အသက် ၃၀ ကျော် အမျိုးသမီးများ အတွက်

အသက် ၃၀ ကျော် အမျိုးသမီးများအတွက် အသားအရေ ထိန်းသိမ်းနည်း
အမျိုးသမီးတွေအနေနဲ့ အသက် ၃၀ ဆိုတဲ့ သက်လတ်ပိုင်းအရွယ်ကို ရောက်လာပြီ ဆိုရင် အသား အရေပြဿနာတွေကို စတင်ရင်ဆိုင်ရပါပြီ။ နေရောင်ခြည်ဒဏ်နဲ့ မီးခိုးငွေ့ ဒဏ်ကိုခံရရင်၊ စိတ်ဖိစီးမှုများရင်၊ မျက်နှာပြင်အသားအရေကို ငယ်စဉ် အခါကတည်းက မထိန်းသိမ်းလာရင် ခန္ဓာကိုယ်ထဲမှာရှိတဲ့ အသားအရေ function တွေ နှေးကွေးလာပြီး အရေးအကြောင်း ဖြစ်ပေါ်တာတို့၊ ရှိရင်းစွဲအသက်ထက် အိုစာတာတို့၊ မျက်နှာပြင် ညစ်နွမ်းတာတို့ကို ဖြစ်ပေါ်လာနိုင်ပါတယ်။ ဒီလိုပြဿနာတွေမဖြစ်စေဖို့ ငယ်စဉ်ကတည်းက အသားအရေကို ထိန်းသိမ်းသင့်ပါတယ်။ အသားအရေ ထိန်းသိမ်းရာမှာ နည်းစနစ်မှန်ကန်ဖို့နဲ့ သုံးရမယ့် Skin Care ပစ္စည်းအဆင့်ဆင့်ကိုလည်း သိဖို့လိုအပ်ပါတယ်။ ဒါကြောင့် အသက် ၃၀ ကျော် အမျိုးသမီးများအတွက် အသားအရေထိန်းသိမ်းနည်းအဆင့်ဆင့်ကို Kose` Skin Care ပစ္စည်းတွေအမြဲသုံးတဲ့ မမေသူနဲ့ skin care ပြုလုပ်ပုံအဆင့်ဆင့်ကို ဖော်ပြပေးလိုက်ပါတယ်။
Sekkisei Cleansing Cream အသားအရေ ထိန်းသိမ်းရာမှာ မျက်နှာသန့်စင်မှုက အရေးကြီးပါတယ်။ Kose` မျက်နှာသစ် ဆပ်ပြာကတော့ နှစ်မျိုးရှိပါတယ်။ မျက်နှာကြေး(ဂျီး)ချွတ်တဲ့ cleansing နဲ့ မျက်နှာသစ်ဆပ်ပြာ Liquid Wash တို့ဖြစ်ပါတယ်။ မျက်နှာကြေး(ဂျီး)ချွတ်တဲ့ cleansing ကို ညဘက်မှာ သုံးရပါတယ်။ တစ်နေ့တာလုံး မျက်နှာပြင်ပေါ်မှာရှိနေတဲ့ မိတ်ကပ် အညစ်အကြေး တွေကို သန့်စင်ပေးပါတယ်။ ဒီ cleansing ကို သုံးမယ်ဆိုရင် လက်နဲ့မျက်နှာကို ရေစွတ်စရာ မလိုဘဲ မိတ်ကပ်များတဲ့နေရာ၊ Mascara ရှိတဲ့နေရာတွေကိုလိမ်းပြီး စက်ဝိုင်းပုံစံသစ်ရပါမယ်။ မျက်နှာပြင်ပေါ်က အညစ်အကြေးတွေ ထွက်လာပြီဆိုမှ တစ်ရှူးလေးနဲ့ သုတ်ချရပါမယ်။ ဒါမှမဟုတ် ရေနဲ့လည်းဆေးချနိုင်ပါတယ်။
Facial Foam
ဒီအဆင့်ပြီးတော့မှ Liquid Wash မျက်နှာသစ်ဆပ်ပြာကို သုံးရပါမယ်။ ဒီမျက်နှာသစ်ဆပ်ပြာကို နေ့ရောညပါ အသုံးပြုနိုင်ပါတယ်။ Liquid Wash ကို နို့ရည်ပုံစံမျိုး ထုတ်လုပ်ထားတာပါ။ ဒီမျက်နှာသစ်ဆပ်ပြာမှာ မျက်နှာသစ်လိုက်လို့ moisture ဓာတ် ဆုံးရှုံးတာကို ပြန်ဖြည့်ပေးတဲ့ ရေဓာတ်ပါဝင်ပါတယ်။ အမြှုပ်လေးတွေ ထွက်အောင် သစ်ပြီးတော့ ဆေးချလိုက်ရင် သန့်စင်ကြည်လင်တဲ့ အသားအရေကို ရရှိမှာပါ။
Sekkisei Lotion
မျက်နှာသန့်စင်အောင် သစ်ပြီးပြီဆိုမှ ဒုတိယအဆင့်အနေနဲ့ lotion သုံးရပါမယ်။ Kose` Sekkisei Lotion က ရေဓာတ်ကို ပြန်လည်ဖြည့်ဆည်း ပေးပါတယ်။ တစ်နေကုန် နေပူထဲသွားလို့ ချွေးထွက်ရင် ရေဓာတ်တွေ ဆုံးရှုံးပါတယ်။ ပုံမှန်အားဖြင့် မျက်နှာသစ်ပြီးရင် toner လိမ်းရပါတယ်။ Kose` Sekkisei Lotion ကျတော့ Toner နဲ့ Lotion နှစ်မျိုးစလုံး ပေါင်းစပ်ထားတာပါ။ ဒါကြောင့် Skin Care အာနိသင်ကို ပိုမိုကောင်းမွန်စေပြီး ပိုမိုစိမ့်ဝင်နိုင်ပါတယ်။ နှစ်မျိုးပေါင်းစပ်ထားတဲ့အတွက် ချွေးပေါက်ကို ကျဉ်းစေတဲ့အပြင် ရေဓာတ်ကိုပါ ရရှိစေပါတယ်။
Shirosumi
တကယ်လို့ သင့်မျက်နှာနဲ့ ပါးပြင်ရဲ့ နှာခေါင်းတစ်ဝိုက်မှာ နေလောင်အမည်းစက်တွေ ရှိနေမယ်ဆိုရင် Kose` က ထုတ်တဲ့ Shirosumi အမည်းစက်ပျောက် essence ကို Lotion လိမ်းပြီးတဲ့ အချိန်မှာ အဆင့်သုံးဆင့်အနေနဲ့ လိမ်းရပါမယ်။ မျက်နှာပြင်ပေါ်က အမည်းစက် ဖြစ်အောင် လုပ်ပေးနေတဲ့ cellူ တွေကို Shirosumi က ပယ်သတ်ပေးပါတယ်။ Shirosumi ကို အမည်းစက်ရှိတဲ့နေရာမှာ သုံးနိုင်ပါတယ်။ မျက်နှာပြင်ပေါ်မထွက်သေးတဲ့ အမည်းရောင်ခြယ် တွေကိုလည်း Shirosumi က ချေဖျက်ပေးပါတယ်။ Shirosumi ကို အမည်းစက်ရှိတဲ့ နေရာအပြင် မျက်နှာတစ်ပြင်လုံးကို အမည်းစက်မဖြစ်အောင် control လုပ်တဲ့အနေနဲ့လည်း အသုံးပြုနိုင်ပါတယ်။ အမည်းစက်လုံးဝမရှိဘူးဆိုရင်တော့ သုံးစရာမလိုပါဘူး။

