ကျန်းမာရေးဆိုင်ရာ ဗဟုသုတများ (၃)

ဆက်ဖတ်ရန်

ကျန်းမာရေးဆိုင်ရာ ဗဟုသုတများ (၂)

ဆက်ဖတ်ရန်

ကျန်းမာရေးဆိုင်ရာ ဗဟုသုတများ

ဆက်ဖတ်ရန်

Myanmar Typing Tutor

ကွန်ပျူတာစာစီတာ အင်္ဂလိပ်လို ရပေမယ့် မြန်မာလို မရလို့ လေ့ကျင့်ချင်တယ်ဆိုရင် အဆင်ပြေပါတယ်။ အင်္ဂလိပ်လက်ကွက်သိပြီး မြန်မာလက်ကွက် မသိသူတစ်ယောက် နည်းနည်းချင်း ပုံမှန်လေ့ကျင့်ရင် စုစုပေါင်း လေ့ကျင့်ချိန် ငါးနာရီလောက်ဆို တန်းဝင်အောင် မြန်မာစာ ရိုက်နိုင်လာပါလိမ့်မယ်။

ယူကြည့်ချင်ရင် ဒီမှာ။

Download HERE.

ငြိမ်းချမ်းကြပါစေ။

ရှင်အာစာရ

ဆက်ဖတ်ရန်

ဗုဒ္ဓ ရဲ့ တရားတော်က ဘာကြောင့် လူနည်းစု ကိုးကွယ်တဲ့ ဘာသာတရားဖြစ်နေပါသလဲ.......

           မြတ်ဗုဒ္ဓ ရဲ့ တရားတော်ဟာ အမှန်တရားဖြစ်ပါလျက် ကမ္ဘာမှာ အဘယ့်ကြောင့် လူနည်းစု ကိုးကွယ်တဲ့
ဘာသာဖြစ်နေပါသလဲ ဆိုရင်..
ဗုဒ္ဓဘာသာဝင်များဟာ ဒီဘက်မှာ လေ့လာမူ့ နည်းပြီး နိုးနိုးကြားကြားမရှိကြ လုံးလ ၀ီရိယ နည်းကြလို့ပါပဲ
တခြားတခြား ဘာသာတွေ ကမ္ဘာပျံနှံ့  တယ်ဆိုတာက သူတို့ဘာသာဝင်တွေက အလွန်နိုးနိုးကြားကြားရှိကြတယ်
အမှတ်မဲ့ မနေကြဘူး ဘာသာတရားပြန့်ပွားရေးကို အမြဲအလေးထားကြတယ် ငွေအင်အားကလည်း တောင့်
တင်းကြတော့ စနစ်တကျ အဖွဲ့ အစည်းတွေဖွဲ့ပြီး အဆင်းရဲ အပင်ပန်းခံ ဖြန့်ကြတဲ့ အတွက် သူတို့ဘာသာတွေက
ပျံ့နှံ့ပြီး လူများစုကိုးကွယ်ကြတာဖြစ်နေတာပါပဲ
ဗုဒ္ဓဘာသာဝင်တွေကတော့ အခုတိုင် အိပ်တုံးပဲ

ကိုယ့် ရပ်ရွာ၊ မြို့  ၊ နယ်၊ ကိုယ့်နိုင်ငံ ကျဉ်းကျဉ်းကလေးထဲမှာ ခွေအိပ်နေကြတုံးပဲ
ကိုယ့်နိုင်ငံကလေးထဲတောင်မှ ဗုဒ္ဓဘာသာရဲ့ လောကီရေး အနှစ်သာရတွေ လောကုတ္တရာရေး အနှစ်သာရတွေ
ထိထိမိမိ မဖြန့်ဖြူးနိုင်ကြပါဘူး၊ အခုထိ မြန်မာဗုဒ္ဒဘာသာဝင်တွေက ကမ္ဘာကို စစ်မှန်တဲ့ ဗုဒ္ဓဘာသာဖြန့်ဖို့
စိတ်ကို မကူကြသေးပါဘူး အိပ်တုံးပဲ ဆိုတော့ ဒီဘာသာတရား အကြောင်း ဘယ်သူက သိမလဲ
အခု အနောက်တိုင်းက တချို့လူတွေဟာဗုဒ္ဓအကြောင်း ဗုဒ္ဓဘာသာ အကြောင်း သိပြီးတော့ ဗုဒ္ဓဘာသာ
ဘက်မျက်နှာမူလာကြတာတို့ ဗုဒ္ဓတရားတော်ကို ကျင့်ကြံပွါးများ အားထုတ်လာကြတာတို့ဟာ သူတို့
ဗုဒ္ဓဘာသာ စာပေတွေလေ့လာပြီး တရားလေးဘာလေး အားထုတ်ရင်း စိတ်ဝင်စားလာကြတာပါပဲ
ဒါဟာ ဗုဒ္ဓတရားတော်က စစ်မှန်လို့ သူ့ဟာနဲ့ သူဖြစ်လာကြတာပါပဲ
ဗုဒ္ဓဘာသာဝင်တွေက အဖြန့်ကောင်းလို့ မဟုတ်ဘူး အခုတိုင် မြန်မာဗုဒ္ဓဘာသာဝင်တွေက အိပ်ပျော်တုံးပါပဲ
 ဒီကိစ္စ ဆောင်ရွက်ဖို့ အတွက် ဘာ အသင်းအဖွဲ့   အစည်းမှ ပီပီပြင်ပြင် မရှိပါဘူး နောက်ဆုံးမှာ
တောင်တန်းဒေသ၊ နယ်ခြားဒေသ ကိုယ့်တိုင်းရင်းသား ကိုယ့်ဆွေမျိုးရင်းချာတွေတောင်မှ အသိမှန် အမြင်မှန်
ထိထိမိမိ မပို့နိုင် မပေးနိုင်ကြသေးပါဘူး၊

သီဟိုဠ် (သီရိလင်္ကာ နိုင်ငံ)
               သိဟိုဠ် ဘုန်းကြီးတွေနဲ့ ဒကာ ဒကာမတွေကတော့ ဒုတိယ ကမ္ဘာစစ်မဖြစ်မီ အစောကြီးကတည်း
က နိုးကြားပြီးတော့ သူတို့ တတ်နိုင်သမျှ အဖွဲ့ အစည်းနဲ့ တကွ သက်ဆိုင်ရာ အစိုးရကပါ အားပေးပြီး ကမ္ဘာကို သာသနာဖြန့်နေကြတာ အများကြီးပဲ
ဘယ်နိုင်ငံသွားသွား အချက်ချာကြတဲ့ မြို့ကြီးတွေ မှန်သမျှမှာ သူတို့ ကြီုစားနေကြတယ်
မြန်မာပြည်ကတော့ အိပ်လို့ကောင်းတုံးပဲ

ယိုးဒယား
          ယိုးဒယားဘုန်းကြီးတွေကလဲ ကမ္ဘာအနှံ့အပြားမှာ ရှင်ဘုရင် ဦးဆောင့်တဲ့ ထိုင်း ဗုဒ္ဒဘာသာ လူထုရဲ့  အားပေးထောက်ပံမူနဲ့
ဘုန်းကြီကျောင်းတွေ တည်ထောင်ပြီး စွမ်းနိုင်သမျှ ဖြန့်ဖြူးနေကြတာ တော်တော် များနေပြီ
         အမေရိကမှာ ဆိုရင် မြို့ကြီး ၁၅ မြို့ထက်မနည်း ယိုးဒယား ဘုန်းကြီးကျောင်းတွေရှိနေကြပြီ
အင်ဒိုနီးရှားနိုင်ငံ ဟာ  မူဆလင်နိုင်ငံပါ  မူလက ဗုဒ္ဓဘာသာ နိုင်ငံဖြစ်ခဲ့ပါတယ်
 ခရစ်နှစ် (၈) ရာစု  (၉) ရာစုနှစ်လောက်မှာဆိုရင် ဗိုရိုဗုဒူး လိုအံ့ မခန်းစေတီတော်များ ပေါ်ပေါက်လာသည်
အထိ ထွန်းကားခဲ့ပါတယ် အခုတော့ အင်ဒိုနီးရှားနိုင်ငံမှာ လူဦးရေ ၁၇၆ သန်းကျော်ရှိတဲ့ အနက်က ဗုဒ္ဓဘာသာ ပီပီသသ ၂- သန်းကျော်လောက်ပဲ ရှိပါတော့တယ်
မပီမသ စာရင်းဝင်ရုံမျှကတော့ ၁၀ သန်းလောက်ရှိတယ်လို့ သိရပါတယ် အဲဒီလို နိုင်ငံမှာ
ဗုဒ္ဓသာသနာ ဖြန့်ဖြူးရတာ ဘယ်လောက်ခက်ခဲမယ်ဆိုတာ စဉ်းစားကြည့်ရင် သိနိုင်ပါတယ်
အဲဒီလို နိုင်ငံမှာ ယိုဒယားဘုန်းကြီးများ အပင်ပန်းခံပြီး ဖြန့်ဖြူးနေကြတာ ချီးကျူးစရာ ကြည်ညိုစရာ
ကောင်းလှပါတယ် မြန်မာပြည်ကတော့ အိပ်ပျော်နေတုံးပါပဲ

အတားအဆီး အမျိုးမျိုး
          တိဘက်ဘုန်းကြီး ဂျပန် ဘုန်းကြီးတွေ ကမ္ဘာအနှံ့ ပျံ့  နေတာကတော့ ပြောစရာလိုမယ်မထင်ပါဘူး
သို့သော်လည်း အတားအဆီးက အမျိုးမျိုးရှိပါတယ်
သီဟိုဠ်ဘုန်းကြီးများ စာတတ်ပေတတ် အင်္ဂလိပ်လို ရေးဖတ် ဟောပြောနိုင်ကြသော်လည်း အနောက်ဆီ က
တကယ်လိုလားတဲ့ ၀ိပဿနာ တရားကို ထိထိမိမိ မပြနိုင်ကြတော့ အာနာပါဏလောက် နဲ့ ပဲ တင်းတိမ်နေကြ
ရပါတယ်
    ယိုဒယားဘုန်းကြိးများ တချို့ သင့်တင့်စွာ တရားပြတတ်ကြသော်လည်း ဘာသာစကား မကျွမ်းကျင်ကြဘူး
တိဘက်ဘုန်းကြီး ဂျပန်ဘုန်းကြီး အနည်းအပါး ဘာသာစကား ကျွမ်းကျင်ကြပေမဲ့ သူတို့ တရားနည်းက
ဝိပဿနာ နည်းမဟုတ်တော့ ၀ိပဿနာရဲ့  အနှစ်သာရကို လိုလားကြတဲ့ တိုင်းခြားသားများ
အားမရကြဘူး


မြန်မာ
      သိပ္ပံ နဲ့ စက်မူတိုးတက်သလောက် ရုပ်ပိုင်းဘက်က တိုးတက်မူ အဟုန် မြန်လွန်းလို့ စိတ်က လိုက်မမီတော့ မောဟိုက်နေတဲ့ တိုင်းခြားသားတွေဟာ စိတ်မချမ်းသာကြဘူး ရုပ်တိုးတက်မူမှာ အနှစ်သာရ
ရှာမတွေ့ကြတော့ဘူး ဒီတော့ စိတ်ချမ်းသာရေးအတွက် မျှော်ကြည့်လိုက်တဲ့ အခါ ၀ိပဿနာကို ခြေခြေမြစ်မြစ် အားထုတ်ကြပြီး ထိထိမိမိ ဟောကြားပြသနိုင်တဲ့ မြန်မာပြည်ကိုပဲ ပဓာန ထား
အားကိုးကြတယ်
ဒါပေမဲ့ မြန်မာပြည်ကတော့ အိပ်မြဲလုိ့ပဲ ပြောရအုံးမှာပဲ


