လိင်
အချစ်ဟာ လိင်ကိစ္စရဲ့ အကျိုးရလဒ် ဖြစ်နိုင်ပါတယ်။ လိင်ကိစ္စဟာလည်း အချစ်ကို လှစ်ဟပြခြင်းတစ်မျိုး ဖြစ်နိုင်ပါတယ်။ ချမ်းမြေ့တဲ့ အိမ်ထေင်တစ်ခုမှာ အချစ် နဲ့ လိင်သံဝါသဟာ မကွဲမပြား တစ်သားတည်း ပါဝင်နေပါတယ်။
ဒါပေမယ့် သံဝါသကိစ္စဟာ ချမ်းမြေ့တဲ့ အိမ်ထောင်တစ်ခု တည်ဆောက်ဖို့ အရေးအကြီးဆုံး လိုအပ်ချက်တော့ မဟုတ်ပြန်ပါဘူး။ ဒီကိစ္စကို အလေးထားလွန်းရင် လိုက်စားလွန်းရင် အချစ်ဟာ ပျက်စီးတောင် သွားတတ်ပါတယ်။ အိမ်ထောင်ရေးသုခလည်း ဆိတ်သုဉ်းသွားတတ်ပါတယ်။
အိမ်ထေင်သည် ဘ၀မှာ အိမ်ထောင်ဘက်တိုင်းဟာ၊ အထူးသဖြင့် အမျိုးသမီးများဟာ အိမ်ထောင်ဘက်ဖြစ်သူအတွက် လိင်ဖျော်ဖြေရေးသမားသက်သက် ဖြစ်မသွားဖို့ အရေးကြီးပါတယ်။ မဖိုနှစ်ဘက်လုံး လူ့ဂုဏ်သိက္ခာ ပြည့်ဝသူတွေ ဖြစ်ဖို့လိုပါတယ်။ ဒါနဲ့ ပတ်သက်လို့ မဟတ္တမ ဂန္ဓီက ဒီလို မှတ်ချက်ချခဲ့ပါတယ်။
“လိင်အာသာဖြေဖျောက်ဖို့ အိမ်ထောင်ပြုတာဟာ အိမ်ထောင်ပြုခြင်း မမည်ပါဘူး။ ကာမဂုဏ်သောင်းကြမ်းခြင်းသာ ဖြစ်ပါတယ်”တဲ့။
လောကီနယ်က သဘာဝ လိင်ကိစ္စကို ဗုဒ္ဓဘာသာက အသားလွတ်ကြီး အပြစ်မဆိုပါဘူး။ လင်နဲ့မယားတို့ရဲ့ ဒီ လောကီကိစ္စကို မတားမြစ်ပါဘူး။ ဒါပေမယ့် ကျူးလွန်ဖောက်ပြန်တဲ့ အခြေအနေကိုတော့ ကာမေသုမိစ္ဆာစာရ သိက္ခာပုဒ်နဲ့ တားမြစ်ပါတယ်။ အတင်းအကြပ်ကို တားမြစ်ပါတယ်။ တရားဝင် အကြင်လင်မယားကလွဲလို့ တစ်ခြားတစ်ယောက်ယောက်နဲ့ ဖောက်ပြားတဲ့ ကာမေသုမိစ္ဆာစာရ မှောက်မှားမှု အပါအ၀င်ဖြစ်တဲ့ ငါးပါးသီလကို ဗုဒ္ဓဘာသာဝင်တိုင်း မဖြစ်မနေ ကျင့်သုံးရမယ်၊ ဒီသီလကို ခါးဝတ်ပုဆိုးလို ခိုင်မြဲရမယ်လို့ သွန်သင်ဆုံးမပါတယ်။ ဒီသီလ မလုံရင် ကိုယ်ကျင့်စဉ်ကြယ်မှု သီလ၀ိသုဒ္ဓိ မဖြစ်တော့ဘူး။ သီလ၀ိသုဒ္ဓိ မဖြစ်ရင် စိတ္တ၀ိသုဒ္ဓိဆိုတဲ့ စိတ်စင်ကြယ်မှု သမာဓိတွေ ဈာန်တွေ သမာပတ်တွေ မရနိုင်တော့ဘူး။ ဒိဋ္ဌိဝိသုဒ္ဓိဆိုတဲ့ အယူမမြင် စင်ကြယ်မှုလည်း မဖြစ်နိုင်တော့ဘူး။ မဂ်ဖိုလ်နိဗ္ဗာန်နဲ့ ဝေလာဝေးပြီလို့ ဘုရားရှင် ဟောတော်မူပါတယ်။ ဒီသီလဟာ မဂ်ဖိုလ်ရရေး အထောက်အပံ့ ပေးသလို ချမ်းမြေ့တဲ့အိမ်ထောင်တစ်ခု တည်ဆောက်ဖို့လည်း အထောက်အပံ့ပေးပါတယ်။