Sekkisei Emulsion
Kose` Sekkisei Emulsion က နို့ရည်ဖြစ်ပါတယ်။ လူ့အသားအရေမှာ ရေဓာတ်ရယ်၊ အဆီဓာတ်ရယ်၊ နှစ်မျိုးညီမျှမှ စိုပြည်ပြီး လှပနိုင်မှာပါ။ တချို့မျက်နှာအသားအရေတွေဟာ အဆီပြန်တတ်ပါတယ်။ အဆီပြန်တာက မျက်နှာပြင်ရဲ့ နဖူးတစ်ဝိုက်နဲ့ ပါးပြင်နားတွေမှာ ဖြစ်တတ်ပါတယ်။ အဲဒီလို ညီမျှမှုမရှိတဲ့အဆီတွေကို Kose` Sekkisei Emulsion က ထိန်းညှိပေးပါတယ်။ နေပူထဲသွားလို့ ရေဓာတ်ဆုံးရှုံးမှုမရှိအောင် နို့ရည်က အပြည့်အဝ ပြန်လည် ထိန်းညှိပေးပါတယ်။ ဒါကြောင့် ဒီအဆင့်က အသားအရေ ညီမျှဖို့အတွက် အရေးကြီးပါတယ်။Sekkisei Day Essence
Kose` Sekkisei Day Essence ကို နို့ရည်လိမ်းပြီးရင် လိမ်းရပါမယ်။ အဓိက နေ့လယ်ပိုင်းသုံးဖို့ day care ဖြစ်ပါတယ်။ Day Essence မှာ နေလောင်ဒဏ်ကို ကာကွယ်ပေးတဲ့ UV Protector ပါဝင်ပါတယ်။ နေ့ခင်းဘက် မိမိရဲ့အသားအရေကို အန္တရာယ်ဖြစ်စေတာ နေရောင်ခြည်ဒဏ်ပါပဲ။ Skin Care ကို ဘယ်လောက်ပဲ လုပ်လုပ် UV cover မပါရင် ကိုယ်လုပ်တဲ့ Skin Care က အကျိုးသက်ရောက်မှုမရှိပါဘူး။ ဒါကြောင့် Emulsion နို့ရည်သုံးပြီးရင် Day Essence ကို ဆက်သုံးရပါမယ်။ Skin Care လုပ်ရာမှာ ဒီအဆင့်က အရေးကြီးဆုံးပါပဲ။ အသားအရေ နေလောင်ဒဏ်ခံရရင် ကျန်တဲ့ Skin Care တွေ ဘယ်လောက်လုပ်လုပ် ထိရောက်မှု မရှိပါဘူး။ ဒါကြောင့် Day Essence အဆင့်ကို သေချာဂရုစိုက်ပြုလုပ်ပေးရပါမယ်။

Sekkisei Herbal
Sekkisei Herbal ကတော့ ညဘက် မျက်နှာ ပေါင်းတင်တာပါ။ မျက်နှာပြင်အထဲက မလိုအပ်တဲ့ အညစ်အကြေးတွေကို သန့်စင်ပေးပါတယ်။ မျက်နှာပြင် ကြွက်သားတွေ အားနည်းပြီး လျော့တွဲတွဲ ဖြစ်နေတာကို တင်းတင်းရင်းရင်းဖြစ်စေပြီး သွေးလည်ပတ်မှု ကောင်းအောင် အဓိကပြုလုပ်ပေးပါတယ်။ မျက်နှာအတွက် လိုအပ်တဲ့ အစာအာဟာရကို ပြန်လည် ဖြည့်တင်းပေးတာပါ။ တစ်ပတ်ကို နှစ်ကြိမ်လောက် ပြုလုပ်ပေး သင့်ပါတယ်။ မျက်နှာပြင်အနှံ့ Sekkisei Herbal ကို ညီညာအောင် သုတ်လိမ်းပြီး ၁၅ မိနစ်လောက်ကြာအောင်ထားပါ။ ပြီးရင် ရေဆေးချပြီးသစ်လိုက်ပါ။ ကြည်လင်အေးမြတဲ့ အသားအရေကို ရရှိစေမှာဖြစ်ပါတယ်။

Sekkisei Night Cream
Sekkisei Night Cream ကိုတော့ ညဘက်မှာ သုံးရပါမယ်။ Night Cream က အရေပြားမှာရှိတဲ့ အလွှာသစ်တွေကို မွေးမြူပေးပါတယ်။ အသက်အရွယ်ကြီးလာတော့ အရေးအကြောင်းနဲ့ အသားအရေတွဲကျလာတာတို့ကို ပြန်လည် အားကောင်းစေပြီး မျက်နှာပြင်ကို တင်းတင်းရင်းရင်းနဲ့ လှပစေပါတယ်။ Night Cream သုံးခြင်း အားသာချက်က မနက်မိုးလင်းလို့ မျက်နှာသစ်ပြီးရင် မျက်နှာက ဖောင်းဖောင်းတင်းတင်းလေးနဲ့ fresh ဖြစ်နေတာပါပဲ။