စာကြွင်း
           ယခုအခါ မှာတော့ တချုို့  ဆရာတော်ကြီးများ ဦးဆောင်တဲ့ သာသနာပြု ရဟန်းပျိုများ
တချို့ လူပုဂ္ဂိုလ်များ
အိပ်ယာက နိုးထစ ပြုလာကြပြီး တတ်စွမ်းသမျှတော့ ကြိုးစားလာကြပါပြီ

ဆက်ဖတ်ရန်

"နမော တဿ ဘဂ၀တော အရဟတော သမ္မာသမ္ဗုဒ္ဓဿ" ဂါထာကို မည်သူ စတင်ရွတ်ဆို ရှိုခိုးခဲ့ပါသလဲ

"နမော တဿ ဘဂ၀တော အရဟတော သမ္မာသမ္ဗုဒ္ဓဿ" ဂါထာကို စတင်ရွတ်ဆို ရှိခိုးသူဟာ သိပ်မကြာလှသေးပါဘူး။

ဒီ ကမ္ဘာကနေ ပြန်ရေတွက်လိုက်ရင် သိပ်မကြာလှသေးတဲ့ ဟို......၉၂ ကမ္ဘာထက်မှာ ဖုဿ မြတ်စွာဘုရား ပွင့်တော်မူခဲ့ပါတယ်
အဲဒီ ဖုဿ မြတ်စွာဘုရားရဲ့  ဖခမည်းတော်က မဟိန္ဒ မင်းကြီး တဲ့။
အဲ သူက " ငါ့သား ဘုရား၊ ငါ့သား ဘုရား" လို့ အမြဲ နှလုံးသွင်းပြီး
"မမေ၀ ဗုဒ္ဓေါ၊ မမေ၀ ဓမ္မော၊ မမေ၀ သံဃော၊ နမောတဿ ဘဂ၀တော အရဟတော သမ္မာသမ္ဗုဒ္ဓဿ"
လို့ အမြဲ ရွတ်ဆို ရှိခိုးလေ့ ရှိပါသတဲ့။ (ဓမ္မပဒ - အဌ၊ ပ၊ ၆၄)

အဓိပ္ပါယ်ကတော့ " ငါ၏ သာလျှင် ဘုရား၊ ငါ၏ သာလျှင် တရား၊ ငါ၏ သာလျှင် သံဃာ  ပူဇော်အထူးကို ခံယူတော် မူထိုက်သော တရားအလုံးစုံကို အကုန်အစင် ကိုယ်ပိုင်ဥာဏ်ဖြင့် အမှန်အတိုင်း သိမြင်တော် မူထသော ထိုမြတ်စွာ ဘုရားအား ရှိခိုးပါ၏ အရှင်ဘုရား" လို့ ဆိုလိုပါတယ်။

ဒီ နမောတဿ ကို ရွတ်ဆိုရှိခိုးရာ မှာ ၉၂ ကမ္ဘာထက် က ဒီ မဟိန္ဒ မင်းကြီး ထက်ရှေးကျတဲ့ ပုဂ္ဂိုလ်တော့ မရှိသေးဘူး လို့ ဆိုရမှာပါပဲ။

ဆက်ဖတ်ရန်

ဒီစာဖတ်ပြီးမှ ဘုရားသွားဖူးပါ

ဘုရားသို့မှန်း ခြေတလှမ်း သိန်းသန်းမကထိုက်
လှူသူ၊ ဖူးသူ၊ ပေးဝေသူ နတ်လူ ဘုံသို့ဆိုက်

ဆိုသော လင်္ကာလေးကို သဘောပေါက်လာပါလိမ့်မည်..

ထို့ အပြင်
စေတီတော်မှ ညွှန်ပြသော သင်္ကေတများမှ ဟောပြောနေသော တရားတော်များကို ဆင်ခြင် နှလုံးသွင်း နိုင်ပါက ပါရမီ ရင့်သန်ပြီးသူ ဖြစ်ပါက ဘုရားဖူးရင်းပင် နိဗ္ဗာန်ရနိုင်ကြောင်း ပြောမည်ဆိုပါက. လွန် အံ့မထင်


စေတီဆိုတဲ့ ဝေါဟာရ

စေတီဆိုတဲ့ဝေါဟာရက ဗုဒ္ဓဘုရားရှင် မပွင့်ထွန်းခင်ကတည်းက အိန္ဒိယနိုင်ငံမှာ ရှိနေခဲ့ပါတယ်။ ဝေသာလီပြည်ကြီးရဲ့ အနီးပတ်ဝန်းကျင်မှာ အမျိုးမျိုးသော အရာဌာနတွေကို စေတီသမုတ်ပြီး ကိုးကွယ်ခဲ့တာကြောင့် စေတီတွေ များစွာရှိခဲ့ပါတယ်။ အချို့စေတီတွေကတော့ နတ်ဘီလူးကြီးများကို ရည်မှတ်ပြီး တည်ဆောက်ထားတဲ့ နတ်ကွန်းတွေဖြစ်ပါတယ်။ အချို့တော့ နတ်ကြီးတယ် ဆိုပြီး မခူးကြနဲ့ မဖျက်ဆီးကြနဲ့ စသည်ဖြင့် သီးခြားသတ်မှတ်ထားတဲ့ ဥယျာဉ်ကြီးတွေဖြစ်ပါတယ်။ အချို့စေတီတွေဟာ တောင်တွေဖြစ်ပါတယ်။ အချို့ကတော့ တောတွေဖြစ်ပါတယ်။

စေတီဆိုတဲ့ အဓိပ္ပာယ်

စေတီဆိုတဲ့ အဓိပ္ပာယ်မှာ အရိုအသေပြုအပ်သော အရာ၊ ဌာန အားလုံးပါဝင်ပါတယ်။ အဲဒါကြောင့် ကျွန်တော်ကတော့ မြန်မာလို ပြန်ရင် အရိုအသေပြုအပ်သော သင်္ကေတ ဆိုတာပဲ သင့်တော်မယ်ထင်ပါတယ်။

ထေရဝါဒဗုဒ္ဓသာသနာပြင်ပမှ စေတီများ

ဟိန္ဒူ ဘုရားစေတီများ ၊ ဒီနေ့ခေတ် Holy City တွေအဖြစ် သတ်မှတ်ခံထားရတဲ့ လာဆာ၊ မက္ကာ၊ ဂျေရုဆင် တို့လို မြို့တော်တွေဟာလည်း သက်ဆိုင်ရာ ဘာသာဝင်တို့ရဲ့ အရိုအသေပေးရာ ဌာနတွေ ဖြစ်လို့ အထက်ကပြောခဲ့တဲ့ အဓိပ္ပာယ်ဖွင့်ဆိုချက် အတိုင်းပြောရရင် စေတီခေါ်ထိုက်ပါတယ်။
(အခုပြောခဲ့တဲ့ စေတီတွေကတော့ ထေရဝါဒဗုဒ္ဓသာသနာ ပြင်ပက စေတီတွေပါ )

ထေရဝါဒဗုဒ္ဓသာသနာတွင်းက စေတီ(၄)မျိုး

ထေရဝါဒဗုဒ္ဓဘာသာဝင်တွေ အရိုအသေအလေးအမြတ်ပြုကြတဲ့ သာသနာတွင်း စေတီတွေကတော့ အားလုံးသိကြတဲ့အတိုင်း ၄-မျိုးရှိပါတယ်။

၁) ဓာတုစေတီ-ဘုရား၊ ရဟန္တာများ၏ ဓာတ်တော်များ
၂) ဓမ္မစေတီ-ဘုရားရှင် ဟောကြားခဲ့သောတရားတော်များ
၃) ပရိဘောဂစေတီ- ဘုရားရှင် သက်တော်ထင်ရှားရှိစဉ်က သုံးဆောင်ခဲ့သော အသုံးအဆောင်များ
၎) ဥဒ္ဒိဿကစေတီ- ဘုရားရှင်ကို ရည်မှန်းပြီး ထုလုပ်ထားသော ရုပ်ပွားဆင်းတုတော်များ

ထေရဝါဒဗုဒ္ဓဘာသာဝင်တွေ အနေနဲ့ အလေးအမြတ်ပြုတဲ့ နေရာဌာနတွေလည်း ရှိသေးပါတယ်။ အဲဒါတွေကတော့ ဗုဒ္ဓဂါယာ အစရှိတဲ့ သံဝေဇနိယ လေးဌာနတို့ပါပဲ။

ထေရဝါဒဗုဒ္ဓဘာသာဝင်တွေ အနေနဲ့ အထက်က ဖော်ပြခဲ့တဲ့ စေတီတွေ၊ သံဝေဇနိယ လေးဌာနလို နေရာတွေ အရိုအသေပေးကြ၊ ကိုးကွယ်ကြတဲ့ အခါမှာလည်း နည်းလမ်းမှန်ဖို့ အရေးကြီးလှပါတယ်။ ဗုဒ္ဓရှင်တော် မရှိတော့တဲ့နောက်ပိုင်းကျမှ ဗုဒ္ဓရှင်တော်အမှတ်တရ အဖြစ်နဲ့ သင်္ကေတပြုထားတဲ့ အရာတွေကို မဆိုထားနဲ့ ဗုဒ္ဓရဲ့သက်ရှိထင်ရှား ကိုယ်ကာယကြီးကို ကိုးကွယ်တာတောင် နည်းမှန်လမ်းမှန် မဟုတ်ရင် ဗုဒ္ဓက အားမပေးခဲ့ပါဘူး။ ကဲ့ရဲ့တော်မူခဲ့ပါတယ်။

ကိုးကွယ်ပုံနည်းလမ်းမမှန်တဲ့အခါ ဓာတ်တော်စစ်တွေ၊ ပရိဘောဂ အစစ်တွေ ရှိနေသော်လည်း ဗုဒ္ဓရှင်တော်နဲ့ လုံးဝမလွဲ တစ်ထေရာတည်းတူတဲ့ ပုံတော်ထုလုပ်ထားလည်း အကျိုးများမှာ မဟုတ်ပါဘူး။ ဂါယာအစရှိတဲ့ ဒေသတွေကိုသွားလည်း ငွေကုန်လူပန်းတာက လွဲလို့ သံသရာအတွက် အကျိုးမများပါဘူး။ ဂါယာက ပြန်လာလို့လည်း ဘာမှ မဖြစ်ပါဘူး။

ကျွန်တော်နားလည်သလို ပြောရရင် ထေရဝါဒဗုဒ္ဓဘာသာဝင်တို့ရဲ့ စေတီကိုးကွယ်ခြင်းဟာ ဗုဒ္ဓဘုရားရှင်ဆီက ကယ်တင်ခြင်းတစုံတရာကို လိုချင်လို့၊ ကောင်းချီးမင်္ဂလာမြှောက်စားခြင်း တစုံတရာ လိုချင်လို့ မဟုတ်တာတော့ သေချာပါတယ်။

မြန်မာပြည်မှ ထေရ၀ါဒ ဗုဒ္ဓဘာသာ ဘုရားစေတီ များ နှင့် ဗိသုကာပညာရပ်


ဂေါတမဗုဒ္ဓသာသနာ၏ ပထမဦးဆုံးသော ထေရ၀ါဒ ဗုဒ္ဓဘာသာစေတီ

ဂေါတမဗုဒ္ဓသာသနာ၏ ပထမဦးဆုံးသော ထေရ၀ါဒ ဗုဒ္ဓဘာသာစေတီမှာ မြန်မာနိုင်ငံ ရန်ကုန်မြို့ ရှိ ရွှေတိဂုံစေတီတော်မြတ်ကြီးဖြစ်ပါတယ်..
( မှတ်ချက်။  ဤစေတီတော်သမိုင်းနှင့် ပတ်သက်၍ ရွှေတိဂုံဘုရားသမိုင်း စာအုပ်တွင် အသေးစိပ်ဖတ်ရှုနိုင်သည့်အတွက်.. ယခု မဖော်ပြတော့ပါ )
ဒါကြောင့် ထေရ၀ါဒ ဗုဒ္ဓဘာသာစေတီ ကို ရည်ညွှန်းတဲ့အခါမှာ ရွှေတိဂုံစေတီတော်မြတ်ကြီးနဲ့ သာ ကိုးကားဖော်ပြလိုပါတယ်...

