး သူတည်ငြိမ်သွားတဲ့ အချိန်မှာ သူ့ရဲ့ မသင့်တော်တဲ့ လုပ်ဆောင်မှုကို နားလည် သဘောပေါက်ရင်းလက်လျော့ သွားပါလိမ့်မယ်။ ခင်ဗျားရဲ့ ရပ်တည်ချက်ကိုသာ မယိမ်းယိုင်အောင် ခိုင်ခိုင်မာမာ ရပ်တည်ထားပြီး သူ့ကို လုံးဝ အခွင့်အရေး မပေးမိပါစေနဲ့။ ဒါဆိုရင် အလုပ်နဲ့ ကိုယ်ရေးကိုယ်တာ ကိစ္စဟာ သီးခြားစီ ဖြစ်တယ်ဆိုတာကို ခင်ဗျားရဲ့ အလုပ်ရှင် သဘောပေါက် နားလည် လာပါလိမ့်မယ်။

ဒီမတိုင်ခင် အချိန်မှာတော့ ခင်ဗျားရဲ့ အလုပ်ကို ဂရုတစိုက် အာရုံစိုက်ပြီးသာ ကြိုးစားပါ။ အထူးသဖြင့် အမှား မကျူးလွန်မိအောင် ပိုမိုဂရုစိုက်ပေးပါ။ အကယ်၍ သူ့ရဲ့ ကမ်းလှမ်းချက်အပေါ် အနည်းငယ် ယိမ်းယိုင်တာများ တွေ့မြင်ခဲ့မယ်ဆိုရင် သူဟာ ရုပ်ဆိုး အကျည်းတန်လောက်အောင် ရှေ့ဆက် တိုးလာပါလိမ့်မယ်။

ဆက်ဖတ်ရန်