နေ့စဉ် မိတ်ကပ်ပြင်ဆင်မှုကို Skin Care ပြုလုပ်ပြီးမှ ပြင်ဆင်သင့်ပါတယ်။ ဒီလိုသာ နေ့စဉ် ပုံမှန် လုပ်ပေးမယ်ဆိုရင်တော့ ရှိရင်းစွဲအသက်ထက် ပိုမိုနုပျို စေနိုင်ပါတယ်။ အသားအရေလှပခြင်းက မိမိကိုယ်ကို ယုံကြည်မှုရှိစေပြီး မိမိရဲ့ လုပ်ငန်းခွင်မှာပဲဖြစ်ဖြစ်၊ မိမိ နေထိုင်ရာ ပတ်ဝန်းကျင်မှာပဲဖြစ်ဖြစ် အောင်မြင်သော သူအဖြစ် ရပ်တည်နိုင်မှာပါ။ အသားအရေပျက်စီးခြင်းကို ဖြစ်မှကာကွယ်တာထက် မဖြစ်ခင်ကတည်းက Skin Care လုပ်ရင်း ကာကွယ်တာက အကောင်းဆုံး နည်းလမ်းပဲဖြစ်ပါတယ်။
from perfectmagazine

ဆက်ဖတ်ရန်

နုပျိုလန်းဆန်းတဲ့ အရေပြား

အရေပြားရဲ့ဇရာ နုပျိုလန်းဆန်းတဲ့ အရေပြား ပိုင်ရှင်တွေဖြစ်စေဖို့ ရည်ရွယ်ပြီး ဆွေးနွေးတဲ့အခါ ဆန့်ကျင်ဘက်ဖြစ်တဲ့ အရေပြားရဲ့ဇရာ ဒါမှမဟုတ် အရေပြားရဲ့ အိုမင်းရင့်ရော်ခြင်း တွေကိုလည်း သိသင့်တယ်လို့ ထင်ပါတယ်။ တကယ်တော့ လူတိုင်း တောင့်တတဲ့ ချစ်စရာကောင်းတဲ့ ကလေးအရေပြား (baby skin) ဟာ တဖြည်းဖြည်းနဲ့ အသက် ၂၀ လောက်မှာ ရင့်ကျက်ပြီး ပြည့်စုံသွားပါပြီ။ တင်းတင်းရင်းရင်း၊ ပြည့်ပြည့်ဖြိုးဖြိုး၊ စိုစိုပြည်ပြည်နဲ့ တကယ့်ကို အရေပြားရဲ့ အလှဆုံးအချိန်ပေါ့။ ဒါပေမဲ့ အသက် ၂၅ နှစ်လောက်ကစပြီး အရေပြားဟာ မသိမသာ စတင်ပျက်စီး ယိုယွင်းလာပါပြီ။ မျက်စိနဲ့ ကြည့်လို့ အဲဒီ ပျက်စီးမှုကို ထင်သာ မြင်သာ မရှိပေမဲ့ အရေပြားရဲ့ ကလာပ်စည်းတွေ၊ တစ်သျှူးတွေမှာတော့ အားနည်းချက်တွေ အစပျိုးနေပါပြီ။

ဘယ်လိုအားနည်းချက်တွေလဲ အရေပြားဟာ သက်ရှိပစ္စည်းပါ။ အရေပြားရဲ့အပေါ်လွှာမှာ ရှိတဲ့ ကလာပ်စည်းတွေဟာ အမြဲတမ်း ဖြစ်ပျက် ပြောင်းလဲနေတဲ့အကြောင်း ဆရာ ရှင်းပြခဲ့ဖူးပါတယ်။ အဲဒီအလွှာရဲ့ အောက်ဆုံးတန်းက ကလာပ်စည်းတွေဟာ အပေါ်ဘက်ကို တဖြည်းဖြည်းနဲ့ တက်သွားပြီး အပေါ်ဆုံးရောက်တော့ ဇီဝိန်ကြွေသွားတယ်။ ဒါပေမဲ့ နောက်ထပ် အသစ်အသစ် တွေ ထပ်ထွက်လာတာပါပဲ။ အသက် အရွယ်ရလာတဲ့အခါ အဲဒီပြောင်းလဲမှု ဖြစ်စဉ်ဟာ နှေးလာပါတော့တယ်။ အသက်ကြီးရင် အထိုင်အထ နှေးသွားသလို လေးသွားသလိုပေါ့။ အရေပြား ကလာပ်စည်းတွေရဲ့ အသစ်အဟောင်း ပြောင်းလဲမှုဖြစ်စဉ်ဟာ ပုံမှန်ဖြစ်နေပါမှ အရေပြားဟာ နုပျိုသစ်လွင်နေမှာပါ။ နောက်ပြီး အရေပြားရဲ့ အလယ်လွှာမှာရှိတဲ့ ကိုလာဂျင်တို့၊ အီလတ်စတင်တို့လည်း တဖြည်းဖြည်းနဲ့ အားနည်းစပြုလာပါပြီ။ ဒီတစ်သျှူး တွေက အရေပြားကို သန်စွမ်း တောင့်တင်းအောင် ကျားကန်ပေးရာမှာ အဓိကကျတဲ့ ပစ္စည်းတွေပါ။ ဒါကြောင့် ဇရာရဲ့ လက္ခဏာတွေဖြစ်တဲ့ ပါးရေ၊ နားရေတွဲတာ၊ အရေးအကြောင်းတွေ ပေါ်တာတွေ အချိန်တန်ရင် တွေ့ရတော့တာပေါ့။ အရေပြားရဲ့အလယ်ထပ်မှာရှိတဲ့ မြောက်မြားစွာသော သွေးကြော ငယ်လေးတွေ ဟာလည်း ကိုလာဂျင်တွေက အားကောင်းမောင်းသန် ကျားကန်မပေးနိုင်တော့ နည်းနည်း လေး ထိမိတာနဲ့ ပေါက်ကုန်ပါ တော့တယ်။ ဒါကြောင့် ဇရာအိုတွေရဲ့ အရေပြားမှာ သွေးခြည်ဥကွက်တွေ မကြာခဏ တွေ့နေရတာပါ။