ဗိသုကာပညာရပ်တစ်ခုအနေဖြင့် လေ့လာကြည့်မည်ဆိုပါက ရွှေတိဂုံစေတီတော်မြတ်ကြီးသည် မြန်မာတို့ ၏ သီးခြားဗိသုကာလက်ရာစင်စစ် ဖြစ်သည်ဆိုသည်ကို
အောက်ပါအချက်များအရ သိရှိနိုင်ပါသည် 


၁.    ရွှေတိဂုံဘုရားသည် အပေါ်မှ မိုးကြည့်လျှင် ပန်းတင်ခုံခေါ် အောက်ခြေအုတ်ခုံကို လေးထောင့်ကျကျ စတုရန်းပုံဆောက်လုပ်ထားပါတယ်.
   ( ဟိန္ဒူ ဘုရားစေတီများသည် အောက်ခြေအုတ်ခုံကို ဖြစ်စေ၊ မြေပေါ်ပိုင်း အဆောက်အဦကို ဖြစ်စေ အ၀ိုင်းပုံနှင့် အခုံးပုံကို အခြေခံပြီး          ဆောက်လုပ်ထားကြောင်း တွေ့ ရှိရမှာဖြစ်ပါတယ် . )
  
၂.    ပန်းတင်ခုံပေါ်တွင်မှ ပစ္စယာ သုံးဆင့်ခေါ် လှေကားထစ်သဖွယ် ပုံပန်းသဏ္ဍာန်ကို ဆဌဂံ မှ အဆင့်ဆင့် အဌဂံပုံသို့ ပြောင်းလဲ တည်ဆောက်ထားပါတယ်..ရည်ရွယ်ချက်မှာ စတုရန်းမှ စက်ဝိုင်းပုံသို့ ပြောင်းလဲ သွားဟန်ကို မျက်စိ ပသာဒ ဖြစ်ဖွယ် ပညာသားပါပါ ပြေပြေလေး ပြောင်းလဲယူခြင်းဖြစ်ပါတယ်..

၃.    ပစ္စယာ သုံးဆင့် ပေါ်တွင် အမျှဝေခြင်း အထိမ်းအမှတ် ခေါင်းလောင်း မှောက်ကို တည်ထားရာ ခေါင်းလောင်းခြေမှာ အခွက်ပုံဖြစ်ပြီး ခေါင်းလောင်း    စည်းရဲ့အပေါ်ပိုင်းမှာ အခုံးပုံဖြစ်ခြင်း၊ အခုံးနဲ့ အခွက်ကို ကြည့်သူရဲ့ အမြင်တွင် သဟဇာတဖြစ်အောင် ဆက်ထားပုံကို ပညာရှင်များအနေနဲ့    အတုယူကြရပါတယ်

၎.    ခေါင်းလောင်းမှောက်ရဲ့ အထက်တွင် ကြာမှောက် ကြာလှန်ကို တည်ထားပုံမှာလည်း သည်သဘော တရား ပင်ဖြစ်သည်

၅.    ငှက်ပျောဖူးတွင် အထက်သို့ ရှူးတက်သွားပြီးမှ ထိပ်ဆုံးတွင် ထီးတော်နဲ့ ပြန်အုပ်ထားသော ဒီဇိုင်းမှာ လည်း ဖူးမြော်သူရဲ့စိတ်ကို ထိပ်ဆုံးသို့    အာရုံစုစည်းစေပြီးမှ ထီးတော်ကို ကြည်ညိုနိုင်စေရန် ဆွဲဆောင် သော လက်ရာမြောက်သည့် ဗိသုကာပညာရပ်တစ်ခုဖြစ်ပါတယ်

၆.    ပုထိုးတော် ဒီဇိုင်းဖြစ်သော အာနန္ဒာ ဘုရားသည် ထိပ်ပိုင်းက ဟိန္ဒူ ဒီဇိုင်းဟု ထင်ရသယောင်၊ ဆင်သ ယောင် ရှိသော်လည်း လိုဏ်သုံးထပ် လုပ်ထားပုံမှာ လုံးဝမတူ ခြားနားခြင်းရဲ့ သက်သေဖြစ် ၊ ရွှေတိဂုံ ကဲ့သို့ မတည်ရခြင်းမှာ အပူပိုင်းဒေသ ရပ်ဝန်းတွင် တည်ရသည့်အတွက် ဘုရားဖူးလာသူများရဲ့ ကြည်ညိုစိတ်ကို ဖန်တီးနိုင်ရန် ရည်ရွယ်ပြီး ပုထိုးတော်ကဲ့သို့ တည်ခြင်း၊ လိုဏ်နံရံများရှိ ကျောက်ပန်း ဇကာများသည် အကောင်းဆုံး သက်သေဖြစ်ခြင်း

   ၊ အပြင်ဘက်ဆုံး ကျောက်ပန်း ဇကာသည် ဖုန်စစ်ရန်၊ အလယ်နံရံရှိ ကျောက်ပန်း ဇကာသည် နေရောင်စစ်ရန် ဖြစ်ပြီး အတွင်းဘက်ဆုံး       ရုပ်ပွားတော်များ တည်ထားရာ ဂန္ဓကုဋီ၏ နံရံရှိ ကျောက်ပန်း ဇကာသည်ကား လေပူစစ်ရန် ဖြစ်ကြောင်း ကျောက်ပန်း ဇကာများရဲ့ ဒီဇိုင်းကို ကြည့်ပြီး    သိနိုင်ခြင်း။
    ရည်ရွယ်ချက်မှာ ဘုရားဖူး လာသူသည် နေပူ၊ လေပူ၊ ဖုန်ထူ တို့ကို ဖြတ်ပြီး ဘုရားဖူး လာရာတွင် ပုထိုးတော် ထဲသို့ ရောက်သည်နှင့် လူရော စိတ်ပါ အေးချမ်း တည်ငြိမ် သွားစေရန် ရည်ရွယ်ကြောင်း၊
   နေပူထဲမှ လာသော စိတ်ပျံ့လွင့် နေသော ဘုရားဖူးသူကို အလင်းရောင် စစ်ထား သောကြောင့်    မှောင်သယောင် အလင်းမှိန်သော ပုထိုးတော်ထဲတွင် စိတ်ကို တည်ငြိမ် စေပြီးမှ ရုပ်ပွားတော် ပေါ်တွင်သာ အလင်းကျ ရောက်နေ စေရန် စီစဉ်ထားသော ဗိသုကာ လက်ရာကြောင့် အမှောင်ထဲတွင် လင်းနေသော ရုပ်ပွားတော်ကို ဖူးမြော်စေလေရာ ကြည်ညို သဒ္ဓါစိတ်ကို ဖြစ်ပေါ်စေခြင်း၊
   စိတ်ပညာကိုပါ အသုံးပြုကာ ဘုရားကို ထိုကဲ့သို့သော ပုံပန်းသဏ္ဍာန်ဖြင့် ဆောက်လုပ်သော ဗိသုကာလက်ရာကို အရှေ့တောင် အာရှ တခွင်တွင်ရော၊ တကမ္ဘာလုံး တွင်ပါ မတွေ့ ရှိရခြင်း

ထိုထိုသောအကြောင်းတို့ကို ဟိန္ဒူဘုရားများ တွင်သာမက မည်သည့်လူမျိုး၊ ဘာသာရဲ့ အထိမ်းအမှတ် မှာမှ မမြင်ဖူး သောကြောင့် မြန်မာ့လက်ရာ ဗုဒ္ဓဘာသာ စေတီပုထိုးများရဲ့ ဗိသုကာ လက်ရာသည် အတုမရှိ၊ ကိုယ်ပိုင် လက်ရာသာ ဖြစ်ကြောင်း သိရှိနိုင်ပါသည်။

ဗုဒ္ဓဘာသာ မြန်မာလူမျိုးများသည် ဘုရားစေတီ ပုထိုးများ သို့ ပုံမှန် မဟုတ်တောင် မကြာခဏ သွားလာ ဖူးမြော် ကြသည်။ အထူးသဖြင့် နေ့ကြီးရက်ကြီးများတွင် လူငယ် လူကြီးမရွေး ဘုရားဖူး သွားကြလေသည်။ သူလိုကိုယ်လို ဘုရားဖူးနေကျ ဖြစ်သောကြောင့် ဖူးမယ့် သာ ဖူးလိုက်သည်။ ဘုရားကို ဘာလို့ သည်လို တည်ထား သလဲ ဆိုတာ၊ ဘုရားမှာ ဘာလို့ သည်လိုနေရာ တွေ ထည့်ထားသလဲ ဆိုတာ သေချာ စဉ်းစားရှာဖွေကြသူ အင်မတန် နည်းပါသည်။ အမှုမဲ့  အမှတ်မဲ့ နေကြသူသာများပါသည်။

ဘာကြောင့် ပန်းတင်ခုံလို့ခေါ်ပြီး သည်လိုပုံစံ တည်ထားရသလဲ။ ဘာကြောင့် ပစ္စယာ ကို ၃ဆင့် ထားရ သလဲ။ ဘာကြောင့် ခေါင်းလောင်းမှောက်မှာ ရင်စည်းကို ဘာ အဓိပ္ပာယ်နဲ့ ထည့်ထားသလဲ။ ဘုရားမှာ ဘာကြောင့် ကြောက်စရာ ဘီလူးပန်းဆွဲ ဆိုတဲ့ပုံနဲ့ ဗိသုကာ လက်ရာ ပါနေရသလဲ။ ဖောင်းရစ်က ဘာလို့ ခုနှစ်ရစ် ဖြစ်နေရသလဲ။ ကြာကို ဘာကြောင့် မှောက်လိုက် လှန်လိုက် ထည့်ထားရသလဲ။ ဘာကြောင့် ကြာပန်းကိုမှ ရွေးထည့်ရသလဲ.. စသည် စသည်ဖြင့်

ယခု ဤစာဖတ်နေသော.. မိတ်ဆွေကရော..
( ကျနော်သည်လည်း.. ဤသို့ အမှုမဲ့ အမှတ်မဲ့  နေခဲ့ပါသည် ။ မိမိ၏ လေ့လာမှု အားနည်းခြင်းကြောင့်
အခြားသော ဘာသာခြား သူငယ်ချင်းများမှ မေးမြန်းသောအခါတွင်  သီးသန့် အဓိပ္ပါယ်ရှိတယ်..ဒါပေမယ့် မိမိမှာ မသိသေးကြောင်း ၀န်ခံ ဖြေကြားခဲ့ရသည်က များပါသည်။ ကဲ့ရဲ့ သူများရှိသောအခါတွင်လည်း လူငယ်စိတ်ဖြင့် မခံချင်စိတ်များကြောင့် အချို့ သော ဥပမာများဖြင့် ပြဿနာကို ဖြေရှင်းခဲ့ရသော်လည်း ရင်ထဲတွင် မကောင်းလှပါ..ကျေနပ်အားရမှု မရှိခဲ့ပါ )


ဘာကြောင့် ထေရ၀ါဒ ဗုဒ္ဓဘာသာစေတီတွေကို ယနေ့ တွေ့ မြင်နေရသော ပုံများအတိုင်း တည်ထားခဲ့ပါသလဲ

ထေရ၀ါဒ ဗုဒ္ဓဘာသာစေတီတစ်ခု ၏ အောက်ပါ အစိတ်အပိုင်းများနှင့် အမည်များက မည်သို့ သော အချက်များကို ရည်ညွှန်းနေကြသနည်း..