မဂ်အရေး ဖိုလ်အရေး အားထုတ်ရာမှာတော့ တိုးတက်ဖြစ်ထွန်းမှုကို လိင်ကိစ္စက နှောင့်ယှက်ပါတယ်။ စိတ်တည်ငြိမ်မှုကို ဖျက်ဆီးပါတယ်။ ဒါကြောင့် တရားဘာဝနာ အားထုတ်သူတွေကို လိင်ကိစ္စ ရှောင်ကြဉ်တာ အပါအ၀င်ဖြစ်တဲ့ ရှစ်ပါးသီလ ဗြဟ္မစရိယသီလ ကျင့်သုံးဖို့ ဘုရားရှင် တိုက်တွန်းတော်မူပါတယ်။ ပုံစံကျနေတဲ့ ဗုဒ္ဓဘာသာတွေဟာ သီတင်းစဉ် ဥပုသ်စောင့်ပြီး ဗြဟ္မစရိယ အကျင့်ကို ကျင့်သုံးကြပါတယ်။ ဈာန်မဂ်ဖိုလ်ရဲ့ အခြေခံကို တည်ဆောက်တဲ့သဘော၊ ပါရမီ ဖြည့်တဲ့သဘော ဖြစ်ပါတယ်။ တရားဘာဝနာကို စူးစူးစိုက်စိုက် အားထုတ်ရမယ့် ရဟန်းသံဃာ သူတော်သီလရှင်တွေကိုလည်း ဒီကိစ္စ မပြုလုပ်ဖို့ အတင်းအကျပ် တားမြစ်တော်မူပါတယ်။
လောကီကို လွန်မြောက်လိုသူတွေအတွက် လိင်ကိစ္စဟာ ယုတ်ညံ့တယ်လို့ ဘုရားရှင် မိန့်တော်မူပါတယ်။ ဘုရားဖြစ်ဖြစ်ချင်း ပထမဆုံး ဟောတော်မူတဲ့ တရားဦး ဓမ္မစကြာမှာ လိင်ကိစ္စ အပါအ၀င် ကာမဂုဏ်ခံစားမှု မှန်သမျှကို ယုတ်ညံ့တယ် အကျိုးမဲ့တယ်လို့ ရှုတ်ချတော်မူပါတယ်။
လောကီနယ်မှာတော့ လိင်ကိစ္စဟာ အပြစ်မဆိုသာတဲ့ မနဲ့ဖိုတို့ရဲ့ အပေးအယူ ကိစ္စ ဖြစ်ပါတယ်။ နှစ်ဘက်လုံးကို အပြည့်အ၀ ကျေနပ်စေနိုင်တဲ့ ခန္ဓာဗေဒ သဘာဝ ဖြစ်ရပ်တွေထဲက တစ်ခု ဖြစ်ပါတယ်။
ဒါပေမယ့် စည်းကမ်းရှိဖို့ လိုပါတယ်။ အဋ္ဌကအင်္ဂုတ္တရပါဠိတော် ဒီဃဇာဏုသုတ်မှာ အပါယ်ကျစေတဲ့ မကောင်းမှု လေးမျိုးကို ဘုရားရှင် ဟောတော်မူခဲ့ပါတယ်။ အဲဒီ လေးမျိုးကတော့ “မိန်းမလိုက်စားခြင်း၊ လောင်းကစားလိုက်စားခြင်း၊ မူးယစ်သောက်စားခြင်း၊ မိတ်ဆွေဆိုးနဲ့ ပေါင်းသင်းခြင်း”တို့ ဖြစ်ပါတယ်။ သုတ္တနိပါတ်ပါဠိတော် ပရာဘ၀သုတ်မှာတော့ “မိန်းမလိုက်စားခြင်း၊ လောင်းကစားလိုက်စားခြင်း၊ မူးယစ်သောက်စားခြင်း”တို့ဟာ လူ့ဘ၀ ပျက်စီးကြောင်းတွေ ဖြစ်တယ်လို့ ဘုရားရှင် ဟောတော်မူခဲ့ပါတယ်။