အဆီအိတ်၊ ချွေးအိတ်တွေလည်း အားနည်းနေပြီ အရေပြားထဲက အဆီအိတ်တွေလည်း အဆီထွက်နည်းလာတော့ အသားခြောက်တာ၊ ယားတာတွေဖြစ်ကုန်တာပေါ့။ ယောကျာ်းတွေဆို အသက်ရှစ်ဆယ်ကျော်မှ ကြုံရတတ်ပေမဲ့ အမျိုးသမီးတွေကျတော့ သွေးဆုံးပြီးတာနဲ့ တဖြည်းဖြည်း ဒီပြဿနာကို တွေ့ရနိုင်ပါတယ်။ ချွေးအိတ်ကလည်း ချွေးထွက်နည်းလာတော့ အပူအအေး ထိန်းဖို့ ခက်လာပြန်ပါတယ်။ အထူးသဖြင့် ပတ်ဝန်းကျင်က ပူလွန်းရင် ခန္ဓာ ကိုယ် အပူချိန်ကို ပုံမှန်ဖြစ်နေအောင် ထိန်းမထားနိုင်တော့ဘူး။ ဒါကြောင့် အပူပြင်းတဲ့ ဒီနှစ်နွေမှာ အသက်ကြီးတဲ့ ဇရာအိုတွေ အပူရှပ် သတိမေ့ပြီး ဆုံးပါးကုန်ကြတာပါ။ ဆေးပညာမှာတော့ Heat Stroke လို့ ခေါ်ပါ တယ်။ အရေပြားရဲ့ အောက်ဆုံးလွှာက အဆီပြင်လည်း အသက်ရလေ ပါးလာလေပါပဲ။ အဆီနည်းတော့ အအေးဒဏ် မခံနိုင်ဘူးဖြစ်ပြန်ရော။ အညိုအမည်းကွက် သို့မဟုတ် ဇရာရဲ့ သင်္ကေတ အသက်ကြီးလာတော့ မယ်လာနိုဆိုဒ် ဆိုတဲ့ အရေပြားဆိုးဆေး ထုတ်လုပ်ပေးတဲ့ ကလာပ်စည်းတွေလည်း နည်းလာပါတယ်။ ဒါပေမဲ့ ထွက်လာတဲ့ မယ်လာနင် ဆိုးဆေး ဓာတ်တွေက ဟိုနားစု၊ သည်နား စုဖြစ်ကုန်တော့ နေထိတဲ့မျက်နှာတို့၊ လက်ဖျံတို့မှာ ညိုပြာပြာ အကွက်သေး၊ အကွက်ကြီးတွေ ဖြစ်ကုန်တာပါ။ အရပ်စကားနဲ့ပြောရရင် ဇရာရဲ့ သင်္ကေတ (age spots) ပေါ့။ ဆေးပညာမှာတော့ လင်တီဂို (lentigo) လို့ သမုတ်ပါတယ်။ ဆရာလည်း အသက်ကြီးပြီဆိုတော့ ဆရာရဲ့ ဘယ်ညာပါးနှစ်ဖက်မှာ လင်တီဂိုတွေ တစ်ကွက်စ၊ နှစ်ကွက်စ ထွက်နေပါပြီ။

အသက်ချင်းတူပေမဲ့ အရွယ်ချင်းတော့ မတူ အိုခြင်းတရားကို မလွန်ဆန်နိုင်ပေမဲ့ တချို့သူတွေဟာ အသက်ထက် အရွယ်က နုပျိုနေသလို တချို့ကျတော့လည်း ရှိတဲ့ အသက်ထက် အရွယ်က ပိုကြီးနေသလို ဖြစ်နေတာမျိုးတွေ ရှိပါတယ်။ လွယ်လွယ်ပြောရင် တချို့က နုပျိုပြီး အရွယ်တင်ပေမယ့် အချို့ကျတော့ အချိန်မတိုင်ခင် အိုစနာကျနေတာမျိုးပေါ့။အင်္ဂလိပ်လို ပြောရရင် အရွယ်တင်တာကို Younger Looking Skin ပေါ့။အသက်ထက် အရွယ်က ပိုအိုနေတာ ကိုတော့ Premature aging လို့ ခေါ်တင်နိုင်ပါတယ်။ လူတစ်ယောက်ရဲ့ နေ့စဉ်စားသောက်မှုပုံစံ (lifestyle) ကစကားပြောသွားတာပါ။ အရေပြားကို မြန်မြန်အိုစာစေတဲ့၊ ပျက်စီးရင့်ရော်စေတဲ့ ကိစ္စတွေကို ရှောင်ရှားပြီး အရေပြားကို နုပျိုလန်းဆန်းစေတဲ့ ကိစ္စတွေကို လိုက်နာမယ်ဆိုရင် အရွယ်တင်နုပျိုပြီး အရေပြားက လန်းမှာပါ။ အမျိုးသမီးတွေဆိုရင်တော့ မအိုသေးတဲ့သူ အပျိုလေးနဲ့တူပေါ့။ အသက်ကြီးပေမယ့် မပျက်စီးတဲ့ အရေပြားပိုင်ရှင်ပေါ့။

အရေပြားကို ပျက်စီးစေတဲ့ အမှောင့်ပယောဂတွေ သဘာဝ ပတ်ဝန်းကျင်နဲ့ လူရဲ့ အကျင့်အချို့ဟာ အရေပြားကို ပျက်စီးစေပါတယ်။ မှတ်လို့လွယ်အောင် (S) လေးလုံးကို ရှောင်ဖို့ အဓိကထား ပြောချင်ပါတယ်။ အဲဒီ S တွေကတော့ နေရောင်ခြည် (Sun) ၊ဆေးလိပ် (Smoking)၊ စိတ်ဖိစီးမှု (Stress) ၊ အထိုင်များတဲ့ အလုပ်(Sedentary Life) တွေပါ။အခြားအကြောင်းအရာတွေလည်း ရှိသေးပေမယ့် ဒီအရေးကြီးတဲ့ အချက်လေးချက်ကိုပဲ ဦးစွားဆွေးနွေးချင်ပါတယ်။