၁။ ပန်းတင်ခုံ
၂။ပစ္စယာ ၃ ဆင့်
၃။ခေါင်းလောင်းမှောက် ( သို့  ) သပိတ်မှောက်
၎။ဘီလူးပန်းဆွဲ
၅။ခါးစည်း ခေါ် ရင်စည်း ၃ ချောင်း
၆။ဖောင်းရစ် (၇)ရစ်
၇။ ကြာမှောက်
၈။ ရွှဲလုံး
၉။ ကြာလှန်
၁၀။ ငှက်ပျောဖူး
၁၁။ထီးတော်
၁၂။ငှက်မြားနှား
၁၃။ထီးတော်
၁၄။ စိန်ဖူးတော်

ယင်းတို့ အပြင် စေတီအနီးရှိ ဟင်္သာနားနေဟန် တံခွန်တိုင်ကို ဘာကြောင့် တည်ဆောက်ထားကြသလဲ....

၁. ပန်းတင်ခုံကို အကျယ်ဆုံးနဲ့ အောက်ဆုံးမှာထားတာဟာ လူ့စိတ်တွေထဲမှာ လောကုတ္တရာနည်းနဲ့ ပိုင်းခြားရင် အဆင့်အနိမ့်ဆုံးလူမှာ လိုချင်မှုတွေ အများဆုံးဖြစ်လို့ အောက်ဆုံးက ပန်းတင်ခုံကို အကျယ်ဆုံး ထားပေးပြီး ဥပမာပေးခြင်း၊ ဘုရားကို ပန်းကပ်လှူလိုသူတွေ ပန်းတင်လို့ရအောင် အမြင့်ခုံပုံ ဆောက်လုပ်ပေးထားခြင်းကြောင့် ပန်းတင်ခုံဟု အမည်ပေးခြင်း

၂. ပစ္စယာ ကို ၃ဆင့် ထားရခြင်းမှာ တဏှာ ၃ပါးခေါ် လိုချင်မှုအုပ်စု ၃စုကို ရည်ညွှန်းကြောင်း၊
ယင်းတို့မှာ
ဘ၀မရှိမှုကို လိုချင်ခြင်း
 (နိဗ္ဗာန်ကို လိုချင်မှုဖြင့် မရနိုင်၊ အရာအားလုံး သူ့သဘောနဲ့ သူ ဖြစ်ပျက်မှုကို သိပြီး အစွဲကျွတ်ခြင်းဖြင့်သာ နိဗ္ဗာန်ကို ရနိုင်ပါသည်။ ထို့ကြောင့် အကျင့်တရားမရှိဘဲ နိဗ္ဗာန်ကို လိုချင်ခြင်းသည် ဒိဌိ တမျိုးသာဖြစ်သည်။)၊
ဘ၀ကိုလိုချင်ခြင်း၊
ကာမဂုဏ်တရားများ (ရုပ်အဆင်း၊ အသံ၊ အနံ့၊ အရသာ၊ အတွေ့အထိ) တို့ကို လိုချင်ခြင်း ဟူသော လောကုတ္တရာနယ်ရဲ့ အောက်ခြေက တဏှာသုံးပါးကို သတိပေးရန် ပစ္စယာ ကို ၃ဆင့် ထားရခြင်း

၃. ခေါင်းလောင်းမှောက်ခေါ် သပိတ်မှောက်ရဲ့ အဓိပ္ပာယ်မှာ အထက်ပါ သံသရာလည်စေကြောင်း အချက်များကို မပြုလုပ်၊ လက်မခံ ဟူသော အဓိပ္ပာယ်ဖြင့် သပိတ်မှောက်သည်၊ ခေါင်းလောင်းမှောက်သည်ဟု လမ်းညွှန်ခြင်း

၎. သံသရာကို ဘီလူးလိုကြောက်ပြီး အထက်နိဗ္ဗာန် ပန်းကို လှမ်းဆွဲစေချင်သည်ဟူသော သတိပေးချက်ကို ဘီလူးပန်းဆွဲ ဖြင့် ဥပမာပေးခြင်း၊
ပုံပန်းသဏ္ဍာန် ၅ခုမြောက်တွင် ဘီလူးပန်းဆွဲကို ထားခြင်းမှာ
ဥာဏ်စဉ် ၁၆ပါးရှိသည့်အနက် ၅ဆင့်မြောက် ဘယဥာဏ်ကို ညွှန်းဆိုလိုသောကြောင့် သည်နေရာတွင် ဘီလူးပန်းဆွဲ ကို ထားခြင်း၊
(အထက် မြန်မာပြည်တွင် ဘီလူးကို ပါအောင်ထည့်ပြီး အောက်မြန်မာပြည် တွင်မူ ဘီလူး ထားခြင်း အဓိပ္ပာယ်ကို တလွဲတွေးသဖြင့် လည်းကောင်း၊ ဘီလူးကို အပါယ်လေးဘုံသားဟု သတ်မှတ်ကာ ဘုရားတွင် မထားချင်သဖြင့် လည်းကောင်း ဘီလူးမပါဘဲ ပန်းဆွဲကိုချည့်သာ ထည့်လေ့ရှိသည်ကို သီးခြား မှတ်သား နိုင်ပါသည်။ )
သည်နေရာတွင် ပန်းဆွဲ ၁၆ခု ရှိနေသည်မှာ ရိပ်သာများတွင် ယောဂီများကို တရားစစ်ရာတွင် အဆင့်သတ်မှတ်သော သောတာပတ္တိ မဂ်ဥာဏ်ဖိုလ်ဥာဏ် မရခင် အခြေခံ ဥာဏ်စဉ် ၁၆ပါးကို ညွှန်းခြင်း

၅. ခါးစည်း ခေါ် ရင်စည်း ၃ချောင်း ထားရခြင်းမှာ
မိမိရဲ့ စိတ်နဲ့လုပ်ရပ်ကို သီလ၊ သမာဓိ၊ ပညာ ဟူသော ထိမ်းကွပ်မှု ၃မျိုးနှင့် ထိန်းကွပ်ရန် သတိပေးလိုခြင်း

၆. ဖောင်းရစ် (၇)ရစ်မှာ ၀ိသုဒ္ဓိ (၇)ပါးကို ရည်ညွှန်းခြင်း

၇. စေတီတော်ရဲ့ ၁၄ဆင့်မြောက်မှာ ကြာမှောက်ကို ထားခြင်းသည် တရားအားထုတ်နေသော ယောဂီဖြစ်လျက် သောတာပတ္တိ မဂ်ဥာဏ်ဖိုလ်ဥာဏ် ရခါနီး ဥာဏ်စဉ် ၁၄ဆင့်မြောက် ရောက်နေစေဦးတော့ သံသရာအတွက် စိတ်မချရသေးဘဲ ထိုအချိန်တွင် မကောင်းမှုအကုသိုလ်များကို မှောက်မှားစွာ လုပ်မိနိုင်သေးကြောင်း၊ ထိုသို့လုပ်မိပါက အောက်သံသရာ အပါယ်လေးဘုံသို့ မှောက်မှောက်မှားမှား ပြန်လည်ကျရောက်နိုင်သေးကြောင်း သတိပေးလိုခြင်း

၈. ကြာမှောက်နှင့် ကြာလှန်ကြားရှိ ရွဲလုံးများသည်ကား ဒဿန နယ်ကို ပြဆိုပြီး ဥာဏ်စဉ် အမှတ် ၁၅နှင့် ၁၆သည် အခြားမရှိ ချက်ချင်းဖြစ်ပေါ်လေ့ရှိပြီး လောကီသားဘ၀၊ လောကီနယ်မှ လောကုတ္တရာသားဘ၀၊ လောကုတ္တရာနယ်သို့ ကူးပြောင်းခြင်းကို ပြဆိုခြင်း

၉. ကြာလှန်သည် ထို ဥာဏ်စဉ် ၁၆ပါးလုံးကို ရရှိပြီးပါက သောတာပန် ဖြစ်ပြီ ဖြစ်ပြီး အောက်သံသရာကို ပြန်စရာမရှိတော့ဘဲ အထက် မဂ်ဖိုလ်များကို ရရှိကာ အလွန်ဆုံးခုနှစ်ဘ၀သာ သံသရာမှာ ကျင်လည်ရပြီး အထက် နိဗ္ဗာန်ကိုသာ ၀င်စံရသောကြောင့် အထက်သို့လှန်တက်နေသော ကြာလှန်ကို ပုံဥပမာ ပေးထားခြင်း

၁၀. သင်္ကေတ၀ါဒ အရ ကြာပန်းကို ထားရခြင်းမှာ ရေမှာ နွံမှာ ပေါက်ဖွားသော ကြာပင်ဖြစ်လျက် ရေမစို၊ နွံမလူး၊ မွှေးကြိုင် သင်းပျံ့ခြင်း ရှိသော ကြာပန်းကဲ့သို့ လောကီနယ်မှ လူသားအဖြစ်မှ လောကုတ္တရာ နယ်သား ဘုရားဖြစ်အောင် ကျင့်ကြံ အောင်မြင်ရာတွင် ဘုရားနှင့်ကြာပန်း တို့တွင် အဓိပ္ပာယ် ဆင်တူသော ဂုဏ်ရည်ချင်းကို ဥပမာ ခိုင်းနှိုင်း လိုသောကြောင့် ကြာပန်းကို သုံးခြင်းဖြစ်ကြောင်း၊ ဂေါတမ မြတ်စွာဘုရား ဗျာဒိတ် ခံစဉ်တွင်လည်း ကြာပန်းကိုသာ ကပ်လှူခြင်း၊ ဖွားစဉ်ကလည်း ကြာပွင့်များ အလိုလိုပေါ်လာကာ ခြေချရာတိုင်း ခံလာရခြင်း တို့ကြောင့် ကြာပန်းသည် ဗုဒ္ဓ၏ သင်္ကေတ ဖြစ်ခြင်း၊

ငှက်ပျောဖူး ဆိုတာ ငှက်ပျော တစ်ပင်ရဲ့ နိဂုံး သင်္ကေတ ပါပဲ။ ပေတစ်သီး ကျီးတစ်သား ငှက်ပျော တစ်ပင် တဲ့။ ငှက်ပျော တစ်ပင်ဟာ ငှက်ပျောဖူး ထွက်လာပြီး ငှက်ပျော တခိုင် သီးပြီးတာနဲ့ သူ့ဘ၀ ပြီးဆုံး ရသလို ကြာလှန် အဆင့်ဖြစ်တဲ့ (သံသရာမှာ အောက်သံသရာကို လည်စရာ မလိုတော့တဲ့ နိဗ္ဗာန် ရောက် ဖို့ သေချာ နေတဲ့) သောတာပန် အဆင့်ကို ရောက်ပြီ ဆိုရင် သံသရာမှာ ဆက် ရှင်သန် ကျင် လည် စရာ မလိုတော့တဲ့ အတွက် သံသရာ ပြီးဆုံးတဲ့ အတွက် ငှက်ပျောဖူးနဲ့ တင်စား တာပါတဲ့။ ငှက်ပျောဖူး ပြီးရင်တော့ အထက် မှာ ထီးတော်ပဲ ရှိတော့တာမို့ ထီးတော်နဲ့ ကျန်တဲ့ အစိတ်အပိုင်းတွေ အကြောင်းကို အောက်မှ ဆက်လက်ဖတ်ရှုနိုင်ပါတယ်။ ပေဖူး ပုံ မသုံးဘဲ ငှက်ပျောဖူး ပုံ သုံးရခြင်း အကြောင်းက မျက်စိ အမြင်ထဲ မှာ ပုံပန်း သဏ္ဍာန် အရ ကြည်ညို သပ္ပါယ ဖြစ်မယ့်ပုံကို ရွှေးချယ်ခြင်းဖြစ်မယ်လို့ ထင်မြင်မိပါတယ်။ တစ်ခြားအကြောင်းကြောင့်ဆိုရင် သိတဲ့သူများ ဖြည့်စွက်ပေးကြစေလိုပါတယ်။ သိရှိရသလောက် ငှက်ပျောဖူးဟာ အထက်ကိုပဲ တသမတ်တည်း ရှူးပြီး ထီးတော် ခုနှစ်ဆင့် အဖြစ် တက်သွား သလို သောတာပတ္တိ မဂ်ဥာဏ် ရပြီး သား သူဟာလဲ အထက်မဂ် ဖိုလ် ၇ဆင့် ဆီကို တသမတ်တည်း အစဉ်လိုက် ရရှိ ရောက်ရှိ သွားတဲ့ သဘောကို ဖော်ကျူးတဲ့ အနေနဲ့ ငှက်ပျောဖူးကို ကြာလှန်နဲ့ ထီးတော် ၇ဆင့်ကြား အချိတ်အဆက် မိမိ တည်ထား ဆောက်လုပ် ထားတယ်လို့ ဆိုပါတယ်။ ဒီအကြောင်းကို ရွှေတိဂုံ ဘုရား သမိုင်း စာအုပ်ငယ်မှာ ဖတ်ရှုနိုင်ပါတယ် )