ဒီဒေသနာတော်တွေမှာ “မိန်းမလိုက်စားခြင်း”လို့ ဆိုတဲ့အတွက် အမျိုးသားတွေနဲ့သာ ဆိုင်တယ်၊ အမျိုးသမီးတွေနဲ့ မဆိုင်ဘူးလို့ မယူဆရပါဘူး။ ယောက်ျားတွေကို ကိုယ့်အိမ်ရှင် ဇနီးမယားကလွဲပြီး အပိုအပျော် မရှာဖို့ ညွှန်ကြားသလို မိန်းမတွေကိုလည်း ကိုယ့်အိမ်ရှင် လင်ယောက်ျားကလွဲပြီး အပိုအပျော် မရှာဖို့ ညွှန်းကြားထားတာ ဖြစ်ပါတယ်။ လောကီသားတို့ မရှောင်နိုင်တဲ့ လင်ကိစ္စမှာ သစ္စာရှိကြဖို့ စည်းကမ်းရှိကြဖို့ သွန်သင်ဆုံးမထားတာ ဖြစ်ပါတယ်။
ဒီကိစ္စကို ဒီလိုမှ စောင့်ထိန်းမှု မရှိရင် လူတွေဟာ တိရစ္ဆာန်တွေနဲ့ အဆင့်တူသွားပါလိမ့်မယ်။ လူပဲဖြစ်ဖြစ် တိရိစ္ဆာန်ပဲဖြစ်ဖြစ် မျိုးဆက်ပြန့်ပွားဖို့ မနဲ့ဖိုတို့ရဲ့ အိမ်ထောင်ကိစ္စ မရှိမဖြစ် လိုအပ်ပါတယ်။ ဒါပေမယ့် လူ့အိမ်ထောင်ဟာ မျိုးဆက်ပြန့်ပွားဖို့ထက် ပိုသင့်ပါတယ်။ လူသားအချင်းချင်း စည်းစည်းလုံးလုံး ဟန်ချက်ချက်ညီညီ ပေါင်းသင်းနိုင်ဖို့၊ ဆက်ဆံရေး နယ်ပယ်မှာ အပြန်အလှန် နာလည်နိုင်ဖို့အတွက် တာဝန်ဝတ္တရား နဲ့ တာဝန်ယူမှုတွေ အရေးတကြီး လိုအပ်ပါတယ်။ ဒီလိုအပ်ချက်ကို အလေးအနက် ဖြည့်ဆည်းပေးခြင်းဟာ ချမ်းမြေ့တဲ့ လူ့အိမ်ထောင်ရဲ့ အဓိက ထောက်တိုင် ဖြစ်ပါတယ်။
ဒီထောက်တိုင်ကို ထူထောင်တဲ့ အနေနဲ့ အိမ်ထောင်ဘက်ချင်း အပြန်အလှန် တာဝန်ကျေပြီး အပြန်အလှန် သစ္စာရှိကြမယ်၊ လိင်ကိစ္စကို စည်းနဲ့ဘောင်နဲ့ ပြတ်ပြတ်သားသား ကန့်သတ်ထိန်းချုပ် ရောင့်ရဲနိုင်ကြမယ်ဆိုရင် ချမ်းမြေ့တဲ့အိမ်ထောင်ကို တည်ဆောက်ရာမှာ များစွာ အထောက်အကူ ရပါလိမ့်မယ်။
ငြိမ်းချမ်းကြပါစေ။
ရှင်အာစာရ
Ref (March 23, 2011):
ဒီဃဇာဏုသုတ်၊ ပရာဘ၀သုတ်
“A Happy Married Life” by Venerable K. Sri Dhammananda
http://www.dharmaweb.org/index.php/A_Happy_Married_Life_by_Venerable_K._Sri_Dhammananda
Picture from (March 30, 2011):
http://fineartamerica.com/featured/evil-born-safak-tulga.html