နေရောင်ခြည်နဲ့ အရေပြား နေရောင်ခြည်ဟာ မီးလိုပါပဲ။ အကျိုးရှိတာတွေ များသလို အကျိုးမရှိဘဲ ဖျက်ဆီးတာတွေလည်း အများကြီးပါပဲ။ နေရောင်ခြည်ကြောင့် အရေပြားကို ဘယ်လို ပျက်စီးထိခိုက်မှု ရှိသလဲဆိုတာကို ဆရာတို့ အရေပြားဆရာဝန်တွေက ကျန်းမာရေးဂျာနယ်၊ မဂ္ဂဇင်းတွေမှာ မကြာခဏ တဖွဖွရေးနေကြ၊ ဆွေးနွေးနေကြတာပေါ့။

လူတစ်ယောက်ရဲ့ အရေပြားကို အပြင်ပန်းကြည့်တဲ့အခါ နေထိတဲ့ နေရာနဲ့ နေမထိတဲ့နေရာ တော်တော်ကွာပါတယ်။ ဥပမာ အင်္ကျီလက်တို ဝတ်လေ့ရှိတဲ့ သူတစ်ယောက်ရဲ့ လက်ဖျံက အသားအရေနဲ့ အဝတ် ဖုံးထားတဲ့ လက်မောင်းက အသားအရေ သိသိသာသာ ကွာခြားပါတယ်။ အရောင်အသွေးရော၊ နူးညံ့ပျော့ပျောင်းတာရော ကွာခြားတာကို တွေ့ကြရမှာပါ။ နေပူထဲမှာ အလုပ်လုပ်ရတဲ့သူနဲ့ နေရိပ်ထဲမှာ အလုပ်လုပ် ရသူတွေရဲ့ အရေပြားရုပ်သွင်ဟာ လျှပ်တစ်ပြက်ကြည့်လိုက်တာနဲ့ ခွဲခြားနိုင်ပါတယ်။ အသက်မကွာဦးတော့ ဘယ်သူက ပိုပြီး အိုစာတဲ့ရုပ် ပေါက်နေတယ်ဆိုတာ ပြောစရာတောင် မလိုပါဘူး။

အရေပြားမှာ ဘာတွေ ပျက်စီးပါလိမ့် နေရောင်ခြည်ကြောင့် အဓိက ထိခိုက်ပျက်စီးရတာက ဆရာ ပြောခဲ့ဖူးတဲ့ ကိုလာဂျင်နဲ့ အီလတ်စတင်ဆိုတဲ့ တစ်သျှူးတွေပါ။ အရေပြားကို ကျားကန်ပေးတဲ့ ကိုလာဂျင်လည်း နေခတော့ အားမသန်ဘဲ ချို့ယွင်းသွားပါတယ်။ ဒီတော့ အရေပြားလည်း အရပ်စကားနဲ့ ပြောရရင် အကြောမတင်းတော့ဘူးပေါ့။ ရာဘာလို ဆန့်နိုင်ကျုံ့နိုင်စွမ်းရှိတဲ့ အီလတ်စတင် လည်း နေထိဖန်များလာတော့ စုခဲသွားပါတော့တယ်။ အီလတ်စတိုးစစ်(Elastosis) လို့ ခေါ်တယ်။ ဒီတော့ အရေပြားဟာ ပြည့်ပြည့်တင်းတင်းမရှိတော့ဘဲ အရေးအကြောင်း (Wrilkle)တွေ ပေါ်လာမယ်။ အရေပြားတွဲကျလာမယ်။ ပြောရရင် မျက်နှာမှာ အသိသာ ဆုံးပါ။ ပါးရေနားရေတွေ တွဲကျတာတွေ၊ အောက်မျက်ခမ်းရဲ့ အောက် က မျက်ခွံတွေဆိုရင် လျော့တိလျော့ရဲနဲ့ တွဲနေတာတွေ ဖြစ်လာပါတယ်။ ကိုလာဂျင်၊ အီလတ်စတင်တွေရှိတဲ့ အရေပြားရဲ့ အလယ်ထပ်ဟာ ပုံမှန်ရှိရမယ့် အထူမရှိတော့ဘဲ ၂၀ ရာခိုင်နှုန်း ပါးသွားတယ်ဆိုပဲ။ ဒီတော့ အရေပြားဟာ အားကုန်နွမ်းလျသွားတဲ့အသွင် ဆောင်တော့တာ ပေါ့။ အရေပြားအလယ်ထပ်က ကိုလာဂျင်နဲ့ အီလတ်စတင်တွေ ပျက်စီး ကြရသလို အရေပြားရဲ့ အပေါ်လွှာမှာရှိတဲ့ ကလာပ်စည်းတွေလည်း နေရောင်ခြည်ရဲ့ ရန်က မကင်းပါဘူး။ SCC , BCC လို ဆေးလောကမှာ အသိများတဲ့ ကင်ဆာတွေနဲ့ မှဲ့ကင်ဆာ (Malignant melonoma ) တွေဟာ အရေပြား ကင်ဆာတွေပါ။ အရေပြားအပေါ်လွှာက ကလာပ် စည်းတွေရဲ့ ကင်ဆာပါ။ ဒီအရေပြားကင်ဆာတွေ ဖြစ်ရတဲ့ အကြောင်း ရင်းတွေမှာ နေရောင်ခြည်က အဓိကဖြစ်ပါတယ်။ အမျိုးသမီးတွေရဲ့ မျက်နှာအလှကို ဖျက်တဲ့ တင်းတိတ်၊ မှဲ့ခြောက် တွေဟာလည်း နေရောင်ခြည်ရဲ့ ပယောဂ မကင်းပါဘူး။ အရေပြားရဲ့ မယ်လနင် အရေပြား ဆိုးဆေးတွေက နေပူထိလေ ပိုထွက်လေပါ။ ဒါကြောင့် တင်းတိတ်၊ မှဲ့ခြောက်တွေဟာ နေပူမိရင် ပိုပြီးသိသိသာသာ မည်းတက်လာတာပေါ့။ လူတစ်ယောက်ရဲ့ ခန္ဓာကိုယ်အရေပြားမှာ မယ်လနင်ဆိုးဆေးကို ထုတ်ပေးတဲ့ မယ်လာနိုဆိုဒ် ကလာပ်စည်းပေါင်းက နှစ်ဘီလျံကျော် ရှိပါတယ်။ သန်းနှစ်ထောင်ကျော်ပေါ့။ မှဲ့ကင်ဆာဆိုတာ အဲဒီ ကလာပ် စည်းက စတာပါ။