၁၁. ထီးတော် (၇) ဆင့်သည် အထက်ဖိုလ် ခုနှစ်ပါးကို ပြဆိုခြင်း

၁၂. ငှက်မြတ်နား ဆိုသည်မှာ ဘုရား၊ ရဟန္တာတို့ လက်ရှိဘ၀မှ နိဗ္ဗာန်သို့ မ၀င်စံမီ (သို့မဟုတ်) ပရိနိဗ္ဗာန် မပြုမီ ခေတ္တခဏ နားနေရာအချိန်အခိုက်အတန့်ကို ပြဆိုလိုခြင်းဖြစ်ကြောင်း၊ ထို့ပြင် ရွှေတိဂုံဘုရား၏ ထို ဟင်္သာအမြီးပုံ ငှက်မြတ်နားတွင် ပတ္တမြားကို ထုလုပ်ထားသော ဘုရားရုပ်ပွားတော် လေးကို မြုပ်နှံဌာပနာ ထားခြင်းသည် အဓိကသက်သေဖြစ်ကြောင်း၊ ငှက်မြတ်နား ဟုခေါ်ဆိုလေ့ရှိသော်လည်း တကယ်တော့ အများသူငါ တွေးထင်သလို ငှက်မြီးပုံကို ငှက်မြတ်များကို ကိုယ်စားပြုသည်မဟုတ်ဘဲ နက္ခတ်ဗေဒင် ပညာ တွင် မြန်မာနိုင်ငံကို ကိုယ်စားပြုသော ဟင်္သာပုံ နက္ခတ်ကို ယူကာ သည်စေတီကို တည်ထားကိုးကွယ်သော မြန်မာနိုင်ငံသားများ၏ အစွမ်းအစကို သမိုင်းမှတ်တမ်းတင်ရန်လည်းကောင်း၊ ထိုမြန်မာနိုင်ငံသားများရဲ့ ကုသိုလ် အကျိုး အထွဋ်အထိပ် သို့ ရောက်ပါစေခြင်း အကျိုးငှာလည်းကောင်း ဟင်္သာအမြီးသဏ္ဍာန် တည်ထားခြင်း၊

၁၃. စိန်ဖူးတော် သည် အသင်္ခတဓာတ် နိဗ္ဗာန်မြတ်ကို ရည်ညွှန်းခြင်း။ အခြားဓာတ်များကို ကံ၊ စိတ်၊ ဥတု၊ အာဟာရ တို့ဖြင့် ပြင်လို့ရနိုင်သေးသဖြင့် သင်္ခတဓာတ်ဟုခေါ်ပြီး နိဗ္ဗာန်သည်ကား မည်သို့မျှ ပြန်လည် ပြုပြင် ပြောင်းလဲမှုမရှိတော့သော ဓာတ်ဖြစ်သဖြင့် အသင်္ခတဓာတ်ဖြစ်ကြောင်းကို ရည်ညွှန်းခြင်း

(က) ကာဗွန်ဒြပ်စင် သည် မီးသွေး၊ ကျောက်မီးသွေး၊ ဂျာမနီယမ်နှင့် စိန်ဆိုပြီး လေးဆင့်ရှိရာတွင် စိန်အဆင့်တွင် ကာဗွန်ဒြပ်စင်သည် အသန့်စင်ဆုံးအဆင့်ရောက်နေပြီဖြစ်သလို သောတာပန်၊ သကဒါဂမ်၊ အနာဂမ်နှင့် အရဟတ္တ မဂ်ဖိုလ်ရပြီးသူ ဘုရား၊ ရဟန္တာ တို့တွင် ထိပ်ဆုံးအဆင့် ဘုရားသည် ကိလေသာ လုံးဝစင်ကြယ်ဆုံး အဆင့်ရောက်နေသည်ကို ပြဆိုခြင်း၊

(ခ) အမာဆုံး၊ အသန့်စင်ဆုံးနှင့် ဓာတ်ပြိုကွဲမှု လုံးဝမရှိတော့ခြင်း ဟူသော ဂုဏ်ရည်တူချင်း ခိုင်းနှိုင်းဥပမာပေးထားခြင်း
သည်နေရာတွင် ငှက်မြတ်နားအဆင့်တွင် အခက်အလက်များမှာ ငှက်မြီးသဖွယ် ဖြာထွက်နေသော်လည်း စိန်ဖူးတော်ကို ဘာကြောင့် တလုံးတည်း ထားသနည်းဟူသော မေးခွန်းရှိလာပါသည်။ ရဟန္တာ ကိုယ်တော် ကြီး များသည်ကား အချင်းချင်းတွင် ဘုန်းချင်း၊ တန်ခိုးချင်း၊ ပညာချင်း၊ လာဘ်လာဘချင်း မတူညီဘဲ သံသရာတွင် သူတို့အသီးသီး ပြုခဲ့ကြသော အကျိုးပေး အားလျော်စွာ ကွဲပြားခြားနား ကြသော်လည်း နိဗ္ဗာန်သို့ ၀င်စံတော်မူကြသည့် အခါတွင်ကား တူညီသော တခုတည်းသော အသင်္ခတဓာတ်သို့သာ သက်ရောက်ကြသဖြင့် စိန်ဖူးတော်ကို တစ်ဆူတည်း ထားခြင်းဖြစ်လေသည်။

၁၄. အထက်ပါအချက်များနဲ့ ပြည့်စုံပါက ထေရ၀ါဒ ဗုဒ္ဓဘာသာရဲ့ နည်းစနစ်ဖြင့် မဟာ သတိပဌာန သုတ္တန် ရဲ့ စံချိန်စံညွှန်းများနဲ့ ဆောက်လုပ် တည်ထား ကိုးကွယ်သော စေတီဖြစ်ပြီး စေတီ တည်ရခြင်း အကြောင်း အနှစ်တရား များကို သိရှိပြီး ကြည်ညို ပူဇော်ပါက အဖိုးမဖြတ် နိုင်သော အကျိုးကျေးဇူးတရားများ ခံစားကြ ရမည် ဖြစ်လေသည်။သို့သော် အထက်ပါ အချက်များနဲ့ မပြည့်စုံသော စေတီဖြစ်ပါက ဓာတ်ရိုက် ဓာတ် ဆင်၊ ယတြာ၊ အထက်လမ်း၊ အစီအရင်များနဲ့ တည်ထားသော စေတီ မျှသာ ဖြစ်ကြောင်း သိရှိ နိုင်ပါသည်။ ထိုစေတီ များကို ဖူးမြော်ပါက စီရင်သူရဲ့ ရည်ရွယ်ချက်နှင့် ဖူးမြော်သူရဲ့ စိတ်စေတနာ အလိုက်သာ အကျိုး ပေးမည်ဟု မှတ်ယူ နိုင်မည် ထင်ပါသည်။

ထို့ပြင် ဘုရားများတွင် တွေ့ရလေ့ရှိသော တိုင်ထိပ်တွင် ဟင်္သာနားနေဟန် တံခွန်တိုင်အကြောင်းကိုလည်း ရှာရှာဖွေဖွေ သိလိုက်ရသည်။ မာနတံခွန်တက်နေသူများ ဘုရားထံမှောက် ရောက်လိုလျှင် မာနကို အရင်ချ ခဲ့ရန် သတိပေးခြင်းဖြစ်ပြီး ရှေးခေတ်က ဘုရားသို့ လာသူများသည် တံခွန်တိုင်ကို မြင်သည့်အရပ်မှ စတင် ကာ မာနချသည့်အနေဖြင့်ရော အရိုအသေ ပေးသည့် အနေဖြင့်ပါ ဖိနပ်ချွတ်ခဲ့လေ့ရှိကြောင်း၊ မာနခံနေပါက တရားမရနိုင်ကြောင်း၊ မာနစွဲကြီးသူသည် သက္ကာယဒိဌိခေါ် ငါစွဲကြီးသော သူများ ဖြစ်သောကြောင့် ငါစွဲ ပေါ်တွင်သာ မာနတက်လို့ ရသောကြောင့် မာနကြီးသူသည် တရားရဖို့ ခဲယဉ်းကြောင်း၊ ယင်းမာနကို ဘုရားပေါ်မရောက်ခင် အဝေးကတည်းက သတိပေးသည့် အနေဖြင့် တံခွန်တိုင်ကို မြင့်မြင့် တည်ထားခြင်း ဖြစ်ကြောင်း သိရလေသည်။

သည်လောက်တောင် စေတီရဲ့ အစိတ်အပိုင်း တစ်ခုချင်းစီ အတွက်ရော အားလုံးခြုံငုံပြီးပါ အနှစ်ပါပါ အဓိပ္ပာယ်ရှိရှိ ပုံသဏ္ဍာန်များကို ရွေးချယ်စီစဉ်နိုင်သော ရှေးမြန်မာကြီးများရဲ့ သင်္ကေတ ၀ါဒကို အံ့သြချီးကျူးလို့ မဆုံးနိုင်တော့ပါချေ။ ထို အဟောင်းများရဲ့ အနှစ်များကို မသိပါဘဲ လျက်ဖြစ်စေ၊ သိလျက်နဲ့ ဖြစ်စေ ငါက အသစ်ထွင်တယ် ဆိုသော စကားကို လက်ကိုင်ပြုပြီး အဟောင်းကို ဖျက်ဆီးကာ အသစ်ထွင်ခြင်း၊ အဟောင်းနဲ့ အသစ်ကို ရောခြင်းများကို ပညာမဲ့ပီပီ ပြုလုပ်နေကြသူ တချို့ကို တွေ့တိုင်း စိတ်မကောင်း ဖြစ်ရပါသည်။ သူတို့စိတ်ထဲတွင်တော့ သမိုင်းတွင် ငါ့ထက်တော်သူမရှိစေရ၊ ငါက သမိုင်းကို ဖျောက်ချင်သလို၊ ပြင်ချင်သလို ပြင်နိုင်သည်ဟု တလွဲမာနရှိဟန်တူလေသည်။ ပညာရှင်တို့ စိတ်ထဲတွင်တော့ အ၀ီစိကျမည့် သမိုင်းတရားခံများ ဟု သာ သတ်မှတ်ကာ သနားလေမည်။ အဟောင်းရဲ့ အနှစ်သာရ ကို အရင်လေ့လာပြီး အဟောင်းရဲ့ အနှစ်သာရ ထက်သာသော အသစ်ကို ထွင်နိုင်ပါမှ တိုးတက်ခြင်း အစစ် အဖြစ်ကြီး ဖြစ်ပေမည်။ သို့မဟုတ်ပဲ အသစ်ဖြစ် ပြီးရော လျှောက်လုပ်လျှင်ကား အသုံးမကျ လှသော အစုတ်ပလုတ်များနှင့် သည်လို လျှောက်လုပ်ရင် အစုတ်ပလုတ်တွေ ဖြစ်ကုန်တတ်တယ် ဟု ဥပမာ ပြစရာများသာ ကျန်ခဲ့မည် ကိုလည်း သတိတရား ရလိုက်ပါသည်။

ဤနေရာတွင် ယနေ့ ခေတ် ရွှေတိဂုံစေတီတော်ကြီး အပါအ၀င် မြန်မာပြည်အရပ်ရပ်ရှိ ထေရ၀ါဒစေတီတော်များတွင် အခြားသော အယူဝါဒများ၏ မိရိုးဖလာကိုးကွယ်ယုံကြည်မှုများဖြင့် စနစ်တကျ အပင်းသပ်ခံထားရသော အချက်အလက်များကို တင်ပြလိုပါသည်။ ယခု ပိုစ့်တွင် အသေးစိပ်တင်ပြလိုသော်လည်း. သီးခြား ခေါင်းစဉ်ခွဲ၍ တင်ပြလိုပါသည်။ မိမိထက် ပို၍ နားလည်တတ်ကျွမ်းသောသူများမှလည်း ပိုစ့်များ ရေးသားစေလိုပါသည် ။ ယင်းမှာ စေတီတော် အရပ် ( ၈) မျက်နှာရှိ ဂြိုလ်ခွင်များ ၊ ဘိုးတော်ရုပ်များ ၊ နတ်ကွန်းများ နှင့် အခြားသော ထေရ၀ါဒဗုဒ္ဓဘာသာ စေတီများ နှင့် အနည်းငယ်မျှ သက်ဆိုင်ခြင်းမရှိသော ကိုးကွယ်ယုံကြည်မှုများမှာ ထေရ၀ါဒစေတီများပေါ်တွင် တရားဝင် ဗီဇာ ဖြင့် မတော်တရော်
နေရာယူထားမှုများဖြစ်ပါသည်။

ဆက်ဖတ်ရန်

သူရဿတီမယ်တော် ဆိုတာဘယ်သူလဲ

သူရဿတီမယ်တော် ဆိုတာဘယ်သူလဲ

သူရဿတီမယ်တော် ဆိုတာ တကယ်ရှိသလား မရှိဘူးလား ဆိုတာတော့ တိတိကျကျ မသိပါဘူး
သိရသလောက်တော့ သူရဿတီ ဆိုတာ အိန္ဒိယက ဟိန္ဒူ ယဉ်ကျေးမူ့ ဗုဒ္ဓဘာသာ နဲ့ ရောပါလာတာကို
တချို့ မြန်မာတွေက ဗုဒ္ဓဘာသာ ယဉ်ကျေးမူ့ ထင်မှတ်ပြီး ကိုးကွယ်နေကြတယ်လို့ ထင်ပါတယ်
ဟိန္ဒူဗြဟ္မဏဘာသာ မှာ နတ်ဘုရားသုံးဆူ ရှိပါတယ်။
မဟာဗြဟ္မာ၊ ဗိဿနိုး၊ သိဝ လို့ ခေါ်ကြပါတယ်၊ မဟာဗြဟ္မာ က ကမ္ဘာလောက နဲ့ သတ္တ၀ါတွေကို
ဖန်ဆင်းတယ်လို့ ဆိုပါတယ်။
ဗိဿနိုးက လောကကို ထိန်းသိမ်းစောင့် ရှောက်ပါတယ်
သိဝ က ဖျက်ဆီးပါတယ်။
ဖန်ဆင်းရှင် မဟာဗြဟ္မာ ရဲ့ ကြင်ရာတော်က ဆရဆွတီ၊ ပါဠိဘာသာ နဲ့တော့ သရဿတီ
အများခေါ်ကြတာက သူရဿတီ၊
ဗိဿနိုး ရဲ့ ကြင်ယာတော်က လက္ချမီ၊
သိဝ ရဲ့ ကြင်ယာတော်က ပဗ္ဗတီ  အဲဒီလို အသီးသီး ရှိကြပါတယ်။

မဟာဗြဟ္မာ ရဲ့ စီးတော်ယာဉ်က ဟံဆ၊ ပါဠိ လို ဟံသ မြန်မာလိုတော့ ဟသာင်္
သူရဿတီ မှာတော့ စိးတော်ယာဉ် ရှိတယ်လို့ မတွေ့မိပါဘူး
သို့သော်လည်း မဟာဗြဟ္မာ မှာ  စီးတော်ယာဉ်ရှိနေရင် သူ့ရဲ့ ကြင်ယာတော် သူရဿတီမှာ
ယာဉ်သီခြားရှိဖို့ မလိုတော့ပါဘူး။ ဒါဟာ လောက သဘာဝ ပါပဲ


ဟံသ ဆိုတဲ့ စကားကို အိန္ဒိယ က swan လို့ အင်္ဂလိပ် လို ဘာသာပြန်ကြပါတယ်
swan ကို မြန်မာက ငန်း၊ ငန်းဘဲ လို့ မြန်မာမူ ပြုကြပါတယ်။
ဒီတော့ ပင်ရင်းကျတဲ့ အိန္ဒိယ သားတို့ မယူအဆကို လက်ခံရမယ်ထင်ပါတယ် ပြီးတော့ အိန္ဒိယ က
မဟာဗြဟ္မာ ရုပ်ပုံတွေမှာလဲ စိးတော်ယာဉ်ကို ငန်းဘဲ ရုပ်နဲ့ ပဲ ပြထားပါတယ်။

နောက်သမိုင်းတခု က ဆိုထားပါသေးတယ်
မှန်တယ် မမှန်ဘူး ဆိုတာတော့ သေချာမသိပါဘူး သူရဿတီ ဟာ လင်ကောင်မပေါ်ဘဲ မွေးလာတဲ့
ကောင်မလေးပါ သူ့ကို အမျိုးယုတ်တယ် ဆိုပြီး မြစ်ထဲမှာ သစ်ဖောင်ကလေးပေါ်တင်ပြီး
ငန်းဘဲ တစ်ကောင်နဲ့ အတူ မျှောလိုက်ပါတယ်၊ မြစ်ထဲမှာ မျှောချင်ရာ မျှောနေပြီး တနေ့မှာ
ပုဏ္ဏားတွေ နေတဲ့ ရွာတရွာမှာ သောင်တင်ခဲ့ပါတယ်၊ ထိုနှစ်မှာပဲ အဲဒီရွာလေးမှာ သီနှံ စပါး များ ခါတိုင်း
နှစ်များနှင့် မတူဘဲ အထွက်တိုးပြီး စီးပွါးဖြစ်ခဲ့တဲ့ အချိန်နဲ့ တိုက်ဆိုင်ခဲ့ပါတယ်
အသိညဏ် မဖွံ့ဖြိုးသေးတဲ့ ရွာသားတွေဟာ ဒီကောင်မလေး ရောက်လာလို့ ငါတို့ရွာမှာ
ဆန်ရေစပါး ရတာ သူဟာတန်ခိုးရှင်ပဲ လို့ သတ်မှတ်ပြီး ကိုးကွယ်ကြပါတယ်
နောင်ကြာလာတဲ့ အခါမှာ ပုဏ္ဏားတွေက  သူ့ကို ဗေဒင် ဝေဒ သုံးပုံကို စောင့် ရှောက်တဲ့ သူလို့
လုပ်ကြံဖန်တီးပြီး ကိုးကွယ်မူပြုကြပြန်ပါတယ်
လိုရင်းကတော့ အခုပြောခဲ့တဲ သူရဿတီ ဟာ ဗုဒ္ဓဘာသာနဲ့ လုံးဝ မသက်ဆိုင်ဘူးဆိုတာ
စာပေလေ့လာလိုက်စားတဲ့ သူတိုင်းသိကြပါတယ်။


မြန်မာပြည်ထဲမှာ

              ထို ဆိုခဲ့တဲ့ သူရဿတီ ဟာ မြန်မာပြည်ထဲကို ဘယ်လိုရောက်လာတယ် မသိပါဘူး
မြန်မာပြည်မှာတော့ ဟင်္သာစီးလျက် တွေ့ရပါတယ်
ရင်နာစရာ ကောင်းတာက သူရဿတီ ဟာ ပိဋကတ် သုံးပုံကို စောင့်ရှောက်တယ် လို့ ပြောဆိုကြတာပါ
သူက ဘာကောင်မ မို့  ပိဋကတ် သုံးပုံကို စောင့်ရှောက်နိုင်ရမှာလဲ
စောင့်ပဲ စောင့်ရင် ချီးပုံ စောင့်တာပဲ ဖြစ်မှာပါ၊ ဒါကို သိရဲ့သားနဲ့ သာသနာ နဲ့ ပတ်သက်တဲ့ သက်ဆိုင်ရာ
ပုဂ္ဂိုလ်တွေက မရှင်းလင်းကြတာ တော့စိတ်ပျက်စရာပါ တချို့ ဗုဒ္ဓဘာသာ စာအုပ်တွေထဲမှာ သူရဿတီ
ဂါထာ ဆိုပြီး ထိုဂါထာကို ရွတ်ရင် စာမေးပွဲအောင်မယ် အန္တရာယ်ကင်းမယ် စတဲ့ မဟုတ်မမှန်တာတွေပြောထားပြီး အမွန်းတင်ထားတာတွေလဲ အများကြီးပါ ဒါတွေကို ရှင်းလင်းဖို့တော့ လိုနေပါပြီ
နာမည်အကြီးဆုံး ဘုရားတဆူ ဖြစ်တဲ့ ဗိုလ်တစ်ထောင် ဘုရားမှာ သူရဿတီ ကို ထည်ထည်ဝါ၀ါ ကို လုပ်ပေး
ထားတာက စိတ်မကောင်းစရာပါပဲ ဒါကို မသိဘဲ မြန်မာတွေ က သူ့ကို ပိဋကတ် သုံးပုံစောင့်ရှောက်တဲ့ သူဆို
ပြီး မှားယွင်းစွာနဲ့ ကိုးကွယ်မူ ပြုကြပါတယ်
ဒါကို လုံးဝ မကိုးကွယ်ထိုက်ပါဘူး
ဟိန္ဒူအယူဝါဒ ကို ကိုးကွယ်တဲ့ သူလား ဗုဒ္ဓဘာသာစစ်စစ် ကို ကိုးကွယ်တဲ့သူလားဆိုတာတော့
မြန်မာတွေ မိမိကိုယ်ကို ဆန်းစစ်တတ်ဖို့ လိုပါတယ်