နေရောင်ခြည်က ဘယ်လိုဖျက်ဆီးသလဲ

ဆေးလောကမှာ ဖရီးရက်ဒီကယ်(Free Radicals) ဆိုပြီး အောက်ဆီဂျင် အရိုင်း ဓာတ်တစ်မျိုးကို ခေါ်လေ့ရှိပါတယ်။ တကယ်တော့ အောက်ဆီဂျင်ဆိုတဲ့ စကားလုံးက လူတော်တော်များများ နားယဉ်ပြီးသားပါ။ သက်ရှိသတ္တဝါတွေ အောက်ဆီဂျင်ရမှ အသက်ရှင်မယ်ဆိုတာ အားလုံးအသိပါပဲ။ ဒါပေမဲ့ အဲဒီ အောက်ဆီဂျင်က အီလက်ထရွန် နှစ်ခုပါတယ်။ အိုတူး (O2) ပေါ့။ ဒီတော့ တည်ငြိမ်တယ်။ လူကို အကျိုးပြုတယ်။ ဖရီးရက်ဒီကယ်ဆိုတဲ့ အောက်ဆီဂျင်က အီလက်ထရွန် တစ်ခုပဲ ပါတယ်။ မတည်ငြိမ်ဘူး။ ဒါကြောင့် အခြားမော်လီကျူး တွေဆီက နောက်တစ်ခုရအောင် လိုက်လုတယ်။ ဒီတော့ အလုခံရတဲ့ မော်လီကျူးကလည်း မတည်ငြိမ်တော့ဘဲ တခြားနေရာက ပြန်လုတယ်။ အဲသလို ဆင့်ကဲဆင့်ကဲ လုလိုက်ကြတာ နောက်ဆုံးတော့ အရေပြား ကလာပ်စည်းတွေ အောက်ဆီဂျင်အစစ် မရတော့ဘဲ ပျက်စီးကုန်တယ်။ ဗီဇ (gene) တွေ ဖောက်ပြန်ကုန်တယ်။

ဖရီးရက်ဒီကယ်တွေ ဘာကြောင့်ဖြစ်ရသလဲဆိုတော့ နေရောင် ခြည်ပေါ့။ ဆေးလိပ်ပေါ့။ အရေပြားရဲ့ အလယ်ထပ်မှာ အရေးကြီးတဲ့ ဓာတ်ကူပစ္စည်း ရှိတယ်။ အင်ဇိုင်း (Enzyme) ပေါ့။ နာမည်ကတော့ ရှည်တယ်။ မက်တယ်လိုပရိုတီနေ့စ် (Metalloproteinase) တဲ့။ ဒီပစ္စည်းက နေကြောင့်ပျက်စီးတဲ့ ကိုလာဂျင်တွေ ပြုပြင်ပေးတဲ့အခါ အရေးပါတယ်။ နည်းနည်းလေးပဲ လိုတာပါ။ ဒါပေမဲ့ နေပူပြင်းပြင်း ထိဖန်များလာရင် အဲဒီအင်ဇိုင်းဓာတ်တွေက လိုတာထက် များပါလေရော။ ခက်တာက များတိုင်း မကောင်းဘူး။ ကိုလာဂျင်ကို ပြုပြင်ပေးရမှာ ဖြစ်ပေမဲ့ ပြုပြင်မပေးဘဲ ဖျက်ပစ်တော့တာပဲ။ နောက်ဆုံးတော့ ပင်မပစ္စည်း ကိုလာဂျင်တစ်သျှူးတွေ ကြေမွကုန်တယ်။ အရေပြားကြီးလည်း လျော့တိ လျော့ရဲ တွဲကျ တော့တာပေါ့။

ခြုံပြောရရင် နေကြောင့်ဖြစ်တဲ့ ဖရီးရက်ဒီကယ်နဲ့ ခုပြောခဲ့တဲ့ အင်ဇိုင်းတွေဟာ အရေပြားကို နှိပ်စက်ကလူ ဖျက်ဆီးသူတွေပါ။ ပုံမှန် ဇရာကူးတာကို အဆင်းတွန်းပေး သူတွေပေါ့။

from ဒေါက်တာဦးကျော်ကျော်(အရေပြား အထူးကု)

ဆက်ဖတ်ရန်

၂၀၁၁ ခုနှစ်တွင် မြန်မာနိုင်ငံ၏ ရုပ်သံထုတ်လွှင့်မှု ကဏ္ဍတွင် အခမဲ့ရုပ်မြင်သံကြားလိုင်း လေးလိုင်းနှင့် အခပေးရုပ်မြင်သံကြား လိုင်းငါးဆယ်ကျော်အထိ တိုးချဲ့ထုတ်

၂၀၁၁ခုနှစ်တွင် မြန်မာနိုင်ငံ၏ ရုပ်သံထုတ်လွှင့်မှု ကဏ္ဍ၌ အခမဲ့ရုပ် သံလိုင်း လေးလိုင်းနှင့် အခပေးရုပ် သံလိုင်းပေါင်း ၅၀ ကျော်အထိ တိုး ချဲ့ ထုတ်လွှင့်သွားနိုင်မည် ဖြစ်သည် ဟု သတင်းရရှိသည်။

ယင်းအပြင် ပုဂ္ဂလိက အခပေး ရုပ်သံလိုင်းများအဖြစ် ပြန်ကြားရေး ၀န်ကြီးဌာနနှင့် Forever ကုမ္ပဏီတို့ ပူးပေါင်းထုတ်လွှင့်သည့် MRTV 4 နှင့်ဆက်စပ်အခပေး ရုပ်သံလိုင်း ၂၀ ကျော်အပြင် မကြာမီစတင်ထုတ် လွှင့်တော့မည်ဖြစ်သည့် ပြန်ကြားရေးဝန်ကြီးဌာနှင့် ရွှေသံလွင် ကုမ္ပဏီတို့ ပူးတွဲထုတ်လွှင့်သွားမည့် ရွှေအခပေး ရုပ်သံလိုင်းပေါင်း ၃၈ လိုင်းတို့ ပေါ်ပေါက်လာမည်ဖြစ်ရာ ၂၀၁၁ ခုနှစ် တွင် မြန်မာနိုင်ငံတွင် အခပေးရုပ်သံ လိုင်းပေါင်း ၅၀ ကျော်အထိ ရှိလာမည်ဖြစ်သည်။

မြန်မာနိုင်ငံ၏ လက်ရှိရုပ်သံ လိုင်းများ ထုတ်လွှင့်နေမှုအခြေအနေတွင် မြန်မာ့အသံနှင့်ရုပ်မြင်သံကြား၊ မြ၀တီရုပ်မြင်သံကြား၊ Myanmar International (MRTV-3) နှင့် MRTV-4 ဟူ၍ ရုပ်သံလိုင်းလေးခုရှိ ပြီး ၂၀၁၀ ပြည့်နှစ် စက်တင်ဘာလ ၁ ရက်နေ့မှ စတင်ကာ MRTV-4 ရုပ်သံအစီအစဉ်များကို UHF အင်တာနာဖြင့် ၂၄ နာရီ ဖမ်းယူကြည့်ရှုနိုင်ပြီ ဖြစ်ကြောင်း သိရသည်။ ယင်းအပြင် Myanmar International (MRTV-3) ရုပ်သံအစီအစဉ်များကိုမူ MRTV-4 နှင့် ဆက်စပ်ရုပ်သံလိုင်းများကို ဖမ်းယူကြည့်ရှုနိုင်သည့် စက်ဖြင့် ၂၄ နာရီ ဖမ်းယူကြည့်ရှုနိုင် သော်လည်း သာမန် UHF အင်တာနာဖြင့်ဆိုလျှင် နံနက်ပိုင်း အစီအစဉ် များကိုသာ ဖမ်းယူကြည့်ရှုနိုင်သည် ဟု သိရသည်။ အစိုးရမီဒီယာကြီး တစ်ခုဖြစ်သော မြန်မာ့အသံနှင့် ရုပ်မြင်သံကြား အစီအစဉ်များကိုမူ နံနက် ၇ နာရီမှ နံနက် ၉ နာရီအထိ လည်းကောင်း၊ ညနေပိုင်းအစီအစဉ် များကို မွန်းလွဲ ၃ နာရီ မိနစ် ၃၀ မှ ညပိုင်းအထိ ထုတ်လွှင့်ပေးလျက်ရှိသည်ဟု သိရသည်။ မြ၀တီရုပ်မြင်သံကြား အစီအစဉ်များကို နံနက်ပိုင်း ၇ နာရီမှ စတင်ထုတ်လွှင့်ပြီး နံနက် ၈ နာရီ ၀န်းကျင်ခန့်အထိ နံနက်ပိုင်း အစီအစဉ်များကိုလည်းကောင်း၊ ညနေပိုင်းအစီအစဉ်များကို ညနေ ၄ နာရီမှ စတင်ထုတ်လွှင့်သည်ဟု သိရသည်။

၂၄ နာရီ ထုတ်လွှင့်လာသောMRTV-4 ရုပ်မြင်သံကြားလိုင်းကို ပုဂ္ဂလိက ကုမ္ပဏီတစ်ခုဖြစ်သော Forever Group ကုမ္ပဏီနှင့် ပူးပေါင်းကာ ထုတ်လွှင့်ပြသလျက်ရှိသည်ဟု သိရသည်။ ယင်းအပြင် Myanmar International (MRTV-3) ရုပ်သံ အစီအစဉ်များကိုလည်း ရွှေသံလွင် ကုမ္ပဏီနှင့် ပူးပေါင်းဆောင်ရွက်နေ ခြင်းဖြစ်သည်ဟု သိရသည်။

ရွှေသံလွင်ကုမ္ပဏီသည် Myanmar International (MRTV-3) ရုပ်သံအစီအစဉ်အပြင် မကြာမီကာလတွင် SKYNETကွန်ရက်မှ DTH စနစ်ဖြင့် ရွှေရုပ်သံအဖြစ် အခမဲ့ရုပ်သံလိုင်း လေးလိုင်းနှင့် အခပေးရုပ်သံလိုင်း ၃၈ လိုင်းကို ထုတ်လွှင့်ပေးသွားမည်ဖြစ်သည်။

မြန်မာနိုင်ငံအတွင်း၌ ထုတ်လွှင့်နေသည့် ရုပ်မြင်သံကြားလိုင်းများ

အမည်	စတင်ထုတ်လွှင့်သည့်ခုနှစ်
မြန်မာ့အသံနှင့် ရုပ်မြင်သံကြား	၁၉၈၀
မြ၀တီရုပ်မြင်သံကြား	၁၉၉၃
MRTV-3 (အင်္ဂလိပ်ဘာသာ)	၂၀၀၁
MRTV-4	၂၀၀၄
MRTV-3 မှ Myanmar International (MI) အသွင်သဏာန်ပြောင်းလဲထုတ်လွှင့်ခြင်း	၂၀၁၀
MRTV-4 ၂၄ နာရီ အစီအစဉ်များ ထုတ်လွှင့်ခြင်း	၂၀၁၀

ဆက်ဖတ်ရန်

အွန်လိုင်းမှ မိုဘိုင်းဖုန်း လျောက်ထားမှုများ နိုဝင်ဘာလ ဒုတိယပတ်အတွင်း စတင်နိုင်မည် ဖုန်းလျှောက်ထားရာတွင် အွန်လိုင်းမှတစ်ဆင့် ငွေပေးချေမှုများ ပြုလုပ်နိုင်ရန် စီစဉ်