ဆက်ဖတ်ရန်

ဗုဒ္ဓဥာဏ်တော်ကို ဝေဖန်သော ဘာသာခြား

ဘာသာခြားတစ်ယောက်က ဆရာတော်တစ်ပါးအား မေးလာသောမေးခွန်းတစ်ခုမှာ

ဗုဒ္ဓဘာသာတိုင်း ကြိုသိထားသင့်သဖြင့် သတိရတုန်း ဖော်ပြလိုက်ပါတယ် ။

ဒကာ ။ ။ ဆရာတော် ၊ ဆရာတော်တို့ဗုဒ္ဓဘုရားက သဗ္ဗညုတ သိစရာမှန်သမျှ အကုန်

သိတယ် လို့လည်း ပြောကြတယ် ။ တစ်ခါ အခုလို သာသနာနှစ် ကြာလာ

တဲ့အချိန်မှာ အဆိုးဆုံး ဘာသာခြားတစ်ခု ပေါ်လာလိမ့်မယ် ။အဲဒီဘာသာ

ခြားတွေက ဗုဒ္ဓဘာသာကို လူဖောက် သာသနာပြုပြီး ဖျက်ဆီးကြလိမ့်မည်

လို့ ဟောခဲ့တယ်လို့လည်း တပည့်တော် မကြားဖူးပါ ဘုရား ။ဒီတော့ အကုန်

သိတယ်ဆိုရင်လည်း ဒီအကြောင်းတွေ ဟောခဲ့ရမယ် ။ အခု မဟောခဲ့ပုံကို

ထောက်သောအားဖြင့် ဒီအကြောင်းတွေဖြစ်လာမယ်ဆိုတာ မသိလို့ဆိုတဲ့

သဘော သက်ရောက်မနေဘူးလား ဘုရား ။

ဆရာတော် ။ ဒကာ ၊ ဒကာတို့အိမ်ဝိုင်းမှာ သရက်ပင် ၊ ဘယ်နှစ်ပင်ရှိတုန်း ။

ဒကာ ။ လေးပင်ရှိပါတယ်ဘုရား ။

ဆရာတော် ။ အုန်းပင်ရော ဘယ်နှစ်ပင်ရှိတုန်း ။

ဒကာ ။ ငါးပင်ရှိပါတယ် ဘုရား ။

ဆရာတော် ။ ဒါနဲ့ မြက်ပင်တွေရော ဘယ်နှစ်ပင်ရှိတုန်း ။

ဒကာ ။ ဟာ.....မြက်ပင်တွေတော့ တပည့်တော် ဘယ်ရေတွက်ထားမလဲဘုရား။

ဆရာတော် ။ သရက်ပင် ၊ အုန်းပင် ကျတော့ ရေတွက်ထားပြီး မြက်ပင်ကျတော့ဘာလို့

ရေတွက်မထားတာလဲ ။

ဒကာ ။သရက်ပင် ၊ အုန်းပင် ကတော့ တန်ဘိုးရှိတဲ့အပင်ဆိုတော့ မှတ်ထားတာပေါ့

ဘုရား ။ မြက်ပင်တွေကတော့ ကောင်းကျိုးမပြုတဲ့ အပင်တွေဆိုတော့ ဘယ်

ရေတွက်ပြီး မှတ်ထားတော့မလဲ ဘုရား ။

ဆရာတော် ။ ဒကာ ၊ အဲဒီဥပမာအတိုင်းပဲ ၊ ဗုဒ္ဓက မသိလို့မဟုတ်ဘူး သိတယ် ။ဒါပေမယ့်

ဒကာကိုယ်တိုင် တန်ဘိုးမရှိတဲ့ မြက်ပင်တွေကို ရေတွက်ပြီးမှတ်မထားသလို

ဗုဒ္ဓကလည်း တန်ဘိုးမရှိတဲ့ မြက်အမှိုက်လောက်အဆင့်သာရှိတဲ့ ဒကာတို့

ဘာသာဝင်တွေကိုလည်း လူစာရင်းမသွင်းတဲ့ အတွက် တကူးတက ထည့်

မဟောခဲ့တာ ။

အတွေးအခေါ် အသိဥာဏ် ရှိတဲ့လူသားတွေ လက်မခံတဲ့ ဒကာတို့ဘာသာ

ဟာလည်း ကြာလေ ကမ္ဘာက ပျောက်လေ ဖြစ်သွားမှာကို ကြိုသိလို့ ဘာမှ

ပူစရာမရှိလို့ ဗုဒ္ဓက ကြိုမဟောခဲ့တာပဲ ဒကာ ။

ထို ဘာသာခြားဒကာကား ခေါင်းငိုက်စိုက်ချလျက် ဘာမှ ဆက် မပြောနိုင်တော့ပေ။

ဆက်ဖတ်ရန်

မြင့်မိုရ်တောင် တကယ်ရှိမရှိ

`မြင့်မိုရ်တောင်ကို လူတို့မျက်စိဖြင့် မြင်ကောင်းသည်မဟုတ်၊ မှန်ပြောင်းဖြင့်ပင်
မြင်နိုင်ကောင်းသော အရာမဟုတ်ပေ၊
ဂြိုလ်တု ဒုန်းပျံ၊ ကမ္ဘာပတ်ယာဉ်တို့ ကောင်းကင်အနှံ့
သွားနေသည်ဟု ဆိုသော်လည်း မြင့်မိုရ်တောင်၏ ခါးလည်လောက်မျှရောက်နိုင်ဖွယ်မရှိပေ၊
လဗိမာန်သို့ လူသားများ သွားရောက်ခြေချနိုင်ပြီဟု ဆိုခြင်းသည်
ဗုဒ္ဓစာပေ အမြင်အရ မဆန်းပေ၊
ဈာန်အဘိညာဉ်တန်ခိုးရရှိသော သူများသည် လ-နေ များကို လက်ဖြင့်ကိုင်တွယ်
သုံးသပ်နိုင်သည် ဟု ထေရ၀ါဒကျမ်းစာများကို ဆိုသည်မှာ နှစ်ပေါင်း ၂၅၀၀ ကျော်ခဲ့ပြီဖြစ်သည်။

မန္ဓာတု မင်းကြီးသည် တာဝတိံသာနတ်ပြည်၌ သိကြားမင်း ၃၂ ဆက်လဲသည့်တိုင်အောင်
နတ်စည်းစိမ်ကို ခံစားခဲ့သည်ဟု ဆို၏။
မဖြစ်နိုင်သည် မဟုတ်၊
နတ်ပြည်ခြောက်ထပ်တွင် စတုမဟာရာဇ် နှင့် တာဝတိံသာ နတ်ပြည်၂-ထပ်သည် မြေကိုမှီ၍ တည်နေသော ဘုမ္မဌကနတ်ပြည်ဖြစ်သည်။
ကြွင်းနတ်ပြည် လေးထပ်သည် ဟာလာဟင်းလင်း ကောင်းကင်ပြင်တွင် တည်နေသောအာကာသဌက နတ်ဖြစ်သည်ဟု ထေရ၀ါဒကျမ်းစာများက ဆို၏။

အကန်းကို မြင်အောင် မပြနိုင်သကဲ့သို့ ဈာန်ကို မယုံသော သူမျိုးအား ယုံအောင်မပြောနိုင်
လက်တွေ့လည်း မပြနိုင်၊ မပြနိုင်သောကြောင့် မယုံစတမ်းဆိုလျှင်
သတ္တ၀ါအသီးသီး၌ အထင်အရှားရှိကြသော
Spirit Cognizance,
Consciousness စသည်ဖြင့် ခေါ်နေကြသော
စိတ် intelligence, Insight  စသော ပညာဥာဏ်၏ အဆင့်အတန်း အရည်အချင်းများကို
ဓာတ်ပုံရိုက်၍ မပြနိုင်၊ မျက်စိ နှား လျှာ ကိုယ်တို့ဖြင့်လည်း စမ်းသပ်မတွေ့နိုင်သောကြောင့်
မယုံနိုင်ဟု ဆိုကြမည်လော၊

မြင့်မိုရ်တောင်နှင့် စပ်၍ ပါဠိကျမ်းဂမ်များ၌ အမြင့်ယူဇနာ မည်မျှ၊
မြေအောက်တွင် မြုတ်နေသော
အတိုင်းအဆ မည်မျှဟု အတိအကျဆိုသော်လည်း ပြောင်းလဲတတ်သော သဘာဝအရ ထိုအတိုင်းအတာ
များသည် ထိုအတိုင်း အမြဲတည်ရှိကြမည်မဟုတ်၊ မြင့်မိုရ်တောင်ကြီး၏ ပတ်ဝန်းကျင်တွင်
ယုဂန္ဓ စသော တောင်ကြီး -၇- လုံးနှင့် တောင်တို့၏ အကြား အကြားတွင် အလွန်အေးမြသော
သီဒန္တရ သမုဒ္ဒရာများရှိကြောင်း ဆိုသည်၊

ဤ ကိစ္စမျိုး၌ စာဆိုနှင့် လက်တွေ့သည် အခါခပ်သိမ်းကိုက်ညီသည်မဟုတ်၊
မြင့်မိုရ်တောင်သည် မြောက်ဝင်ရိုးစွန်း တည်ရာအရပ် မဖြစ်နိုင်ပါသလော။
ဒုတိယ ကမ္ဘာစစ်ကြီး ပြီးခါစက ရုရှားသိပ္ပံဆရာတို့သည် အာတိတ်ဒေသ
ရေခဲလွင်ပြင်ကြီးများ အောက်တွင် ရေခဲတောင်တန်းကြီး တစ်ခုကို တွေ့ခဲ့ရ၏။
မိုလိုတော့စ် တောင်တန်းဟု အမည်ပေးခဲ့သည် ဆို၏။
ယင်းရေခဲတောင်တန်းသည် မိုင် -၁- ထောင်ခန့်ရှည်လျား၍ အချို့တောင်ထွပ်များသည်
ပေ -၁- သောင်းကျော်မြင့်သည်၊ တောင်အမေရိကတိုက်ရှိ အင်ဒီးတောင်တန်းကြီးမျှ ရှိမည်ဟု
ခန့်မှန်းခဲ့ကြ၏။
လက်ရှိကမ္ဘာ၌ပင် ယနေ့လူသားတို့ မတွေ့သေး မသိသေးသော အချက်ပေါင်းများစွာရှိနေသည်
ယနေ့သိသမျှသည် အကုန်ပဲဟု မည့်သည့် သိပ္ပံပညာရှင်ကမျှ မပြောရဲကြသည်ကို
သတိချပ်အပ်သည်´
                                                (လူသေလူဖြစ် ၀ါဒါနုဝါဒ၀ိနိစ္ဆယ၊ ၆၈၇)

ဥပမာအားဖြင့် ဆိုရလျှင်

လူသားတို့ အသက်ရှင်သန်ဖို့အတွက် ရှူသွင်းနေရသော လေ သည်တကယ်ရှိပေ၏။
ထို လေ သည် မည်သည့်ပုံပန်းသဏ္ဍာန်ဖြစ်သည်ဆိုတာ မည်သူမျှ မပြောနိုင်ပေ
ထိုလေ ကို မမြင်ရ၍ မရှိဘူး မယုံဘူးဟု ဆိုလျှင် ထိုပုဂ္ဂိုလ်သည်
သည်းခြေပျက်နေသော အရူးအနှမ်းသာ ဖြစ်ချေမည်

ဆက်ဖတ်ရန်

ရီးယဲလ်၊ အေစီ၊ ရိုးမား၊ ချယ်လ်ဆီးတို့ အနိုင်ရပြီး အာဆင်နယ် ရှုံးပွဲ ကြုံတွေ့ ခဲ့ရသည့် အင်္ဂါနေ့ည ချန်ပီယံလိဂ် ပွဲစဉ်များ

ယမန်နေ့ ညက ယှဉ်ပြိုင် ကစားခဲ့သည့် ဥရောပ ချန်ပီယံလိဂ် အုပ်စုအဆင့် ပွဲစဉ်များတွင် အသင်းကြီးများ ဖြစ်ကြသည့် ရီးယဲလ်၊ အေစီ၊ ရိုးမား၊ ချယ်လ်ဆီးတို့ အသီးသီး နိုင်ပွဲ ရရှိခဲ့ သော်လည်း အာဆင်နယ် အသင်းမှာ ဘရာဂါ အသင်းအား ၂ဂိုး ဂိုးမရှိဖြင့် ရှုံးနိမ့်ခဲ့သည်။