အွန်လိုင်းမှ တစ်ဆင့် မိုဘိုင်းဖုန်း လျောက်ထားမှုများကို နိုဝင်ဘာလ ဒုတိယပတ်မှ စတင်၍ ပြုလုပ်နိုင်တော့မည် ဖြစ်ကြောင်း မြန်မာ့ဆက်သွယ်ရေးလုပ်ငန်းမှ သိရှိရသည်။ လျှောက်ထားရာတွင် ရတနာပုံ တယ်လီပိုစ် ကုမ္ပဏီ လိမိတက်၏ ၀က်ဆိုဒ်တစ်ခုဖြစ်သည့် www.yatanarbon.com.mm မှ ၀င်ရောက် လျှောက်ထားရမည် ဖြစ်ပြီး နေ့ခြင်းပြီး လျှောက်ထားနိုင်သည့် စနစ်တစ်ခုဖြစ်ကြောင်း သိရှိရသည်။ အဆိုပါ စနစ် စတင်သည့်ချိန်တွင် ကျပ်ငါးသိန်းတန် CDMA 800 MHz ဖုန်းများကိုသာ စတင် လျှောက်ထားနိုင်မည် ဖြစ်ပြီး နောက်ပိုင်းတွင် မိုဘိုင်းဖုန်း အမျိုးအစား မျိုးစုံကို အွန်လိုင်းမှတစ်ဆင့် လျှောက်ထားနိုင်ရန် စီစဉ်သွားမည် ဖြစ်ကြောင်း သိရှိရသည်။ လျှောက်ထားရာတွင် ရတနာပုံဝက်ဆိုဒ်မှ တစ်ဆင့် မှတ်ပုံတင် အမှတ်နှင့်အတူ အခြား အချက်အလက်များကို ဖြည့်စွက် လျှောက်ထားရမည်ဖြစ်ပြီး သတ်မှတ်ချက်များနှင့် ပြည့်စုံပါက အွန်လိုင်းမှတစ်ဆင့်ပင် ကုဒ်နံပါတ် တစ်ခု ပါဝင်သည့် အကြောင်းကြားစာ နေ့ချင်းပြီး ပြန်လည်ရောက်ရှိလာမည် ဖြစ်ကြောင်း သိရှိရသည်။ အဆိုပါ အကြောင်းကြားစာ ပုံစံဖြင့် သက်ဆိုင်ရာမြို့နယ် ဆက်သွယ်ရေး လုပ်ငန်းများတွင် ဆက်လက် ဆောင်ရွက်ရမည် ဖြစ်သည်။ အွန်းလိုင်းမှ ဖုန်းလျောက်ထားမှု အတွက် ၀န်ဆောင်ခအဖြစ် ကျပ်တစ်ထောင်ကို ပေးရမည် ဖြစ်သည်။ လက်ရှိ အချိန်တွင် ဖုန်းငှားရမ်းခ ပေးသွင်းရာတွင် ယခင် ပေးသွင်းမှု ပုံစံများအတိုင်း ပေးသွင်းရမည် ဖြစ်သော်လည်း နောက်ပိုင်းတွင် အွန်လိုင်းမှ တစ်ဆင့် ငွေပေးချေမှု ပြုလုပ်နိုင်ရန် စီစဉ်သွားမည် ဖြစ်သည်။ ငွေပေးချေမှု စနစ်အတွက် Asia Green Development Bank မှတစ်ဆင့် ဆောင်ရွက်ရမည် ဖြစ်ပြီး ဖုန်းဘေလ် ၀န်ဆောင်မှုကိုလည်း အွန်လိုင်းမှတစ်ဆင့် ဆောင်ရွက်နိုင်ရန် စီစဉ်ထားကြောင်း သိရှိရသည်။ ဖုန်းလျှောက်ထားမှုကို လူတစ်ယောက်လျှင် တစ်ကြိမ်နှုန်းဖြင့် လျှောက်ထားရမည် ဖြစ်ပြီး ဖုန်းချထားမှုအတွက် ဖုန်းအလုံးရေမှာ ကန့်သတ်ထားခြင်း မရှိကြောင်း သိရှိရသည်။

ဆက်ဖတ်ရန်

ဂျီအက်စ်အမ်ဖုန်း အင်တာနက် အသုံးပြုရန် ဆောင်ရွက်နေ

Sunday, November 07, 2010 6:30 AM


ရန်ကုန်၊ အောက်တိုဘာ ၃၀- ဂျီအက်စ်အမ် ဖုန်းများတွင် အင်တာနက် အသုံးပြုနိုင်မည့် စနစ်ကို ယခုနှစ်မကုန်မီ အချိန်အတွင်း အသုံးပြုနိုင်ရန်အတွက် ဆောက်ရွက်နေပြီ ဖြစ်ကြောင်း ယင်း လုပ်ငန်း၏ သတင်းအချက်အလက်နှင့် နည်းပညာဌာနမှ တာဝန်ရှိသူ တစ်ဦးက ဆိုသည်။

ဆက်ဖတ်ရန်

Com.mm ဒိုမိန်းများ ကျပ်ခြောက်သောင်းဖြင့် ဝယ်နိုင်ဟုဆို

Saturday, November 06, 2010 1:44 PM



ရန်ကုန်မြို့ ဦးဝိစာရလမ်းရှိ တပ်မတော်ခန်းမတွင် အောက်တိုဘာလ ၂၉ရက်မှ ၃၁ရက်နေ့ အထိ ကျင်းပပြုလုပ်ခဲ့သော Myanmar ICT Exhibition 2010 ၌ မြန်မာနိုင်ငံ ကိုယ်စားပြုအင်တာနက် Domain ဖြစ်သော com.mm အားတစ်နှစ်စာမှတ်ပုံတင်ခ ကျပ်ခြောက်သောင်းနှုန်းဖြင့် ရောင်းချပေးလျက်ရှိကြောင်း mYFi Internet Service ထံမှ စုံစမ်းသိရှိရသည်။ mYFi က com.mm,net.mm နှင့် org.mm Domain များကို Domain တစ်ခုလျှင် တစ်နှစ်စာမှတ်ပုံတင်ခ ကျပ်ခြောက်သောင်းနှုန်းဖြင့် ရောင်းချပေးခြင်းဖြစ်သည်။

ဆက်ဖတ်ရန်