အုပ်စု (E) ပွဲစဉ် ရိုးမားနှင့် ဘိုင်ယန် မြူးနစ်တို့၏ ပွဲကြီးပွဲကောင်း ပွဲစဉ်တွင် ဧည့်သည် ဘိုင်ယန် အသင်းက ဂိုးမက်ဇ်၏ ပထမပိုင်း သွင်းဂိုး ၂ဂိုးဖြင့် ဦးဆောင် နိုင်ခဲ့သော်လည်း အိမ်ရှင် အသင်းမှ ဒုတိယပိုင်းတွင် ချေပဂိုးနှင့် အနိုင်ဂိုးတို့ ပြန်လည် သွင်းယူနိုင် ခဲ့ခြင်းကြောင့် အနိုင်ရခဲ့ခြင်း ဖြစ်သည်။ ၄၉မိနစ်တွင် ဘော်ရီရယ်လိုက ပထမ ချေပဂိုး သွင်းယူ ပေးခဲ့ပြီး ၈၁မိနစ်တွင် ဒီရော့စီက ဒုတိယ ချေပဂိုး သွင်းယူ ပေးခဲ့သည်။ အနိုင်ဂိုးကိုမူ ၈၄မိနစ်တွင် ပင်နယ်တီမှ တဆင့် တော့တီက သွင်းယူ ပေးခဲ့ပြီး ဘိုင်ယန် အသင်းအား ၃ဂိုး ၂ဂိုးဖြင့် အနိုင်ရခဲ့ခြင်း ဖြစ်သည်။ အုပ်စုတွင်း အခြားပွဲစဉ် တွင်မူ ဘာဆယ် အသင်းက ကလုခ်ျ အသင်းအား ၁ဂိုး ဂိုးမရှိဖြင့် အနိုင်ရခဲ့သည်။ ထို့ကြောင့် အုပ်စုတွင်း ရပ်တည်မှုတွင် ဘိုင်ယန် အသင်းက ရမှတ် ၁၂မှတ်ဖြင့် ဆက်လက် ဦးဆောင် နေကာ ရိုးမား အသင်းမှာမူ ရမှတ် ၉မှတ်ဖြင့် နောက်ဆုံးပွဲတွင် သရေ တစ်မှတ် ရရုံဖြင့် ၁၆သင်း အဆင့်သို့ တက်ရောက် နိုင်မည် ဖြစ်သည်။

အုပ်စု (F) ချယ်လ်ဆီးနှင့် ဇီလီနာတို့ ပွဲတွင်မူ ချယ်လ်ဆီး အသင်းက ၂ဂိုး ၁ဂိုးဖြင့် အနိုင်ရရှိ ခဲ့သည်။ သို့သော် ဧည့်သည် ကစားသမား ဘယ်လို၏ ၁၉မိနစ် သွင်းဂိုးကြောင့် နောက်မှ လိုက်ကစား ခဲ့ရပြီး ၅၁မိနစ်တွင် စတာရစ်ခ်ျက ချေပဂိုး သွင်းယူ ပေးခဲ့ကာ ၈၆မိနစ် အရောက်တွင် မာလူဒါက အနိုင်ဂိုး သွင်းယူ ပေးခဲ့သည်။ စပါတပ် မော်စကိုနှင့် မာဆေးလ်တို့ ပွဲတွင်မူ မာဆေးလ် အသင်းက ၃ဂိုးပြတ် အနိုင်ရရှိ ခဲ့သည်။ ထို့ကြောင့် ချယ်လ်ဆီး အသင်းမှာ ရမှတ် ၁၅မှတ်ဖြင့် ထိပ်ဆုံးတွင် ပြတ်ပြတ်သားသား ဆက်လက် ဦးဆောင် ခဲ့ကာ စပါတပ် မော်စကို အသင်းအား ဂိုးပြတ် အနိုင်ရခဲ့သည့် မာဆေးလ် အသင်းမှာ ရမှတ် ၉မှတ်ဖြင့် ရှုံးထွက် အဆင့်သို့ တက်ရောက် နိုင်ခဲ့ပြီ ဖြစ်သည်။

အုပ်စု (G) အေဂျက်စ်နှင့် ရီးယဲလ်တို့ ပွဲတွင်မူ ရီးယဲလ် အသင်းက အဝေးကွင်းတွင် ခြေစွမ်းပြကာ ၄ဂိုးပြတ် အနိုင်ရရှိခဲ့သည်။ ရီးယဲလ်အတွက် အနိုင်ဂိုး များအား ဘင်ဇီမာ၊ အာဘီလိုဝါတို့က ပထမပိုင်း ၃၆မိနစ်နှင့် ၄၄မိနစ်တို့တွင် လည်းကောင်း၊ ရော်နယ်ဒိုကို ဒုတိယပိုင်း မိနစ် ၇၀နှင့် ၈၁မိနစ်တွင် လည်းကောင်း အသီးသီး သွင်းယူ ပေးခဲ့ကြခြင်း ဖြစ်သည်။ သို့သော် ၈၇ မိနစ်နှင့် မိနစ် ၉၀တို့တွင် အလွန်ဆိုနှင့် ရားမို့စ်တို့ ၂၀ါ ၁နီဖြင့် ကိုယ်စီ ထုတ်ပယ် ခံခဲ့ရသည်။ အော်ဇေးနှင့် မီလန်တို့ ပွဲတွင် မီလန် အသင်းက အီဗရာဟင်မိုဗစ်နှင့် ရော်နယ်လ်ဒင်ဟို တို့၏ ဂိုးများဖြင့် ၂ဂိုးပြတ် အနိုင်ရရှိ ခဲ့သည်။ ထို့ကြောင့် ရီးယဲလ် အသင်းနှင့် အတူ မီလန် အသင်းမှာ ရှုံးထွက် အဆင့်သို့ တက်ရောက် နိုင်ခဲ့ပြီ ဖြစ်သည်။ ရီးယဲလ် အသင်းသည် ၅ပွဲကစား ရမှတ် ၁၃မှတ်ဖြင့် အုပ်စု ပထမ ရရှိရန် သေချာခဲ့ကာ မီလန် အသင်းမှာမူ ရမှတ် ၈မှတ်တည်းဖြင့် တတိယ နေရာမှ အေဂျက်စ်အား ၄မှတ် အသာရကာ ရှုံးထွက်အဆင့် တက်ရောက် ခဲ့ခြင်း ဖြစ်သည်။

ဘရာဂါနှင့် အာဆင်နယ်တို့ ပွဲတွင်မူ မားသီးယက်စ်၏ ၈၃မိနစ်နှင့် မိနစ် ၉၀ကျော် သွင်းဂိုး ၂ဂိုးဖြင့် အိမ်ရှင် ဘရာဂါတို့ အနိုင်ရရှိ သွားခဲ့သည်။ ထို့ကြောင့် ချန်ပီယံလိဂ်တွင် ၂ပွဲဆက် ရှုံးပွဲ ကြုံတွေ့ ခဲ့ရကာ နောက်ဆုံး ကစားခဲ့သည့် ပွဲစဉ် ၂ပွဲတွင်လည်း ၂ပွဲစလုံး ရှုံးနိမ့်ခဲ့ရသည်။ အခြား အုပ်စုတွင်း ပွဲစဉ်တွင်မူ ပါတီဇန် အသင်းအား ရှာတာဒိုးနက် အသင်းက ၃ဂိုးပြတ်ဖြင့် အဝေးကွင်းတွင် အနိုင်ရရှိ ခဲ့သည်။ ထိုရလဒ်ကြောင့် အာဆင်နယ် အသင်းသည် ရှုံးထွက် အဆင့်သို့ တက်ရောက်ရန် နောက်ဆုံး ပွဲစဉ်အဖြစ် အုပ်စု အောက်ဆုံးမှ ပါတီဇန် အသင်းအား အန်းမရိတ်စ်တွင် အနိုင်ကစား ရတော့မည် ဖြစ်သည်။

ဆက်ဖတ်ရန်

အမေရိကန် ဂီတ ထူးချွန်ဆုပေးပွဲ မှ ဆုများကို ဂျပ်စတင် ဘီဘာ မောင်ပိုင်စီးထား

အသက် ၁၆ နှစ်သာ ရှိသေးသော ကနေဒီယံ ဆယ်ကျော်သက် အဆိုတော် ဂျပ်စတင်ဘီဘာသည် နိုဝင်ဘာ ၂၁ ရက်နေ့က အယ်အေ နိုကီယာ ဇတ်ရုံ တွင် ကျင်းပသော အမေရိကန် ဂီတထူးချွန်ဆု ပေးပွဲတွင် ဆု (၄) ဆု ကို ရယူပြီး ပရိသတ်များ တစ်ခဲနက်အားပေးမှုကို ရရှိခဲ့သည်ဟု သိရသည်။

“ကျွန်တော် ဝမ်းသာပြီး အပြုံးတွေကိုတောင် မရပ်နိုင်တော့ဘူး” ဟု pop/rock male (အကောင်းဆုံး pop/rock အမျိုးသားအဆိုတော်ဆု) ၊ breakthrough artist (ထိုးဖောက်အောင်မြင်နိုင်ဆုံး အနုပညာရှင်ဆု) ၊ album of the year (ယခုနှစ်၏ အကောင်းဆုံး အယ်လ်ဘန်ဆု) နှင့် artist of the year (ယခုနှစ်၏ အကောင်းဆုံး အနုပညာရှင်ဆု) များကို ရရှိခဲ့သော ဂျပ်စတင် ဘီဘာက ဆိုပါသည်။

အမေရိကန် ဂီတထူးချွန်ဆု ပေးပွဲ၏ အသက်အငယ်ဆုံး ထူးချွန်ဆု ပေးအပ်ခံရသူ ဖြစ်လာခဲ့သော ဂျပ်စတင်ဘီဘာ သည် R&B စတား အဆိုတော် Usher ကို စင်မြင့်ပေါ်သို့ ဖိတ်ခေါ်ကာ “Usher က ကျွန်တော့်ရဲ့ ဆရာ ဖြစ်ရုံတင်မက ပါဘူး ကျွန်တော့် အခင်ဆုံး သူငယ်ချင်းနဲ့ အကိုကြီးလည်း ဖြစ်ပါတယ်” ဟု ပြောကြားခဲ့သည်။

Usher သည် သူ၏ အယ်လ်ဘန်  Raymond v. Raymond အတွက် male soul artist နှင့် male R&B artist ဟူသော ဆုနှစ်ခုကို ရရှိခဲ့ပြီး နာမည်ကျော် ဟစ်ဟော့ အဆိုတော် Eminem သည်လည်း Recovery အယ်လ်ဘန် အတွက် male rap artist နှင့် male hip-hop artist ဆုနှစ်ခုကို ရရှိခဲ့သည်။

အခြားသော ဆုရရှိသူများမှာ pop/rock female (အကောင်းဆုံး pop/rock အမျိုးသမီးအဆိုရှင်ဆု) အတွက် လေဒီဂါဂါ ၊  pop/rock group (အကောင်းဆုံး pop/rock အဖွဲ့ဆု) အတွက် Black Eyed Peas အဖွဲ့ ၊ male country artist ( ကန်းထရီး အဆိုရှင် အမျိုးသား ဆု) အတွက် Brad Paisley ၊ female country artist (ကန်းထရီး  အဆိုရှင် အမျိုးသမီး ဆု) အတွက် တေလာဆွစ် ၊  country group (ကန်းထရီး အဖွဲ့လိုက် အဆိုရှင်ဆု) အတွက် Lady Antebellum နှင့် country album of the year (ယခုနှစ်၏ ကန်းထရီး အယ်လ်ဘန် ဆု) အတွက် Carrie Underwood တို့က ရရှိကြသည်။

credit patheincity

ဆက်ဖတ်ရန်